章節 | 全民台語聖經全羅經文 | 註釋 |
17:1 | A-lông ê Koái-áSiōng-chú hoan-hù Mô͘-se kóng, | 註釋 串珠 盧華 盧導讀台 |
17:2 | " Lí kā I-su-la-el lâng kóng: Tùi in gia̍h koái-á, ta̍k chi-cho̍k chi̍t ki, to̍h-sī tùi hiahê chi-cho̍k ê siú-léng, chóng-kiōng gia̍h cha̍p-jī ki. Lí siá ta̍k lâng ê miâ tī i ê koái-á. | 註釋 串珠 盧華 盧導讀台 |
17:3 | Tī Lē-bī hit ki koái-á tio̍h siá A-lông ê miâ, in-ūi ta̍k chi-cho̍k ê thâu-lâng lóng ū chi̍t ki koái-á. | 註釋 串珠 盧華 盧導讀台 |
17:4 | Lí tio̍h kā hiahê koái-á hē tī hōe-bō͘ lāi hoat-kūi ê thâu-chêng, to̍h-sī Góa kah lín siong-hōe ê só͘-chāi. | 註釋 串珠 盧華 盧導讀台 |
17:5 | Góa só͘ kéng hit-ê lâng, i ê koái-á ē puh-gê; ánne Góa beh hō͘ I-su-la-el lâng ai-oàn ê ōe, to̍h-sī in só͘ ai-oàn lín ê ōe, lóng soah, bô koh hō͘ Góa thiaⁿ-.tio̍h. " | 註釋 串珠 盧華 盧導讀台 |
17:6 | Mô͘-se chiū kā I-su-la-el lâng kóng, in ê siú-léng chiū kā koái-á kau hō͘ i, chiàu in ê chi-cho̍k chi̍t-ê siú-léng chi̍t ki, kiōng cha̍p-jī ki koái-á; A-lông ê koái-á mā tī hiahê koái-á ê tiong-kan. | 註釋 串珠 盧華 盧導讀台 |
17:7 | Mô͘-se chiū kā hiahê koái-á hē tī hoat-kūi ê pò͘-pêⁿ lāi, tī Siōng-chú ê bīn-chêng. | 註釋 串珠 盧華 盧導讀台 |
17:8 | Keh tńg kang, Mô͘-se ji̍p-khì hoat-kūi ê pò͘-pêⁿ; lí khòaⁿ, sio̍k Lē-bī ê ke, A-lông ê koái-á, í-keng puh-gê, seⁿ hoe-m̂, khui hoe, kiat-chiâⁿ hēng-jîn. | 註釋 串珠 盧華 盧導讀台 |
17:9 | Mô͘-se tùi Siōng-chú ê bīn-chêng gia̍h hiahê koái-á chhut-.lâi, kàu I-su-la-el ê kûn-chiòng hia; in khòaⁿ tio̍h ta̍k lâng gia̍h in ê koái-á. | 註釋 串珠 盧華 盧導讀台 |
17:10 | Siōng-chú tùi Mô͘-se kóng, " Kā A-lông ê koái-á iû-goân hē tī hoat-kūi chêng, lâu-.leh, chò chiahê pōe-ge̍k ê lâng ê kàm-kài; ánne lí chiū ē hō͘ in tùi Góa ai-oàn ê ōe soah, bián-tit in sí-bông. " | 註釋 串珠 盧華 盧導讀台 |
17:11 | Mô͘-se ánne kiâⁿ, sī chiàu Siōng-chú só͘ bēng-lēng ê lâi kiâⁿ. | 註釋 串珠 盧華 盧導讀台 |
17:12 | I-su-la-el lâng tùi Mô͘-se kóng, " Lí khòaⁿ, goán sí à, goán bia̍t-bông à, lóng bia̍t-bông à. | 註釋 串珠 盧華 盧導讀台 |
17:13 | Kiàn-nā óa-kīn, to̍h-sī óa-kīn Siōng-chú ê hōe-bō͘ ê lóng sí; goán kám ē lóng-chóng sí-.khì? " | 註釋 串珠 盧華 盧導讀台 |