| 章節 | 全民台語聖經全羅經文 | 註釋 |
| 8:1 | Sêng-siū Hó Thó͘-tē" Góa kin-á-ji̍t só͘ bēng-lēng lí it-chhè ê kài-bēng, lín tio̍h chip-siú lâi chiàu ánne kiâⁿ, hō͘ lín thang oa̍h lo̍h-.khì, lâng-gia̍h ke-thiⁿ chin chē, thang ji̍p-khì tit tio̍h Siōng-chú tùi lín ê chó͘-sian só͘ chiùchōa èng-ín ê tē. | 註釋 串珠 盧俊義 盧華 盧導讀台 |
| 8:2 | Lí mā tio̍h ē kì-tit Siōng-chú — lí ê Siōng-tè chit sì-cha̍p nî chhōa lí tī khòng-iá ê lō͘, sī beh hō͘ lí khiam-pi lâi chhì-giām lí, beh chai lí ê sim-lāi án-chóaⁿ siūⁿ, khéng chun-siú I ê kài-bēng á-bô. | 註釋 串珠 盧俊義 盧俊義 盧華 盧導讀台 |
| 8:3 | I hō͘ lí khiam-pi, hō͘ lí iau-gō, ēng lí só͘ m̄ bat, lí ê chó͘-sian mā m̄ bat ê má-ná iúⁿ-chhī lí, hō͘ lí thang chai lâng m̄-sī kantaⁿ óa-khò piáⁿ lâi oa̍h, lâng sī óa-khò Siōng-chú ê chhùi só͘ kóng it-chhè ê ōe lâi oa̍h. | 註釋 串珠 盧俊義 盧華 盧導讀台 |
| 8:4 | Chit sì-cha̍p nî, lí ê saⁿ-khò͘ bô phòa, lí ê kha mā bô phòng-phā. | 註釋 串珠 盧俊義 盧華 盧導讀台 |
| 8:5 | Lí ê sim tio̍h chai, Siōng-chú — lí ê Siōng-tè kàu-tok lí, chhin-chhiūⁿ lâng teh kàu-tok i ê kiáⁿ. | 註釋 串珠 盧俊義 盧華 盧導讀台 |
| 8:6 | Lí koh tio̍h chip-siú Siōng-chú — lí ê Siōng-tè ê kài-bēng, lâi kiâⁿ I ê tō-lō͘, lâi kèng-ùi I. | 註釋 串珠 盧俊義 盧華 盧導讀台 |
| 8:7 | In-ūi Siōng-chú — lí ê Siōng-tè chhōa lí ji̍p hit-ê súi ê tē, hit-ê tē ū khe, ū chúi-chôaⁿ, ū chhim-ian, tùi soaⁿ-kok kah soaⁿ téng lâu chhut-.lâi. | 註釋 串珠 盧俊義 盧華 盧導讀台 |
| 8:8 | Sī chhut sió-be̍h, tōa-be̍h, phû-tô chhiū, bû-hoa-kó chhiū kah sia̍h-liû chhiū ê tē, mā sī chhut kaⁿ-ná chhiū kah bi̍t ê tē. | 註釋 串珠 盧俊義 盧華 盧導讀台 |
| 8:9 | Lí tī hit só͘-chāi chia̍h-mi̍h chhiong-chiok, tī hia lí mā bô khiàm kah pòaⁿ-hāng. Hit só͘-chāi ê chio̍h-thâu sī thih, tī i ê soaⁿ thang ku̍t tâng. | 註釋 串珠 盧俊義 盧華 盧導讀台 |
| 8:10 | Lí ē chia̍h kàu pá, chiū ūi tio̍h I só͘ siúⁿ-sù hō͘ lí ê súi tē, lâi oló Siōng-chú — lí ê Siōng-tè. | 註釋 串珠 盧俊義 盧華 盧導讀台 |
| 8:11 | Kéng-kò Jîn-bîn M̄-thang Bē Kì-tit Siōng-chú" Lí tio̍h kín-sīn, bián-tit lí bē kì-tit Siōng-chú — lí ê Siōng-tè, bô chun-siú I ê kài-bēng, hoat-tō͘ kah lu̍t-lē, to̍h-sī góa kin-á-ji̍t só͘ bēng-lēng lí ê; | 註釋 串珠 盧俊義 盧華 盧導讀台 |
| 8:12 | khióng-kiaⁿ lí í-keng chia̍h pá, í-keng khí súi ê chhù lâi tòa, | 註釋 串珠 盧俊義 盧華 盧導讀台 |
| 8:13 | Lí ê gû-iûⁿ ke-thiⁿ, lí ê kim-gîn ke-thiⁿ, lí só͘-ū ê lóng ke-thiⁿ, | 註釋 串珠 盧俊義 盧華 盧導讀台 |
| 8:14 | Hit sî, lí ê sim kiau-ngō͘, ē bē kì-tit Siōng-chú — lí ê Siōng-tè, to̍h-sī chhōa lí tùi Ai-gi̍p tē — chò lô͘-lē ê ke chhut-.lâi ê. | 註釋 串珠 盧俊義 盧華 盧導讀台 |
| 8:15 | I chhōa lí keng-kòe hit-ê tōa koh thang kiaⁿ ê khòng-iá, hia ū hóe-chôa kah giat-á-thâng, ta-sò koh bô chúi ê tē. I bat ūi tio̍h lí hō͘ chúi tùi tēng ê chio̍h-pôaⁿ lâu chhut-.lâi. | 註釋 串珠 盧俊義 盧華 盧導讀台 |
| 8:16 | Koh tī khòng-iá, ēng lí ê chó͘-sian só͘ m̄ bat ê má-ná kā lí iúⁿ-chhī, sī beh hō͘ lí khiam-pi, chhì-giām lí, hō͘ lí kàu bóe tit tio̍h hok-khì; | 註釋 串珠 盧俊義 盧華 盧導讀台 |
| 8:17 | khióng-kiaⁿ lí sim-lāi siūⁿ kóng, ' Tit tio̍h chit-ê tōa ê ki-gia̍p, sī tùi góa kakī ê khùi-la̍t kah góa ê chhiú ê lêng-le̍k. ' | 註釋 串珠 盧俊義 盧華 盧導讀台 |
| 8:18 | Chóng-.sī, lí tio̍h ē kì-tit Siōng-chú — lí ê Siōng-tè, in-ūi lí tit tio̍h tōa ki-gia̍p ê khùi-la̍t sī I hō͘ lí ê, sī beh lâi oân-sêng I só͘ tùi lí ê chó͘-sian chiùchōa ê iok, chhin-chhiūⁿ kin-á-ji̍t ê khoán-sit. | 註釋 串珠 盧俊義 盧華 盧導讀台 |
| 8:19 | Chiong-lâi, lí nā bē kì-tit Siōng-chú — lí ê Siōng-tè, khì chun-thàn pa̍t-ê sîn-bêng, koh kā i ho̍k-sāi, kā i kèng-pài, góa kin-á-ji̍t giâm-giâm kā lín kéng-kài, lín it-tēng ē bia̍t-bông! | 註釋 串珠 盧俊義 盧華 盧導讀台 |
| 8:20 | Siōng-chú tī lín ê bīn-chêng só͘ bia̍t-bông hiahê kok, lín mā ē kāng-khoán ánne bia̍t-bông, in-ūi lín m̄ chun-thàn Siōng-chú — lín ê Siōng-tè ê ōe." | 註釋 串珠 盧俊義 盧華 盧導讀台 |