| 章節 | 全民台語聖經全羅經文 | 註釋 |
| 6:1 | Siōng-chú hoan-hù Mô͘-se kóng, | 註釋 串珠 盧華 盧導讀台 |
| 6:2 | " Lí tio̍h hoan-hù I-su-la-el lâng, kā in kóng, bô-lūn lâm-lí hē te̍k-pia̍t ê goān, to̍h-sī hiàn-sin-chiá ê goān, tio̍h kakī hun-pia̍t kui hō͘ Siōng-chú. | 註釋 串珠 盧華 盧導讀台 |
| 6:3 | I chiū tio̍h lī-khui chiú kah kāu chiú, mā m̄ thang lim siáⁿ-mi̍h chiú ê chhò͘ kah kāu chiú ê chhò͘, m̄ thang lim siáⁿ-mi̍h phû-tô ê chiap, mā m̄ thang chia̍h chheⁿ ê phû-tô kah ta ê phû-tô. | 註釋 串珠 盧華 盧導讀台 |
| 6:4 | Tī só͘-ū kakī hun-pia̍t chò sèng ê ji̍t, kiàn-nā phû-tô chhiū só͘ chhut ê, tùi hu̍t kàu phôe lóng m̄ thang chia̍h. | 註釋 串珠 盧華 盧導讀台 |
| 6:5 | " Tī i hē goān kakī hun-pia̍t chò sèng hiahê ji̍t, m̄ thang hō͘ thì thâu to kàu i ê thâu-khak; kàu i kakī hun-pia̍t kui hō͘ Siōng-chú ê ji̍t móa, i tio̍h chò sèng, chhut-chāi i ê thâu-mn̂g hoat tn̂g. | 註釋 串珠 盧華 盧導讀台 |
| 6:6 | Tī i kakī hun-pia̍t chò sèng kui Siōng-chú hiahê ji̍t, m̄ thang óa-kīn sin-si. | 註釋 串珠 盧華 盧導讀台 |
| 6:7 | I ê lāu-pē á-.sī lāu-bú á-.sī hiaⁿ-tī á-.sī chí-mōe sí ê sî, i m̄ thang ūi tio̍h in hō͘ kakī bô chheng-khì, in-ūi i kakī hun-pia̍t chò sèng kui Siōng-tè ê pîn-kì sī tī i ê thâu-khak. | 註釋 串珠 盧華 盧導讀台 |
| 6:8 | Tī i kakī hun-pia̍t chò sèng hiahê ji̍t, i sī kui tī Siōng-chú lâi chò sèng. | 註釋 串珠 盧華 盧導讀台 |
| 6:9 | " Nā tī i ê sin piⁿ hut-jiân ū lâng sí, tì-sú bak tio̍h i kakī hun-pia̍t chò sèng ê thâu-khak, i chiū tio̍h tī kakī chheng-khì ê ji̍t thì thâu, to̍h-sī tī tē-chhit ji̍t thì thâu. | 註釋 串珠 盧華 盧導讀台 |
| 6:10 | Tē-peh ji̍t, i tio̍h ēng nn̄g chiah pan-kah á-.sī nn̄g chiah hún-chiáu-kiáⁿ, tòa kàu hōe-bō͘ mn̂g-kháu, kau-tài chè-si. | 註釋 串珠 盧華 盧導讀台 |
| 6:11 | Chè-si tio̍h hiàn chi̍t chiah chò sio̍k-chōe-chè, chi̍t chiah chò sio-chè, kā i sio̍k-chōe, in-ūi i tùi sin-si lâi ū chōe, koh tio̍h tī hit ji̍t hō͘ i ê thâu-khak chò sèng. | 註釋 串珠 盧華 盧導讀台 |
| 6:12 | I tio̍h koh ēng i hun-pia̍t chò sèng ê ji̍t, hun-pia̍t lâi kui Siōng-chú, koh tio̍h khan chi̍t chiah bī-móa-nî ê iûⁿ-káng-á, chò pó͘ kòe-si̍t ê chè; chóng-.sī, í-chêng ê ji̍t bô sǹg-siàu, in-ūi i kakī hun-pia̍t chò sèng ê í-keng bô chheng-khì. | 註釋 串珠 盧華 盧導讀台 |
| 6:13 | " Hiàn-sin-chiá kakī hun-pia̍t chò sèng ê ji̍t móa liáu-āu, hit-ê lē to̍h-sī ánne: Lâng tio̍h chhōa i kàu hōe-bō͘ ê mn̂g-kháu. | 註釋 串珠 盧華 盧導讀台 |
| 6:14 | I tio̍h kā i ê lé-mi̍h hiàn hō͘ Siōng-chú, to̍h-sī chi̍t chiah bô khoat-tiám bī-móa-nî ê mî-iûⁿ-káng-á, chò sio-chè, chi̍t chiah bô khoat-tiám bī-móa-nî ê mî-iûⁿ-bó á, chò sio̍k-chōe-chè, koh ēng chi̍t chiah bô khoat-tiám ê mî-iûⁿ-káng, chò siā-un ê chè; | 註釋 串珠 盧華 盧導讀台 |
| 6:15 | koh ēng chi̍t kheng ê bô-kàⁿ piáⁿ, to̍h-sī tiâu-hô iû kah iù mī-hún chò ê piáⁿ kah boah iû bô-kàⁿ ê po̍h piáⁿ, í-ki̍p i ê sò͘-chè kah koàn-tiān ê chè. | 註釋 串珠 盧華 盧導讀台 |
| 6:16 | " Chè-si tio̍h the̍h chiahê kàu Siōng-chú ê bīn-chêng, lâi hiàn hit-ê lâng ê sio̍k-chōe-chè kah sio-chè. | 註釋 串珠 盧華 盧導讀台 |
| 6:17 | I mā tio̍h kā hit chiah iûⁿ-káng kah hit kheng bô-kàⁿ piáⁿ, hiàn hō͘ Siōng-chú chò siā-un ê chè, chè-si mā tio̍h sòa hiàn i ê sò͘-chè kah koàn-tiān. | 註釋 串珠 盧華 盧導讀台 |
| 6:18 | Hiàn-sin-chiá tio̍h tī hōe-bō͘ mn̂g-kháu thì kakī hun-pia̍t chò sèng ê thâu, kā kakī hun-pia̍t chò sèng ê thâu-mn̂g hē tī siā-un-chè ē-bīn ê hóe téng. | 註釋 串珠 盧華 盧導讀台 |
| 6:19 | " Hiàn-sin-chiá thì i kakī hun-pia̍t chò sèng ê thâu-mn̂g liáu-āu, chè-si chiū tio̍h chhú í-keng chú ê iûⁿ-káng chi̍t ki chêng-thúi, koh tùi kheng-á lāi the̍h chi̍t-ê bô-kàⁿ piáⁿ kah chi̍t-ê bô-kàⁿ ê po̍h piáⁿ, lóng hē tī i ê chhiú. | 註釋 串珠 盧華 盧導讀台 |
| 6:20 | Chè-si tio̍h the̍h chiahê chò iô-chè, iô tī Siōng-chú ê bīn-chêng; che kah só͘ iô ê heng, só͘ kí ê thúi, lóng chò sèng-mi̍h, kui hō͘ chè-si, jiân-āu hiàn-sin-chiá chiah thang lim chiú. | 註釋 串珠 盧華 盧導讀台 |
| 6:21 | " Hē-goān ê hiàn-sin-chiá ūi tio̍h i hun-pia̍t kakī só͘ hiàn ê lé-mi̍h chò sèng kah i í-gōa só͘ ē tit tio̍h ê hiàn hō͘ Siōng-chú, to̍h-sī chit-ê lē. I ánne hē goān, chiū tio̍h chiàu hun-pia̍t kakī chò sèng ê lē lâi kiâⁿ. " | 註釋 串珠 盧華 盧導讀台 |
| 6:22 | Chè-si ê Chiok-hokSiōng-chú hoan-hù Mô͘-se kóng, | 註釋 串珠 盧華 盧導讀台 |
| 6:23 | " Lí tio̍h hoan-hù A-lông kah i ê kiáⁿ kóng, Lín tio̍h ánne kā I-su-la-el lâng chiok-hok, tùi in kóng, | 註釋 串珠 盧華 盧導讀台 |
| 6:24 | ' Goān Siōng-chú kā lí sù-hok, pó-hō͘ lí. | 註釋 串珠 盧華 盧導讀台 |
| 6:25 | Goān Siōng-chú hō͘ I ê bīn ê kng chiò lí, si un hō͘ lí. | 註釋 串珠 盧華 盧導讀台 |
| 6:26 | Goān Siōng-chú hoaⁿ-hí ê bīn khòaⁿ lí, siúⁿ-sù hō͘ lí pêng-an. ' | 註釋 串珠 盧華 盧導讀台 |
| 6:27 | Án-ne, in beh kā Góa ê miâ hē tī I-su-la-el lâng ê téng-bīn, Góa mā beh sù-hok hō͘ in. " | 註釋 串珠 盧華 盧導讀台 |