| 章節 | 全民台語聖經全羅經文 | 註釋 |
| 35:1 | Hun-phòe hō͘ Lē-bī Lâng ê SiâⁿSiōng-chú tī Mô͘-ap ê pêng-goân, Iol-tàn hô piⁿ, I-é-lī-kho siâⁿ tùi-bīn, hoan-hù Mô͘-se kóng, | 註釋 串珠 盧華 盧導讀台 |
| 35:2 | " Lí bēng-lēng I-su-la-el lâng, tio̍h tùi in só͘ tit tio̍h ê sán-gia̍p, ēng siâⁿ hō͘ Lē-bī lâng tòa, mā tio̍h ēng siâⁿ sì-kho͘-ûi ê kau-iá hō͘ Lē-bī lâng. | 註釋 串珠 盧華 盧導讀台 |
| 35:3 | Siâⁿ beh hō͘ in tòa, kau-iá beh chò in ê gû, iûⁿ, châi-bu̍t kah ta̍k chióng chengseⁿ ê lō͘-ēng. | 註釋 串珠 盧華 盧導讀台 |
| 35:4 | Lín só͘ hō͘ Lē-bī lâng siâⁿ gōa ê kau-iá, tùi siâⁿ-kha sì-kho͘-ûi niû chhut chi̍t chheng tiú. | 註釋 串珠 盧華 盧導讀台 |
| 35:5 | Lí tī siâⁿ gōa niû, tang pêng nn̄g-chheng tiú, lâm pêng nn̄g-chheng tiú, sai pêng nn̄g-chheng tiú, pak pêng nn̄g-chheng tiú, siâⁿ tī tiong-ng; che sī beh hō͘ in chò siâⁿ ê kau-iá. | 註釋 串珠 盧華 盧導讀台 |
| 35:6 | Lín só͘ hō͘ Lē-bī lâng hiahê siâⁿ, kî-tiong tio̍h ū la̍k-ê tô-siám ê siâⁿ; lín tio̍h ánne siat-li̍p, hō͘ thâi-sí-lâng ê thang tô-cháu khì hia; chiahê í-gōa, tio̍h koh hō͘ in sì-cha̍p-jī-ê siâⁿ. | 註釋 串珠 盧華 盧導讀台 |
| 35:7 | Lín tio̍h hō͘ Lē-bī lâng ê siâⁿ, chóng-kiōng sì-cha̍p-peh-ê; siâⁿ kah kau-iá, lóng tio̍h hō͘ in. | 註釋 串珠 盧華 盧導讀台 |
| 35:8 | Kóng tio̍h lín tùi I-su-la-el lâng ê sán-gia̍p tiong, só͘ hō͘ Lē-bī lâng ê siâⁿ, tùi sán-gia̍p chē ê, chhú khah chē siâⁿ, tùi sán-gia̍p chió ê, chhú chió; kok chiàu só͘ sêng-chiap ê sán-gia̍p poah chhut siâⁿ lâi hō͘ Lē-bī lâng. " | 註釋 串珠 盧華 盧導讀台 |
| 35:9 | Tô-siám ê Siâⁿ( SBK 19: 1-13; ISA 20: 1-9)Siōng-chú hoan-hù Mô͘-se kóng, | 註釋 串珠 盧華 盧導讀台 |
| 35:10 | " Lí tio̍h hoan-hù I-su-la-el lâng, kā in kóng: Lín kòe Iol-tàn hô, ji̍p-khì Ka-nân tē, | 註釋 串珠 盧華 盧導讀台 |
| 35:11 | chiū tio̍h poah-chhut kúi-ê siâⁿ, hō͘ lín chò tô-siám ê siâⁿ, hō͘ sit-gō͘ thâi-sí-lâng ê hiong-chhiú thang tô-cháu khì hia. | 註釋 串珠 盧華 盧導讀台 |
| 35:12 | Chiahê siâⁿ thang hō͘ lín siám-phiah hit-ê pò-siû ê lâng, hō͘ hiong-chhiú bô tì-kàu sí, thèng-hāu i khiā tī hōe-chiòng ê bīn-chêng siū sím-phòaⁿ. | 註釋 串珠 盧華 盧導讀台 |
| 35:13 | Lín só͘ poah chhut-.lâi ê siâⁿ, tio̍h chò lín la̍k-ê tô-siám ê siâⁿ. | 註釋 串珠 盧華 盧導讀台 |
| 35:14 | Tī Iol-tàn hô gōa tio̍h poah-chhut saⁿ-ê siâⁿ, tī Ka-nân tē mā tio̍h poah-chhut saⁿ-ê siâⁿ, chò tô-siám ê siâⁿ. | 註釋 串珠 盧華 盧導讀台 |
| 35:15 | Chit la̍k-ê siâⁿ tio̍h hō͘ I-su-la-el lâng kah in tiong-kan ê chhut-gōa lâng, í-ki̍p kià-kha ê chò tô-siám ê lō͘-ēng, hō͘ sit-gō͘ thâi lâng ê thang cháu-khì hia. | 註釋 串珠 盧華 盧導讀台 |
| 35:16 | " Siat-sú lâng ēng thih-khì phah lâng tì-sú sí, i to̍h-sī hiong-hoān, hiong-hoān it-tēng tio̍h hō͘ i sí. | 註釋 串珠 盧華 盧導讀台 |
| 35:17 | I ê chhiú nā ēng ē hō͘ lâng sí ê chio̍h-thâu tìm lâng, tì-sú lâng sí, i to̍h-sī hiong-hoān, hiong-hoān it-tēng tio̍h sí. | 註釋 串珠 盧華 盧導讀台 |
| 35:18 | I ê chhiú nā ēng ē hō͘ lâng sí ê chhâ phah lâng, tì-sú lâng sí, i to̍h-sī hiong-hoān, hiong-hoān it-tēng tio̍h sí. | 註釋 串珠 盧華 盧導讀台 |
| 35:19 | Pò-siû ê, pún-sin tio̍h thâi-sí hit-ê hiong-hoān; chi̍t ē tú tio̍h i chiū tio̍h kā i thâi-sí. | 註釋 串珠 盧華 盧導讀台 |
| 35:20 | " Lâng nā oàn-hūn hit-ê lâng lâi kā i chhia-tó, á-.sī bih-.leh ēng mi̍h kā i tìm, tì-sú sí, | 註釋 串珠 盧華 盧導讀台 |
| 35:21 | kiámchhái in-ūi khioh-hūn ēng chhiú phah lâng tì-sú sí, hit-ê phah lâng ê chiū it-tēng tio̍h sí, in-ūi i chin-chiàⁿ sī hiong-hoān, pò-siû ê tú tio̍h hiong-hoān, chiū kā i thâi-sí. | 註釋 串珠 盧華 盧導讀台 |
| 35:22 | " Siat-sú lâng bô khioh-hūn, hut-jiân kā i phah-tó, á-.sī bô bih-.leh, ēng mi̍h kā i tìm, | 註釋 串珠 盧華 盧導讀台 |
| 35:23 | á-.sī bô khòaⁿ-.tio̍h ê sî, ēng ē phah-sí-lâng ê chio̍h-thâu tìm tio̍h i, lâi tì-sú sí, kah i pún bô oan-siû, mā bô ì-sù beh hāi i, | 註釋 串珠 盧華 盧導讀台 |
| 35:24 | hōe-chiòng chiū tio̍h chiàu hiahê hoat-tō͘, tī phah-sí-lâng ê kah pò-siû-.ê ê tiong-kan kā i sím-phòaⁿ. | 註釋 串珠 盧華 盧導讀台 |
| 35:25 | Hōe-chiòng tio̍h kiù hit-ê sit-gō͘ thâi lâng ê thoat-lī pò lâng-miā-.ê ê chhiú; hōe-chiòng mā tio̍h hō͘ i tò tńg-khì i só͘ cháu-ji̍p tô-siám ê siâⁿ, i tio̍h tòa tī hit lāi-bīn, thèng-hāu kàu boah sèng-iû ê tōa-chè-si sí. | 註釋 串珠 盧華 盧導讀台 |
| 35:26 | Chóng-.sī, sit-gō͘ thâi-sí-lâng ê, bô-lūn án-chóaⁿ, nā chhut-khì i só͘ cháu-ji̍p tô-siám ê siâⁿ ê kéng-gōa, | 註釋 串珠 盧華 盧導讀台 |
| 35:27 | pò-siû-.ê nā tī tô-siám ê siâⁿ ê kéng-gōa tú tio̍h i, lâi thâi-sí hit-ê hiong-hoān, pò-siû-.ê chiū bô thâi-sí-lâng ê chōe. | 註釋 串珠 盧華 盧導讀台 |
| 35:28 | In-ūi i eng-kai tio̍h tòa i tô-siám ê siâⁿ, thèng-hāu tōa-chè-si sí; tōa-chè-si sí liáu-āu, sit-gō͘ thâi lâng ê chiah thang tńg-khì i sán-gia̍p ê tē. | 註釋 串珠 盧華 盧導讀台 |
| 35:29 | Che tī lín it-chhè tòa ê só͘-chāi beh chò lín ta̍k sè-tāi ê lu̍t-lē. | 註釋 串珠 盧華 盧導讀台 |
| 35:30 | " Kiàn-nā thâi-sí-lâng, hit-ê hiong-hoān tio̍h chiàu kúi-nā-ê kiàn-chèng-jîn ê ōe lâi hō͘ i sí; nā chí ū chi̍t-ê lâng chò kiàn-chèng, chiū m̄ thang hō͘ lâng sí. | 註釋 串珠 盧華 盧導讀台 |
| 35:31 | Thâi-sí-lâng hoān tio̍h sí-chōe ê, lín m̄ thang siu sio̍k-hôe sèⁿ-miā ê kè-chîⁿ, it-tēng tio̍h hō͘ i sí. | 註釋 串珠 盧華 盧導讀台 |
| 35:32 | Hitê cháu kàu tô-siám ê siâⁿ ê lâng, lín m̄ thang kā i the̍h sio̍k-hôe ê kè, hō͘ i tī chè-si bōe sí ê chìn-chêng, koh lâi tòa pún-tē. | 註釋 串珠 盧華 盧導讀台 |
| 35:33 | Án-ne, lín chiū bô òe lahsap lín só͘ tòa ê tē, in-ūi hoeh sī òe lahsap tē ê; nā ū hoeh lâu tī tē-.ni̍h, siat-sú m̄-sī lâu hit-ê thâi lâng-.ê ê hoeh, hit-ê tē chiū bē tàng chheng-khì. | 註釋 串珠 盧華 盧導讀台 |
| 35:34 | Lín m̄ thang òe lahsap lín só͘ tòa ê tē, to̍h-sī Góa tiàm tī hit tiong-kan ê tē, in-ūi Góa — Siōng-chú tiàm tī I-su-la-el lâng ê tiong-kan. " | 註釋 串珠 盧華 盧導讀台 |