| 章節 | 全民台語聖經全羅經文 | 註釋 |
| 12:1 | Mi-lí-ám Hông Chhú-hoa̍tMi-lí-ám kah A-lông hiâm Mô͘-se, ūi tio̍h i só͘ chhōa Kú-si̍t ê chabó͘ kiáⁿ, in-ūi Mô͘-se bat chhōa Kú-si̍t lâng ê chabó͘ kiáⁿ chò bó͘. | 註釋 串珠 盧華 盧導讀台 |
| 12:2 | In kóng, " Siōng-chú kám kantaⁿ kah Mô͘-se kóng-ōe? Kám mā bô kah goán kóng-ōe? " Chit-ê ōe Siōng-chú ū thiaⁿ-.tio̍h. | 註釋 串珠 盧華 盧導讀台 |
| 12:3 | Hitê Mô͘-se chò lâng hui-siông un-jiû, iâⁿ-kòe sè-chiūⁿ ê chèng lâng. | 註釋 串珠 盧華 盧導讀台 |
| 12:4 | Siōng-chú hut-jiân tùi Mô͘-se, A-lông kah Mi-lí-ám kóng, " Lín saⁿ lâng chhut-lâi hōe-bō͘ chia. " In saⁿ lâng chiū chhut-.lâi. | 註釋 串珠 盧華 盧導讀台 |
| 12:5 | Siōng-chú tī hûn-thiāu tiong kàng-lîm, khiā tī pò͘-pêⁿ mn̂g-kháu, tiàu A-lông kah Mi-lí-ám, in nn̄g lâng chiū chhut-.lâi. | 註釋 串珠 盧華 盧導讀台 |
| 12:6 | Siōng-chú kóng, " Τio̍h thiaⁿ Góa ê ōe, lín tiong-kan nā ū sian-ti, Góa — Siōng-chú ē ēng ī-siōng hō͘ in bat Góa, tī bîn-bāng tiong kah in kóng-ōe. | 註釋 串珠 盧華 盧導讀台 |
| 12:7 | " Góa ê lô͘-po̍k Mô͘-se m̄-sī ánne; i chīn-tiong tī Góa ê choân ke. | 註釋 串珠 盧華 盧導讀台 |
| 12:8 | " Góa beh bīn tùi bīn kah i kóng-ōe, to̍h-sī bêng-bêng kóng, bô ēng chhai-gí, i koh ē khòaⁿ tio̍h Siōng-chú ê hêng-siōng. Lín hiâm Góa ê lô͘-po̍k Mô͘-se, án-chóaⁿ bô teh kiaⁿ? " | 註釋 串珠 盧華 盧導讀台 |
| 12:9 | Siōng-chú tùi in siū-khì, chiū lī-khui. | 註釋 串珠 盧華 盧導讀台 |
| 12:10 | Hûn tùi pò͘-pêⁿ téng sóa-khui, lí khòaⁿ, Mi-lí-ám thái-ko chhin-chhiūⁿ seh. A-lông khòaⁿ Mi-lí-ám, lí khòaⁿ, i sī thái-ko. | 註釋 串珠 盧華 盧導讀台 |
| 12:11 | A-lông tùi Mô͘-se kóng, " Góa ê chú, kiû lí m̄ thang in-ūi goán ê gû-gōng hoān chōe, koh kā chit-ê chōe kui tī goán. | 註釋 串珠 盧華 盧導讀台 |
| 12:12 | Kiû lí m̄ thang hō͘ i chhin-chhiūⁿ tú tùi lāu-bú ê pak-tó͘ chhut-.lâi, bah to̍h í-keng nōa chi̍t-pòaⁿ ê thai. " | 註釋 串珠 盧華 盧導讀台 |
| 12:13 | Mô͘-se chiū ai-kiû Siōng-chú kóng, " Siōng-tè ah, kiû Lí kā i i hó! " | 註釋 串珠 盧華 盧導讀台 |
| 12:14 | Siōng-chú tùi Mô͘-se kóng, " Siat-sú i ê lāu-pē tī i ê bīn phùi nōa, i kám bô kiàn-siàu chhit kang? Taⁿ tio̍h kā i koaiⁿ tī iâⁿ gōa chhit kang, jiân-āu chiah thang chhōa i ji̍p-.lâi. " | 註釋 串珠 盧華 盧導讀台 |
| 12:15 | Chiū ánne, koaiⁿ Mi-lí-ám tī iâⁿ gōa chhit kang; jîn-bîn bô chhut-hoat, thèng-hāu Mi-lí-ám koh ji̍p-.lâi. | 註釋 串珠 盧華 盧導讀台 |
| 12:16 | Āu-lâi, jîn-bîn tùi Ha-che-lot chhut-hoat, tī Pa-lân ê khòng-iá chat iâⁿ. | 註釋 串珠 盧華 盧導讀台 |