| 章節 | 全民台語聖經全羅經文 | 註釋 |
| 15:1 | Koan-hē Hiàn-chè ê Kui-tēngSiōng-chú hoan-hù Mô͘-se kóng, | 註釋 串珠 盧華 盧導讀台 |
| 15:2 | " Lí tio̍h hoan-hù I-su-la-el lâng, kā in kóng: Lín nā kàu Góa só͘ siúⁿ-sù hō͘ lín tòa ê tē, | 註釋 串珠 盧華 盧導讀台 |
| 15:3 | nā ài tùi gû-kûn á-.sī iûⁿ-kûn hiàn hō͘ Siōng-chú chò hóe-chè, to̍h-sī sio-chè á-.sī pa̍t chióng ê chè, beh siā goān á-.sī chò hoaⁿ-hí hiàn ê chè, á-.sī kàu tiāⁿ tio̍h ê cheh-kî, chò phang-phang ê chè hiàn hō͘ Siōng-chú. | 註釋 串珠 盧華 盧導讀台 |
| 15:4 | Hitê hiàn lé-mi̍h ê, ta̍k chiah iûⁿ-á tio̍h phòe iù ê mī-hún cha̍p-hūn chi-it e-hoat kah iû sì-hūn chi-it hin, tiâu-hô chò sò͘-chè. | 註釋 串珠 盧華 盧導讀台 |
| 15:5 | Chiú mā tio̍h sì-hūn chi-it hin lâi chò koàn-tiān, bô-lūn sio-chè á-.sī pa̍t chióng chè, lóng tio̍h ánne lâi hiàn hō͘ Siōng-chú. | 註釋 串珠 盧華 盧導讀台 |
| 15:6 | Ūi tio̍h mî-iûⁿ-káng, lí tio̍h chún-pī iù ê mī-hún gō͘-hūn chi-it e-hoat kah iû saⁿ-hūn chi-it hin, tiâu-hô chò sò͘-chè. | 註釋 串珠 盧華 盧導讀台 |
| 15:7 | Koh ēng chiú saⁿ-hūn chi-it hin chò koàn-tiān chè, chò phang-phang ê chè lâi hiàn hō͘ Siōng-chú. | 註釋 串珠 盧華 盧導讀台 |
| 15:8 | Lí nā chún-pī gû-káng-á chò sio-chè á-.sī pa̍t chióng ê chè lâi siā goān, á-.sī chò siā-un-chè lâi hiàn hō͘ Siōng-chú, | 註釋 串珠 盧華 盧導讀台 |
| 15:9 | to̍h-sī ēng iù ê mī-hún cha̍p-hūn chi saⁿ e-hoat kah iû pòaⁿ hin, tiâu-hô chò sò͘-chè, kah gû-káng-á chò-hóe hiàn. | 註釋 串珠 盧華 盧導讀台 |
| 15:10 | Koh ēng chiú pòaⁿ hin chò koàn-tiān ê chè, hiàn hō͘ Siōng-chú chò phang-phang ê hóe-chè. | 註釋 串珠 盧華 盧導讀台 |
| 15:11 | " Á-sī ūi tio̍h chi̍t chiah gû-káng, á-.sī chi̍t chiah mî-iûⁿ-káng, á-.sī chi̍t chiah mî-iûⁿ-á, á-.sī soaⁿ-iûⁿ-á, lóng tio̍h ánne chò. | 註釋 串珠 盧華 盧導讀台 |
| 15:12 | Chiàu lín só͘ chún-pī ê sò͘-gia̍h, chiàu ta̍k chiah ê gia̍h-sò͘, lóng tio̍h ánne chò. | 註釋 串珠 盧華 盧導讀台 |
| 15:13 | Kiàn-nā pún-tē-lâng kā phang-phang ê hóe-chè hiàn hō͘ Siōng-chú, lóng tio̍h chiàu ánne chò chiahê tāichì. | 註釋 串珠 盧華 盧導讀台 |
| 15:14 | Nā ū chhut-gōa lâng tī lín tiong-kan, á-.sī ta̍k sè-tāi ū lâng tòa tī lín tiong-kan, beh hiàn phang-phang ê hóe-chè hō͘ Siōng-chú, lín ánne kiâⁿ, in mā tio̍h chiàu ánne kiâⁿ. | 註釋 串珠 盧華 盧導讀台 |
| 15:15 | KÓng tio̍h hōe-chiòng, lín kah tòa tī lín tiong-kan ê chhut-gōa lâng, lóng kâng sio-siâng ê lē, tī Siōng-chú ê bīn-chêng chò lín ta̍k sè-tāi éng-oán ê lē; lín ánne chò, chhut-gōa lâng mā tio̍h chiàu ánne chò. | 註釋 串珠 盧華 盧導讀台 |
| 15:16 | Lín kah chhut-gōa lâng tī lín tiong-kan ê, tio̍h chiàu kâng sio-siâng ê lē, sio-siâng ê hoat-tō͘. " | 註釋 串珠 盧華 盧導讀台 |
| 15:17 | Siōng-chú hoan-hù Mô͘-se kóng, | 註釋 串珠 盧華 盧導讀台 |
| 15:18 | " Lí tio̍h hoan-hù I-su-la-el lâng, kā in kóng: Lín kàu Góa só͘ chhōa lín ji̍p-khì hit-ê tē. | 註釋 串珠 盧華 盧導讀台 |
| 15:19 | Chia̍h hit só͘-chāi ê bí-niûⁿ, chiū tio̍h hiàn kí-chè hō͘ Siōng-chú. | 註釋 串珠 盧華 盧導讀台 |
| 15:20 | Lín tio̍h ēng khí-thâu se̍k ê mī-hún chò piáⁿ, hiàn chò kí-chè; lín kí-khí, chhin-chhiūⁿ kí-khí tiūⁿ-tiâⁿ ê ngó͘-kok sio-siâng. | 註釋 串珠 盧華 盧導讀台 |
| 15:21 | Lín ta̍k sè-tāi tio̍h ēng lín khí-thâu se̍k ê mī-hún lâi chò kí-chè, hiàn hō͘ Siōng-chú. | 註釋 串珠 盧華 盧導讀台 |
| 15:22 | Bô-ì-tiong Hoān-chōe ê Hiàn-chè Kui-tēng" Lín ū chhò-gō͘ ê sî, bô siú Siōng-chú só͘ hoan-hù Mô͘-se chiahê it-chhè ê bēng-lēng, | 註釋 串珠 盧華 盧導讀台 |
| 15:23 | to̍h-sī Siōng-chú thok Mô͘-se it-chhè só͘ bēng-lēng lín ê, tùi Siōng-chú bēng-lēng lín ê ji̍t, kàu tī lín ê ta̍k sè-tāi. | 註釋 串珠 盧華 盧導讀台 |
| 15:24 | Nā ū chhò-gō͘ kiâⁿ, hōe-chiòng mā m̄-chai, āu-lâi hōe-chiòng tio̍h hiàn chi̍t chiah gû-káng-á chò sio-chè, mā chiàu hoat-tō͘ ēng i ê sò͘-chè kah koàn-tiān ê chè, chò-hóe chò phang-phang ê chè hiàn hō͘ Siōng-chú, koh tio̍h hiàn chi̍t chiah soaⁿ-iûⁿ-káng chò sio̍k-chōe ê chè. | 註釋 串珠 盧華 盧導讀台 |
| 15:25 | Chè-si tio̍h ūi I-su-la-el lâng ê hōe-chiòng sio̍k-chōe, in chiū tit tio̍h sià-bián, in-ūi che sī chhò-gō͘, in mā in-ūi in ê chhò-gō͘, tòa in ê lé-mi̍h, to̍h-sī hiàn hō͘ Siōng-chú ê hóe-chè kah sio̍k-chōe-chè, lóng tòa kàu Siōng-chú ê bīn-chêng. | 註釋 串珠 盧華 盧導讀台 |
| 15:26 | I-su-la-el lâng ê hōe-chiòng kah kià-kha tī in tiong-kan ê chhut-gōa lâng, chiū ē tit tio̍h sià-bián, in-ūi chit-ê chōe sī jîn-bîn chhò-gō͘ só͘ hoān ê. | 註釋 串珠 盧華 盧導讀台 |
| 15:27 | " Nā ū chi̍t-ê lâng chhò-gō͘ hoān chōe, i chiū tio̍h hiàn bī-móa-nî ê soaⁿ-iûⁿ-bó chò sio̍k-chōe-chè. | 註釋 串珠 盧華 盧導讀台 |
| 15:28 | Hitê lâng tī i chhò-gō͘ hoān chōe ê sî, chè-si tio̍h tī Siōng-chú ê bīn-chêng kā i sio̍k-chōe, i chiū ē tit tio̍h sià-bián. | 註釋 串珠 盧華 盧導讀台 |
| 15:29 | I-su-la-el tiong ê pún-tē-lâng kah kià-kha tī in tiong-kan ê chhut-gōa lâng, nā chò m̄ tio̍h tāichì, tio̍h chiàu kāng chi̍t-ê lē. | 註釋 串珠 盧華 盧導讀台 |
| 15:30 | " Chóng-.sī, hit-ê ngē-ngē beh chò hit-ê tāichì ê lâng, bô-lūn sī pún-tē-lâng á-.sī kià-kha ê, i siat-to̍k Siōng-chú, tio̍h tùi i ê jîn-bîn tiong kā i chián-tû. | 註釋 串珠 盧華 盧導讀台 |
| 15:31 | In-ūi i biáu-sī Siōng-chú ê ōe, pōe-ge̍k I ê bēng-lēng, hit-ê lâng tio̍h choân-pō͘ chián-tû, i ê chōe-kò tio̍h kui tī i kakī." | 註釋 串珠 盧華 盧導讀台 |
| 15:32 | Ûi-hoān An-hioh-ji̍t ê LângI-su-la-el lâng tī khòng-iá ê sî, tú tio̍h chi̍t-ê lâng tī An-hioh-ji̍t khioh chhâ. | 註釋 串珠 盧華 盧導讀台 |
| 15:33 | Hiahê tú tio̍h hit-ê khioh chhâ ê lâng, chhōa i kàu Mô͘-se kah A-lông kah hōe-chiòng hia. | 註釋 串珠 盧華 盧導讀台 |
| 15:34 | In chiū kā i koaiⁿ-kìm, in-ūi iáu-bōe chí-bêng tio̍h án-chóaⁿ kā i pān. | 註釋 串珠 盧華 盧導讀台 |
| 15:35 | Siōng-chú tùi Mô͘-se kóng, " Hitê lâng it-tēng tio̍h hō͘ i sí, hōe-chiòng tio̍h tī iâⁿ gōa ēng chio̍h-thâu kā i tìm-sí. | 註釋 串珠 盧華 盧導讀台 |
| 15:36 | Hōe-chiòng chhōa hit-ê lâng chhut-khì iâⁿ gōa, ēng chio̍h-thâu kā i tìm kàu sí, sī chiàu Siōng-chú só͘ bēng-lēng Mô͘-se ê. | 註釋 串珠 盧華 盧導讀台 |
| 15:37 | Saⁿ-á Chò Chhiu ê Kui-tēngSiōng-chú hoan-hù Mô͘-se kóng, | 註釋 串珠 盧華 盧導讀台 |
| 15:38 | " Lí tio̍h hoan-hù I-su-la-el lâng, kā in kóng: Hō͘ in tāi-tāi tī saⁿ-á piⁿ chò chhiu, koh tī ē-té piⁿ ê chhiu téng, tiò chi̍t tiâu nâ-sek ê iù-tòa. | 註釋 串珠 盧華 盧導讀台 |
| 15:39 | Beh kā lín chò chhiu hō͘ lín khòaⁿ-.tio̍h, thang ē kì-tit Siōng-chú ê bēng-lēng lâi chun-hêng, bián-tit lín hòng-chhiòng kakī ê sim-ì, kakī ê ba̍k-chiu, lâi kiâⁿ kan-îm, chhin-chhiūⁿ lín pêng-sî só͘ kiâⁿ ê sio-siâng, | 註釋 串珠 盧華 盧導讀台 |
| 15:40 | hō͘ lín ē kì-tit lâi kiâⁿ Góa it-chhè ê bēng-lēng, chiâⁿ-chò sèng kui lín ê Siōng-tè. | 註釋 串珠 盧華 盧導讀台 |
| 15:41 | " Góa sī Siōng-chú — lín ê Siōng-tè, chhōa lín chhut Ai-gi̍p tē, beh chò lín ê Siōng-tè. Góa sī Siōng-chú — lín ê Siōng-tè. " | 註釋 串珠 盧華 盧導讀台 |