| 章節 | 全民台語聖經全羅經文 | 註釋 |
| 12:1 | Siōng-chú Kéng-tiàu A-bú-lâmSiōng-chú tùi A-bú-lâm kóng, " Lí tio̍h lī-khui pún-tē, pún cho̍k, lāu-pē ê ke, khì Góa só͘ beh chí-sī lí ê tē. | 註釋 串珠 蔡茂堂 盧華 盧導讀台 |
| 12:2 | Góa beh hō͘ lí chiâⁿ-chò tōa kok, Góa beh kā lí sù-hok, hō͘ lí ê miâ chò tōa, lí mā ē hō͘ lâng tit tio̍h hok-khì. | 註釋 串珠 蔡茂堂 盧華 盧導讀台 |
| 12:3 | Chiok-hok lí ê, Góa ē sù-hok hō͘ in; chiù-chó͘ lí ê, Góa ē kā i chek-hoa̍t. Tē chiūⁿ bān-cho̍k ē in-ūi lí lâi tit tio̍h hok-khì. " | 註釋 串珠 蔡茂堂 盧華 盧導讀台 |
| 12:4 | A-bú-lâm chiàu Siōng-chú hoan-hù ê ōe, chiū khì; Ló-toh mā kah i khì. A-bú-lâm chhut Khal-lân ê sî, chhit-cha̍p-gō͘ hòe. | 註釋 串珠 蔡茂堂 盧華 盧導讀台 |
| 12:5 | A-bú-lâm chhōa i ê bó͘ Sa-lái kah i ê ti̍t-á Ló-toh, í-ki̍p in tī Khal-lân só͘ chek-chū ê châi-bu̍t kah só͘ tit tio̍h ê lâng-gia̍h, in chiū chhut-.khì, beh khì Ka-nân tē. In chiū lâi-kàu Ka-nân tē. | 註釋 串珠 蔡茂堂 盧華 盧導讀台 |
| 12:6 | A-bú-lâm keng-kòe hit-ê tē hia, kàu tī Sī-khiàm ê só͘-chāi, lâi-kàu Mó͘-leh ê siōng chhiū. Hit sî, Ka-nân cho̍k iáu tòa tī hia. | 註釋 串珠 蔡茂堂 盧華 盧導讀台 |
| 12:7 | Siōng-chú tùi A-bú-lâm chhut-hiān, kóng, " Góa ē kā chit-ê só͘-chāi siúⁿ-sù hō͘ lí ê kiáⁿ-sun. " I chiū tī hia ūi tio̍h tùi i chhut-hiān ê Siōng-chú khí chi̍t chō tôaⁿ. | 註釋 串珠 蔡茂堂 盧華 盧導讀台 |
| 12:8 | I tùi hia sóa kàu Be-thel tang pêng ê soaⁿ, tī hia tah pò͘-pêⁿ; sai pêng sī Be-thel, tang pêng sī Ai siâⁿ. I tī hia ūi tio̍h Siōng-chú khí chi̍t chō tôaⁿ, kiû-kiò Siōng-chú ê miâ. | 註釋 串珠 蔡茂堂 盧華 盧導讀台 |
| 12:9 | A-bú-lâm chiām-chiām sóa khì lâm pêng ê tē. | 註釋 串珠 蔡茂堂 盧華 盧導讀台 |
| 12:10 | A-bú-lâm Kàu Ai-gi̍pHitê tē tú tio̍h ki-hng, A-bú-lâm lo̍h-khì Ai-gi̍p, beh chiām-sî tòa tī hia, in-ūi hit-ê tē ki-hng chin lī-hāi. | 註釋 串珠 蔡茂堂 盧華 盧導讀台 |
| 12:11 | Teh beh ji̍p Ai-gi̍p ê sî, i chiū tùi i ê bó͘ Sa-lái kóng, " Góa chai lí sī bīn-māu hó khòaⁿ ê chabó͘ lâng. | 註釋 串珠 蔡茂堂 盧華 盧導讀台 |
| 12:12 | Ai-gi̍p lâng khòaⁿ tio̍h lí ê sî ē kóng, ' Chit-ê sī i ê bó͘.' In chiū ē kā góa thâi-sí, lâi lâu lí oa̍h-.leh. | 註釋 串珠 蔡茂堂 盧華 盧導讀台 |
| 12:13 | Kiû lí tio̍h kóng, lí sī góa ê sió-mōe, hō͘ góa in-ūi lí tit tio̍h pêng-an; góa ê sèⁿ-miā mā tùi lí lâi tit tio̍h oa̍h. " | 註釋 串珠 蔡茂堂 盧華 盧導讀台 |
| 12:14 | A-bú-lâm kàu Ai-gi̍p ê sî, Ai-gi̍p lâng khòaⁿ tio̍h hit-ê chabó͘ lâng hui-siông súi. | 註釋 串珠 蔡茂堂 盧華 盧導讀台 |
| 12:15 | Hôa-láu ê jîn-sîn khòaⁿ tio̍h i, chiū tùi Hôa-láu oló i. Hitê chabó͘ lâng chiū hō͘ lâng chhōa ji̍p-khì Hôa-láu ê ông-kiong. | 註釋 串珠 蔡茂堂 盧華 盧導讀台 |
| 12:16 | Hôa-láu in-ūi chit-ê chabó͘ lâng, chiū hó khoán-thāi A-bú-lâm, A-bú-lâm chiū tit tio̍h iûⁿ, gû, kang ê lî, lô͘-po̍k, lú-pī, bó ê lî-á, í-ki̍p lo̍k-tô. | 註釋 串珠 蔡茂堂 盧華 盧導讀台 |
| 12:17 | Siōng-chú in-ūi A-bú-lâm ê bó͘ Sa-lái ê iân-kò͘, kàng tōa chai-hō tī Hôa-láu kah i choân ke. | 註釋 串珠 蔡茂堂 盧華 盧導讀台 |
| 12:18 | Hôa-láu chiū kiò A-bú-lâm lâi kóng, " Lí tùi góa só͘ chò ê sī siáⁿ-mi̍h tāichì? Án-chóaⁿ bô kā góa kóng i sī lí ê bó͘? | 註釋 串珠 蔡茂堂 盧華 盧導讀台 |
| 12:19 | Ná ē kóng i sī lí ê sió-mōe? Tì-sú góa kā i chhōa lâi chò góa ê bó͘. Taⁿ lí ê bó͘ tī chia, lí thang chhōa i, chò lí khì. " | 註釋 串珠 蔡茂堂 盧華 盧導讀台 |
| 12:20 | Jiân-āu, Hôa-láu chiū hoan-hù lâng, kā i kah i ê bó͘, í-ki̍p i só͘-ū ê, lóng sàng in khì. | 註釋 串珠 蔡茂堂 盧華 盧導讀台 |