| 章節 | 全民台語聖經全羅經文 | 註釋 |
| 25:1 | I-su-la-el Lâng tī Boh-olI-su-la-el lâng tòa tī Si̍t-tîm, jîn-bîn chiū kah Mô͘-ap ê chabó͘ gín'á kiâⁿ kan-îm. | 註釋 串珠 盧華 盧導讀台 |
| 25:2 | In hiàn chè hō͘ in ê sîn-bêng, chhiáⁿ jîn-bîn lâi hù, jîn-bîn chia̍h in ê chè-mi̍h, sòa kūi-pài in ê sîn-bêng. | 註釋 串珠 盧華 盧導讀台 |
| 25:3 | I-su-la-el lâng kah Ba-al-pau-al liân-ha̍p, Siōng-chú chiū tùi I-su-la-el lâng siū-khì. | 註釋 串珠 盧華 盧導讀台 |
| 25:4 | Siōng-chú tùi Mô͘-se kóng, " Kā jîn-bîn só͘-ū ê cho̍k-tiúⁿ, tng-thâu pe̍h-ji̍t tiàu-sí tī Siōng-chú ê bīn-chêng, hō͘ Siōng-chú ê tōa siū-khì thang tùi I-su-la-el siau-bia̍t. " | 註釋 串珠 盧華 盧導讀台 |
| 25:5 | Mô͘-se chiū tùi I-su-la-el ê sím-phòaⁿ-koaⁿ kóng, " Kiàn-nā sio̍k lín ê lâng, ū kah Ba-al-pau-al liân-ha̍p ê, lín tio̍h kā i thâi-sí. " | 註釋 串珠 盧華 盧導讀台 |
| 25:6 | Mô͘-se kah I-su-la-el hōe-chiòng tú-á tī hōe-bō͘ mn̂g-kháu teh khàu ê sî, hut-jiân ū I-su-la-el tiong chi̍t-ê lâng, tng in ba̍k-chiu chêng chhōa chi̍t-ê Mí-tiân ê chabó͘ lâng kàu i ê hiaⁿ-tī hia. | 註釋 串珠 盧華 盧導讀台 |
| 25:7 | Chè-si A-lông ê sun Ê-lī-a-chal ê kiáⁿ Hui-ne-hah khòaⁿ-.tio̍h, chiū tùi hōe tiong khí-.lâi, chhiú-.ni̍h gia̍h chhiuⁿ, | 註釋 串珠 盧華 盧導讀台 |
| 25:8 | tòe I-su-la-el lâng ji̍p-khì têng-á lāi, chha̍k-sí nn̄g lâng, to̍h-sī chha̍k-thàu I-su-la-el lâng kah hit-ê chabó͘ lâng ê pak-tó͘. Án-ne, tī I-su-la-el lâng tiong-kan ê un-e̍k chiū soah. | 註釋 串珠 盧華 盧導讀台 |
| 25:9 | Hit sî, tú tio̍h un-e̍k sí ê, ū nn̄g-bān sì-chheng lâng. | 註釋 串珠 盧華 盧導讀台 |
| 25:10 | Siōng-chú hoan-hù Mô͘-se kóng, | 註釋 串珠 盧華 盧導讀台 |
| 25:11 | " Chè-si A-lông ê sun, Ê-lī-a-chal ê kiáⁿ Hui-ne-hah hō͘ Góa só͘ hoat ê siū-khì tī I-su-la-el lâng soah-.khì, in-ūi i tī in tiong-kan, ēng Góa ê chi̍t-tò͘ chò chi̍t-tò͘, hō͘ Góa tī chi̍t-tò͘ tiong bô kā in bia̍t-bông. | 註釋 串珠 盧華 盧導讀台 |
| 25:12 | Só͘-í, lí tio̍h kóng, ' Lí khòaⁿ, Góa ēng Góa pêng-an ê iok siúⁿ-sù hō͘ i, | 註釋 串珠 盧華 盧導讀台 |
| 25:13 | beh chò i kah i ê kiáⁿ-sun éng-oán chò chè-si ê chit-ê iok, in-ūi i ūi tio̍h i ê Siōng-tè ū chi̍t-tò͘ ê sim, koh ūi tio̍h I-su-la-el lâng sio̍k-chōe. '" | 註釋 串珠 盧華 盧導讀台 |
| 25:14 | Hitê siū thâi ê I-su-la-el lâng, to̍h-sī kah Mí-tiân ê chabó͘ lâng chò-hóe siū chha̍k-sí ê, miâ kiò-chò Chim-lī, sī Sa-lū ê kiáⁿ, sī Si-miān chi-cho̍k tiong chi̍t cho̍k ê siú-léng. | 註釋 串珠 盧華 盧導讀台 |
| 25:15 | Hitê siū chha̍k-sí ê Mí-tiân ê chabó͘ lâng miâ kiò-chò Ko-chu-pí, sī Chu-ul ê chabó͘ kiáⁿ; chit-ê Chu-ul sī Mí-tiân lâng ê chi̍t cho̍k ê thâu-lâng. | 註釋 串珠 盧華 盧導讀台 |
| 25:16 | Siōng-chú hoan-hù Mô͘-se kóng, | 註釋 串珠 盧華 盧導讀台 |
| 25:17 | " Lí tio̍h pek-hāi Mí-tiân lâng, koh kā in phah; | 註釋 串珠 盧華 盧導讀台 |
| 25:18 | in-ūi in ēng kúi-chà ê kè-bô͘ pek-hāi lín, tī Boh-ol ê tāichì kah in ê chí-mōe, Mí-tiân siú-léng ê chabó͘ kiáⁿ, Ko-chu-pí ê tāichì, ēng kúi-chà ê kè-bô͘ ín-iú lín; chit-ê Ko-chu-pí, tng un-e̍k liû-hêng ê ji̍t, in-ūi Boh-ol ê tāichì í-keng hông chha̍k-sí. " | 註釋 串珠 盧華 盧導讀台 |