| 章節 | 全民台語聖經全羅經文 | 註釋 |
| 23:1 | Pa-lân tùi Ba-al kóng, " Lí tī chia kā góa khí chhit chō tôaⁿ, kā góa chún-pī chhit chiah gû-káng, chhit chiah iûⁿ-káng. " | 註釋 串珠 盧華 盧導讀台 |
| 23:2 | Ba-al chiàu Pa-lân ê ōe lâi kiâⁿ; Ba-al kah Pa-lân tī ta̍k chō ê tôaⁿ, hiàn chi̍t chiah gû-káng, chi̍t chiah iûⁿ-káng. | 註釋 串珠 盧華 盧導讀台 |
| 23:3 | Pa-lân tùi Ba-al kóng, " Lí khiā tī lí sio-chè ê piⁿ-á, góa chiām-chhiáⁿ chìn-chêng khì, kiámchhái Siōng-chú lâi tú tio̍h góa; I chí-sī góa siáⁿ-mi̍h, góa ē kā lí kóng. " Pa-lân chiū khì bô chháu-ba̍k ê soaⁿ. | 註釋 串珠 盧華 盧導讀台 |
| 23:4 | Siōng-tè tú tio̍h Pa-lân, Pa-lân tùi I kóng, " Góa í-keng chún-pī chhit chō tôaⁿ, tī ta̍k chō tôaⁿ hiàn chi̍t chiah gû-káng, chi̍t chiah iûⁿ-káng. " | 註釋 串珠 盧華 盧導讀台 |
| 23:5 | Siōng-chú ēng ōe kau-tài Pa-lân, koh kā i kóng, " Lí tńg-khì Ba-al hia, tio̍h ánne kā i kóng. " | 註釋 串珠 盧華 盧導讀台 |
| 23:6 | I chiū tńg-khì Ba-al hia, khòaⁿ tio̍h i kah Mô͘-ap ê siú-léng lóng khiā tī i sio-chè ê piⁿ-á. | 註釋 串珠 盧華 盧導讀台 |
| 23:7 | Pa-lân chiū thê-khí i ê koa, kóng: Ba-al chhōa góa tùi A-lâm lâi, Mô͘-ap ông chhōa góa chhut tang pêng ê soaⁿ, kóng: Lâi! Kā góa chiù-chó͘ Iâ-kop; lâi! Chiù-mē I-su-la-el. | 註釋 串珠 盧華 盧導讀台 |
| 23:8 | Siōng-tè bô chiù-chó͘ ê, góa ná ē chiù-chó͘? Siōng-chú bô chiù-mē ê, góa ná ē chiù-mē? | 註釋 串珠 盧華 盧導讀台 |
| 23:9 | In-ūi góa tùi chiahê soaⁿ-giâm khòaⁿ, koh tùi soaⁿ-bóe-liu koan-khòaⁿ, lí khòaⁿ, chiahê jîn-bîn beh kakī tòa. Bô lia̍t tī chiahê kok ê tiong-kan. | 註釋 串珠 盧華 盧導讀台 |
| 23:10 | Siáⁿ lâng ē-tàng sǹg Iâ-kop ê thô͘-soa? siáⁿ lâng ē-tàng sǹg I-su-la-el ê sì-hūn chi-it? Góa goān chhin-chhiūⁿ gī lâng ê sí lâi sí, mā chhin-chhiūⁿ i ê kiat-kio̍k lâi kiat-kio̍k. | 註釋 串珠 盧華 盧導讀台 |
| 23:11 | Ba-al tùi Pa-lân kóng, " Lí tùi góa chò ê sī siáⁿ-mi̍h? Góa kiò lí lâi chiù-chó͘ góa ê tùi-te̍k, lí khòaⁿ, lí lóng sī kā in chiok-hok. | 註釋 串珠 盧華 盧導讀台 |
| 23:12 | Pa-lân ìn kóng, " Siōng-chú só͘ kau-tài góa ê ōe, góa kám bián tio̍h kín-sīn lâi kóng? " | 註釋 串珠 盧華 盧導讀台 |
| 23:13 | Pa-lân Tē-jī pái ê Ī-giânBa-al tùi i kóng, " Kiû lí kah góa khì pa̍t ūi, tī hia thang khòaⁿ tio̍h in, lí chí ū ē khòaⁿ tio̍h in ê chi̍t kak-thâu, bē tàng só͘-ū khòaⁿ-.tio̍h; tī hia tio̍h ūi góa kā in chiù-chó͘. " | 註釋 串珠 盧華 盧導讀台 |
| 23:14 | Tùi hit sî, Ba-al chiū chhōa Pa-lân kàu Só-hui ê soaⁿ-iá, chiūⁿ Pi-su-gah ê soaⁿ-thâu, khí chhit chō tôaⁿ, ta̍k chō tôaⁿ hiàn chi̍t chiah gû-káng, chi̍t chiah iûⁿ-káng. | 註釋 串珠 盧華 盧導讀台 |
| 23:15 | Pa-lân tùi Ba-al kóng, " Lí tòa chia, khiā tī lí sio-chè ê piⁿ-á, thèng-hāu góa khì hia kìⁿ Siōng-chú. " | 註釋 串珠 盧華 盧導讀台 |
| 23:16 | Siōng-chú tú tio̍h Pa-lân, ēng ōe kau-tài i, koh kóng, " Lí tńg-khì Ba-al hia, tio̍h ánne kóng. " | 註釋 串珠 盧華 盧導讀台 |
| 23:17 | I chiū tńg-khì Ba-al hia, khòaⁿ tio̍h i khiā tī sio-chè ê piⁿ-á, Mô͘-ap ê siú-léng mā kah i tī hia. Ba-al mn̄g i kóng, " Siōng-chú kám ū kóng siáⁿ-mi̍h ōe? " | 註釋 串珠 盧華 盧導讀台 |
| 23:18 | Pa-lân chiū thê-khí i ê koa, kóng: Ba-al, khí-lâi thiaⁿ; Chip-pol ê kiáⁿ, lí àⁿ hīⁿ-khang lâi thiaⁿ góa. | 註釋 串珠 盧華 盧導讀台 |
| 23:19 | Siōng-tè m̄-sī chhin-chhiūⁿ lâng, ē kóng pe̍h-chha̍t, mā m̄-sī lâng ê kiáⁿ, ē hō͘-hóe; I í-keng kóng, kám bô kiâⁿ? I kóng-chhut, kám bô èng-giām? | 註釋 串珠 盧華 盧導讀台 |
| 23:20 | Lí khòaⁿ, góa hōng-bēng chiok-hok, I só͘ èng-ín ê hok-khì, góa bē kā i péng tò-tńg. | 註釋 串珠 盧華 盧導讀台 |
| 23:21 | I bô khòaⁿ tio̍h Iâ-kop ū kòe-sit, tī I-su-la-el bô khòaⁿ tio̍h ū kan-ok, Siōng-chú — i ê Siōng-tè kah i tông-chāi; tī in tiong-kan ū oló ông ê siaⁿ. | 註釋 串珠 盧華 盧導讀台 |
| 23:22 | Siōng-tè chhōa in chhut Ai-gi̍p; in chhin-chhiūⁿ ū iá-gû ê la̍t. | 註釋 串珠 盧華 盧導讀台 |
| 23:23 | Iâ-kop tiong choa̍t-tùi bô hoat-su̍t, I-su-la-el tiong mā bô chiam-pok; kàu-sî lūn-khí Iâ-kop kah I-su-la-el beh kóng: Siōng-tè kiâⁿ hiahni̍h tōa ê tāichì! | 註釋 串珠 盧華 盧導讀台 |
| 23:24 | Lí khòaⁿ, chiahê jîn-bîn khí-lâi chhin-chhiūⁿ bó ê sai, théng-sin chhin-chhiūⁿ kang ê sai; iáu-bōe chia̍h só͘ la̍k tio̍h ê mi̍h, iáu-bōe lim siū kā-sí ê ê hoeh, koat-toàn bô tó-.leh. | 註釋 串珠 盧華 盧導讀台 |
| 23:25 | Ba-al tùi Pa-lân kóng, " Lí lóng m̄ thang kā in chiù-chó͘, mā m̄ thang kā in chiok-hok. " | 註釋 串珠 盧華 盧導讀台 |
| 23:26 | Pa-lân ìn Ba-al kóng, " Góa kám bô kā lí kóng, kiàn-nā Siōng-chú só͘ kóng ê, góa beh chun-thàn? " | 註釋 串珠 盧華 盧導讀台 |
| 23:27 | Pa-lân Tē-saⁿ pái ê Ī-giânBa-al tùi Pa-lân kóng, " Lâi! Góa chhōa lí khì pa̍t só͘-chāi, kiámchhái Siōng-chú hoaⁿ-hí lí tī hia ūi góa kā in chiù-chó͘. " | 註釋 串珠 盧華 盧導讀台 |
| 23:28 | Ba-al chiū chhōa Pa-lân kàu hit-ê khòaⁿ lo̍h-.khì, ē khòaⁿ tio̍h khòng-iá ê Pau-al ê soaⁿ téng. | 註釋 串珠 盧華 盧導讀台 |
| 23:29 | Pa-lân tùi Ba-al kóng, " Lí tī chia kā góa khí chhit chō tôaⁿ, koh tī chia kā góa chún-pī chhit chiah gû-káng, chhit chiah iûⁿ-káng. " | 註釋 串珠 盧華 盧導讀台 |
| 23:30 | Ba-al chiū chiàu Pa-lân ê ōe khì kiâⁿ, tī ta̍k chō tôaⁿ hiàn chi̍t chiah gû-káng, chi̍t chiah iûⁿ-káng. | 註釋 串珠 盧華 盧導讀台 |