| 章節 | 全民台語聖經全羅經文 | 註釋 |
| 14:1 | A-bú-lâm Chhiúⁿ-kiù Ló-tohTng Am-la-hoel chò Sī-nal ông, A-lio̍k chò E-la-sal ông, Ke-tah-láu-mel chò Ê-lám ông, Ti-tal chò Go-im ông ê sî, | 註釋 串珠 蔡茂堂 盧華 盧導讀台 |
| 14:2 | In lâi kong-kek So͘-tóm ông Be-la̍h, Am-mo͘-la̍h ông Bil-siah, At-mah ông Si-nap, Che-bó-ím ông Se-me-bel, í-ki̍p Be-la̍h ông ( Be-la̍h to̍h-sī Cho-al ). | 註釋 串珠 蔡茂堂 盧華 盧導讀台 |
| 14:3 | In lóng chū-chi̍p tī Si-tím ê soaⁿ-kok; Si-tím soaⁿ-kok to̍h-sī Iâm-hái. | 註釋 串珠 蔡茂堂 盧華 盧導讀台 |
| 14:4 | In ho̍k-sāi Ke-tah-láu-mel cha̍p-jī nî, kàu cha̍p-saⁿ nî pōe-poān. | 註釋 串珠 蔡茂堂 盧華 盧導讀台 |
| 14:5 | Cha̍p-sì nî, Ke-tah-láu-mel kah chiahê liân-bêng ê ông lóng lâi, tī A-si-ta-lot-kal-naim thâi-iâⁿ Le-hoa-im lâng, tī Ham thâi-iâⁿ Chu-ji lâng, tī Sia-beh-ki-lia̍h-thaim-têng thâi-iâⁿ E-mih lâng, | 註釋 串珠 蔡茂堂 盧華 盧導讀台 |
| 14:6 | Tī Hô-lī lâng ê Se-il soaⁿ thâi-iâⁿ Hô-lī lâng, it-ti̍t kàu kīn tī khòng-iá ê El-pa-lân. | 註釋 串珠 蔡茂堂 盧華 盧導讀台 |
| 14:7 | In tò-tńg kàu Eng-mi-si-pat, to̍h-sī Ka-té-si, kong-kek A-má-le̍k choân tē kah tòa tī Ha-cha-chóng-tha-mal ê A-mô͘-lī lâng. | 註釋 串珠 蔡茂堂 盧華 盧導讀台 |
| 14:8 | Tùi hit sî khí, So͘-tóm ông, Am-mo͘-la̍h ông, At-mah ông, Che-bó-ím ông, Be-la̍h ông, ( Be-la̍h to̍h-sī Cho-al ), lóng chhut-lâi tī Si-tím ê soaⁿ-kok pâi tīn kah in kau-chiàn, | 註釋 串珠 蔡茂堂 盧華 盧導讀台 |
| 14:9 | Chiū-sī kah Ê-lám ông Ke-tah-láu-mel, Go-im ông Ti-tal, Sī-nal ông Am-la-hoel, E-la-sal ông A-lio̍k kau-chiàn; sì-ê ông tùi-te̍k gō͘-ê ông. | 註釋 串珠 蔡茂堂 盧華 盧導讀台 |
| 14:10 | Si-tím soaⁿ-kok lóng sī chio̍h-iû kheⁿ, So͘-tóm kah Am-mo͘-la̍h chiahê ông tô-cháu, poa̍h tī hia, kî-tha ê cháu chiūⁿ soaⁿ. | 註釋 串珠 蔡茂堂 盧華 盧導讀台 |
| 14:11 | In chiū kā So͘-tóm kah Am-mo͘-la̍h ê châi-bu̍t, í-ki̍p in ê kan-niûⁿ lóng chhiúⁿ-.khì. | 註釋 串珠 蔡茂堂 盧華 盧導讀台 |
| 14:12 | In koh kā A-bú-lâm ê ti̍t-á Ló-toh kah i ê châi-bu̍t chhiúⁿ-.khì; hit sî, Ló-toh tòa tī So͘-tóm. | 註釋 串珠 蔡茂堂 盧華 盧導讀台 |
| 14:13 | Ū chi̍t-ê tô-cháu ê lâng, lâi kā Hi-bú-lâi lâng A-bú-lâm kóng; hit sî, A-bú-lâm tòa tī A-mô͘-lī lâng Mam-lē ê siōng chhiū hit só͘-chāi, Mam-lē, E-si-kol kah A-nel lóng sī hiaⁿ-tī, ū kah A-bú-lâm liân-bêng. | 註釋 串珠 蔡茂堂 盧華 盧導讀台 |
| 14:14 | A-bú-lâm thiaⁿ tio̍h i ê ti̍t-á hō͘ lâng lia̍h-.khì, chiū chhōa seⁿ-thòaⁿ tī i ê ke-.ni̍h cheng-liān ê chòng-teng saⁿ-pah cha̍p-peh lâng, jiok kàu Tàn. | 註釋 串珠 蔡茂堂 盧華 盧導讀台 |
| 14:15 | I kah i ê lô͘-po̍k thàu-mê hun tūi, kā in kong-kek; it-ti̍t jiok kàu Ta-má-su-ko tò pêng ê Hô-pa, | 註釋 串珠 蔡茂堂 盧華 盧導讀台 |
| 14:16 | kā it-chhè ê châi-bu̍t chhiúⁿ tò tńg-.lâi, liân i ê ti̍t-á Ló-toh kah i ê châi-bu̍t, í-ki̍p hū-lí, jîn-bîn mā lóng chhiúⁿ tò tńg-.lâi. | 註釋 串珠 蔡茂堂 盧華 盧導讀台 |
| 14:17 | Mal-ki-che-tek Chiok-hok A-bú-lâmA-bú-lâm thâi-iâⁿ Ke-tah-láu-mel í-ki̍p kah i chò-tīn hiahê ông tńg-.lâi ê sî, So͘-tóm ông chhut-.lâi, kàu Sa-bí ê soaⁿ-kok kā i gêng-chiap; Sa-bí ê soaⁿ-kok to̍h-sī ông ê soaⁿ-kok. | 註釋 串珠 蔡茂堂 盧華 盧導讀台 |
| 14:18 | Mā ū Sa-lèm ông Mal-ki-che-tek tòa piáⁿ kah chiú chhut-.lâi, i sī chì-koân Siōng-tè ê chè-si. | 註釋 串珠 蔡茂堂 盧華 盧導讀台 |
| 14:19 | I kā A-bú-lâm chiok-hok, kóng, " Goān thiⁿ-tē ê Chú, chì-koân Siōng-tè sù-hok hō͘ A-bú-lâm! | 註釋 串珠 蔡茂堂 盧華 盧導讀台 |
| 14:20 | Chì-koân Siōng-tè kā tùi-te̍k kau tī lí ê chhiú, eng-kai oló I. " A-bú-lâm kā só͘-ū só͘ tit tio̍h ê, cha̍p hūn the̍h chi̍t hūn hō͘ Mal-ki-che-tek. | 註釋 串珠 蔡茂堂 盧華 盧導讀台 |
| 14:21 | So͘-tóm ông kā A-bú-lâm kóng, " Kā lâng kui góa, mi̍h lóng hō͘ lí. " | 註釋 串珠 蔡茂堂 盧華 盧導讀台 |
| 14:22 | A-bú-lâm kā So͘-tóm ông kóng, " Góa ū kí thiⁿ-tē ê Chú — chì-koân Siōng-tè Siōng-chú lâi chiùchōa, | 註釋 串珠 蔡茂堂 盧華 盧導讀台 |
| 14:23 | Só͘-ū lí ê mi̍h, to̍h-sī chi̍t tiâu sòaⁿ, chi̍t tiâu ôe-tòa, góa lóng m̄-the̍h, bián-tit lí kóng, ' Góa hō͘ A-bú-lâm hó-gia̍h. ' | 註釋 串珠 蔡茂堂 盧華 盧導讀台 |
| 14:24 | Chí-ū siàu-liân lâng só͘ chia̍h ê, í-ki̍p kah góa tâng kiâⁿ ê lâng A-nel, E-si-kol, Mam-lē só͘ èng-tit ê hūn-gia̍h, thang chhut-chāi in the̍h. " | 註釋 串珠 蔡茂堂 盧華 盧導讀台 |