| 章節 | 全民台語聖經全羅經文 | 註釋 |
| 36:1 | Cha-bó͘ kiáⁿ Sêng-chiap Sán-gia̍p ê Kui-tēngSio̍k Iô-sé-huh ê kiáⁿ-sun chiahê ke, Má-ná-se ê sun, Ma-kil ê kiáⁿ Gi-lia̍t ê kiáⁿ-sun, hiahê cho̍k-tiúⁿ lâi-kàu Mô͘-se kah I-su-la-el lâng chiahê cho̍k-tiúⁿ chiahê siú-léng ê bīn-chêng, kóng, | 註釋 串珠 盧華 盧導讀台 |
| 36:2 | " Siōng-chú bat bēng-lēng góa ê chú liam-khau pun tē hō͘ I-su-la-el lâng chò sán-gia̍p, góa ê chú mā siū tio̍h Siōng-chú ê bēng-lēng, kā goán ê hiaⁿ-tī Che-lo-hu-hat ê sán-gia̍p pun hō͘ i hiahê chabó͘ kiáⁿ. | 註釋 串珠 盧華 盧導讀台 |
| 36:3 | In nā kè I-su-la-el pa̍t chi-cho̍k ê lâng, in ê sán-gia̍p chiū tùi goán chó͘-sian só͘ lâu ê sán-gia̍p poah kòe-.khì, ke-thiⁿ tī in só͘ beh sio̍k ê chi-cho̍k ê sán-gia̍p; ánne chiū tùi goán liam-khau só͘ tit tio̍h ê sán-gia̍p poah kòe-.khì. | 註釋 串珠 盧華 盧導讀台 |
| 36:4 | Kàu I-su-la-el lâng ê hí-nî, in ê sán-gia̍p chiū ke-thiⁿ tī in só͘ beh sio̍k ê chi-cho̍k ê sán-gia̍p; ánne, in ê sán-gia̍p to̍h-sī tùi goán chó͘-sian chi-cho̍k ê sán-gia̍p poah kòe-.khì. " | 註釋 串珠 盧華 盧導讀台 |
| 36:5 | Mô͘-se chiàu Siōng-chú ê ōe bēng-lēng I-su-la-el lâng, kóng, " Iô-sé-huh kiáⁿ-sun ê chi-cho̍k só͘ kóng ê sī tio̍h. | 註釋 串珠 盧華 盧導讀台 |
| 36:6 | Kóng tio̍h Che-lo-hu-hat chiahê chabó͘ kiáⁿ, Siōng-chú ánne bēng-lēng, kóng: In thang kè in kah-ì ê lâng, to̍k-to̍k tio̍h kè hō͘ in lāu-pē tâng-chong chi-cho̍k ê lâng. | 註釋 串珠 盧華 盧導讀台 |
| 36:7 | Án-ne, I-su-la-el lâng ê sán-gia̍p chiū bô tùi chit chi-cho̍k kui kàu hit chi-cho̍k, in-ūi I-su-la-el lâng tio̍h ta̍k-ê chip-siú in chó͘-sian chi-cho̍k ê sán-gia̍p. | 註釋 串珠 盧華 盧導讀台 |
| 36:8 | Kiàn-nā tī I-su-la-el chi-cho̍k tiong tit tio̍h sán-gia̍p ê chabó͘ kiáⁿ, tio̍h chò i ê lāu-pē tâng-chong chi-cho̍k ê lâng ê bó͘, thang hō͘ I-su-la-el lâng ê chi-cho̍k ta̍k-ê chip-siú in ê chó͘-sian ê sán-gia̍p. | 註釋 串珠 盧華 盧導讀台 |
| 36:9 | Án-ne, in ê sán-gia̍p chiū bô tùi chit chi-cho̍k kui kàu hit chi-cho̍k, in-ūi I-su-la-el lâng ê chi-cho̍k, beh ta̍k-ê chip-siú in ê sán-gia̍p. " | 註釋 串珠 盧華 盧導讀台 |
| 36:10 | Siōng-chú ánne hoan-hù Mô͘-se, Che-lo-hu-hat ê chabó͘ kiáⁿ chiū chiàu ánne khì kiâⁿ. | 註釋 串珠 盧華 盧導讀台 |
| 36:11 | In-ūi Che-lo-hu-hat ê chabó͘ kiáⁿ, Mah-la̍h, Til-chah, Hog-lah, Mil-kah, No-ah, lóng kè in ê chek-peh ê kiáⁿ. | 註釋 串珠 盧華 盧導讀台 |
| 36:12 | In kè tī Iô-sé-huh ê kiáⁿ, Má-ná-se kiáⁿ-sun hiahê ke; in ê sán-gia̍p chiū iû-goân lâu tī in lāu-pē ê ke ê chi-cho̍k. | 註釋 串珠 盧華 盧導讀台 |
| 36:13 | Chiahê sī Siōng-chú tī Mô͘-ap pêng-goân, Iol-tàn hô piⁿ, I-é-lī-kho siâⁿ tùi-bīn, thok Mô͘-se só͘ hoan-hù I-su-la-el lâng ê bēng-lēng kah hoat-tō͘. | 註釋 串珠 盧華 盧導讀台 |