| 章節 | 全民台語聖經全羅經文 | 註釋 |
| 13:1 | A-bú-lâm kah Ló-toh Hun-chhiúA-bú-lâm tùi Ai-gi̍p chiūⁿ-.khì, i kah i ê bó͘, í-ki̍p i só͘-ū ê, liân Ló-toh lóng khì Ka-nân ê lâm-pō͘. | 註釋 串珠 蔡茂堂 盧華 盧導讀台 |
| 13:2 | A-bú-lâm ê gû, gîn, kim chin chē. | 註釋 串珠 蔡茂堂 盧華 盧導讀台 |
| 13:3 | I tùi Lâm-tē chiām-chiām sóa khì Be-thel, kàu tī Be-thel kah Ai siâⁿ ê tiong-kan, in chá-chêng tah pò͘-pêⁿ ê só͘-chāi, | 註釋 串珠 蔡茂堂 盧華 盧導讀台 |
| 13:4 | Mā-sī i khí-thâu khí tôaⁿ ê só͘-chāi; A-bú-lâm tī hia kiû-kiò Siōng-chú ê miâ. | 註釋 串珠 蔡茂堂 盧華 盧導讀台 |
| 13:5 | Kah A-bú-lâm tâng kiâⁿ ê Ló-toh mā ū iûⁿ-kûn, gû-kûn, pò͘-pêⁿ. | 註釋 串珠 蔡茂堂 盧華 盧導讀台 |
| 13:6 | Hitê tē chiū bē iông-ín tit in chò-hóe tòa; in-ūi in ê châi-bu̍t chē, in chiah bē tàng chò-hóe tòa. | 註釋 串珠 蔡茂堂 盧華 盧導讀台 |
| 13:7 | A-bú-lâm ê bo̍k-chiá kah Ló-toh ê bo̍k-chiá sio-cheⁿ. Hit tong-sî, Ka-nân lâng kah Pe-lí-ji lâng tòa tī hit-ê tē-khu. | 註釋 串珠 蔡茂堂 盧華 盧導讀台 |
| 13:8 | A-bú-lâm kā Ló-toh kóng, " Lí góa m̄ thang oan-ke, lí ê bo̍k-chiá kah góa ê bo̍k-chiá mā m̄ thang oan-ke, in-ūi lán sī kut-jio̍k chì-chhin. | 註釋 串珠 蔡茂堂 盧華 盧導讀台 |
| 13:9 | Choân tē kám bô tī lí ê ba̍k-chiu chêng? Chhiáⁿ lí lī-khui góa; lí nā kiâⁿ tò pêng, góa chiū khì chiàⁿ pêng; á-.sī lí nā kiâⁿ chiàⁿ pêng, góa chiū khì tò pêng. | 註釋 串珠 蔡茂堂 盧華 盧導讀台 |
| 13:10 | Ló-toh gia̍h thâu khòaⁿ Iol-tàn hô kui-phiàn ê pêng-goân, it-ti̍t kàu Cho-al ê lō͘ lóng chin chu-jūn; hit-ê tē tī Siōng-chú iáu-bōe bia̍t So͘-tóm kah Am-mo͘-la̍h í-chêng, chhin-chhiūⁿ Siōng-chú ê hn̂g, mā chhin-chhiūⁿ Ai-gi̍p ê tē. | 註釋 串珠 蔡茂堂 盧華 盧導讀台 |
| 13:11 | Chiū ánne, Ló-toh kéng Iol-tàn hô kui-phiàn ê pêng-goân, chhian-sóa khì tang pêng; in chiū hō͘-siong hun-khui. | 註釋 串珠 蔡茂堂 盧華 盧導讀台 |
| 13:12 | A-bú-lâm tòa Ka-nân tē, Ló-toh tòa pêng-goân chiahê siâⁿ, sóa i ê pò͘-pêⁿ kàu So͘-tóm. | 註釋 串珠 蔡茂堂 盧華 盧導讀台 |
| 13:13 | So͘-tóm lâng ke̍k pháiⁿ, tōa-tōa tek-chōe Siōng-chú. | 註釋 串珠 蔡茂堂 盧華 盧導讀台 |
| 13:14 | A-bú-lâm Sóa-kàu He-bú-lôngLó-toh lī-pia̍t liáu-āu, Siōng-chú tùi A-bú-lâm kóng, " Lí gia̍h thâu, tùi lí só͘ tiàm ê só͘-chāi, ǹg tang, sai, lâm, pak lâi khòaⁿ, | 註釋 串珠 蔡茂堂 盧華 盧導讀台 |
| 13:15 | In-ūi lí só͘ khòaⁿ tio̍h it-chhè ê tē, Góa lóng beh hō͘ lí kah lí ê kiáⁿ-sun, it-ti̍t kàu éng-oán. | 註釋 串珠 蔡茂堂 盧華 盧導讀台 |
| 13:16 | Góa mā beh hō͘ lí ê kiáⁿ-sun chhin-chhiūⁿ tē-chiūⁿ ê thô͘-soa hiah chē, lâng nā ē-tàng sǹg tē-chiūⁿ ê thô͘-soa, chiah ē-tàng sǹg lí ê kiáⁿ-sun. | 註釋 串珠 蔡茂堂 盧華 盧導讀台 |
| 13:17 | Lí khí-lâi piàn kiâⁿ chit-ê tē ê hoâiⁿ-ti̍t, in-ūi Góa beh kā chit-ê tē hō͘ lí. " | 註釋 串珠 蔡茂堂 盧華 盧導讀台 |
| 13:18 | A-bú-lâm chiū poaⁿ-sóa pò͘-pêⁿ lâi-kàu He-bú-lông, óa Mam-lē hiahê siōng chhiū tòa; i tī hia ūi Siōng-chú khí chi̍t chō tôaⁿ. | 註釋 串珠 蔡茂堂 盧華 盧導讀台 |