| 章節 | 全民台語聖經全羅經文 | 註釋 |
| 11:1 | Siōng-chú Chin Úi-tāi" Só͘-í, lí tio̍h thiàⁿ Siōng-chú — lí ê Siōng-tè, tiāⁿtiāⁿ siú I só͘ hoan-hù lí tio̍h siú ê, to̍h-sī I ê lu̍t-lē, hoat-tō͘ kah kài-bēng. | 註釋 串珠 盧俊義 盧華 盧導讀台 |
| 11:2 | Lín kin-á-ji̍t tio̍h chai, in-ūi góa m̄-sī kah lín ê kiáⁿ-jî kóng, in m̄-chai, mā bô khòaⁿ tio̍h Siōng-chú — lín ê Siōng-tè ê kàu-tō kah ui-giâm, tōa koân-lêng ê chhiú kah chhun-chhut ê chhiú-kut, | 註釋 串珠 盧俊義 盧華 盧導讀台 |
| 11:3 | í-ki̍p I ê sîn-jiah, I ê só͘ chò, kiàn-nā tī Ai-gi̍p tiong tùi Ai-gi̍p ông Hôa-láu kah i ê choân tē só͘ kiâⁿ ê; | 註釋 串珠 盧俊義 盧華 盧導讀台 |
| 11:4 | koh ū I án-chóaⁿ khoán-thāi Ai-gi̍p ê kun-peng kah in ê bé, in ê chhia, in jiok lín ê sî, Siōng-chú án-chóaⁿ hō͘ Âng-hái ê chúi im in, kā in bia̍t-bông kàu kin-á-ji̍t, | 註釋 串珠 盧俊義 盧華 盧導讀台 |
| 11:5 | I koh-chài tī khòng-iá án-chóaⁿ kā lín khoán-thāi, kàu lín lâi chit-ê só͘-chāi; | 註釋 串珠 盧俊義 盧華 盧導讀台 |
| 11:6 | I koh-chài án-chóaⁿ khoán-thāi Lū-biān ê kiáⁿ-sun E-lí-ap ê kiáⁿ Ta-than kah A-mí-lâm, tē án-chóaⁿ tī I-su-la-el lâng ê tiong-kan khui chhùi kā in thun-chia̍h kah in ê ka-koàn, í-ki̍p in ê pò͘-pêⁿ, kah it-chhè kin-tòe in ê oa̍h-mi̍h. | 註釋 串珠 盧俊義 盧華 盧導讀台 |
| 11:7 | To̍k-to̍k lín chhin-ba̍k khòaⁿ tio̍h Siōng-chú só͘ chò it-chhè ê tōa sū. " | 註釋 串珠 盧俊義 盧華 盧導讀台 |
| 11:8 | Èng-ín Tē ê Hok-te̍k" Só͘-í, lín tio̍h chun-siú góa kin-á-ji̍t só͘ bēng-lēng lín ê it-chhè kài-bēng, hō͘ lín chòng-táⁿ, ē-tàng ji̍p-khì sêng-chiap lín só͘ beh kòe-khì sêng-chiap ê tē, | 註釋 串珠 盧俊義 盧華 盧導讀台 |
| 11:9 | mā hō͘ lín ê ji̍t-chí kú-tn̂g tī Siōng-chú só͘ kah lín ê chó͘-sian chiùchōa beh siúⁿ-sù hō͘ in kah in ê kiáⁿ-sun ê tē, to̍h-sī hit khoán lâu leng kah bi̍t ê tē. | 註釋 串珠 盧俊義 盧華 盧導讀台 |
| 11:10 | In-ūi lí beh ji̍p-khì sêng-chiap ê tē, m̄-sī chhin-chhiūⁿ lín chhut-.lâi ê Ai-gi̍p tē, lí tī hia iā chéng, ēng kha ta̍h lâi koàn-ak, chhin-chhiūⁿ chhài-hn̂g. | 註釋 串珠 盧俊義 盧華 盧導讀台 |
| 11:11 | Chóng-.sī, lín só͘ beh ji̍p-khì sêng-chiap ê tē, to̍h-sī ū soaⁿ, ū soaⁿ-kok, lâi sêng-siū thiⁿ ê hō͘-chúi ê tē, | 註釋 串珠 盧俊義 盧華 盧導讀台 |
| 11:12 | sī Siōng-chú — lí ê Siōng-tè só͘ chiàu-kò͘ ê tē, tùi nî-thâu kàu nî bóe, Siōng-chú — lí ê Siōng-tè ê ba̍k-chiu tiāⁿtiāⁿ teh khòaⁿ i. | 註釋 串珠 盧俊義 盧華 盧導讀台 |
| 11:13 | " Lín nā chù-ì chun-thàn góa ê kài-bēng, to̍h-sī góa kin-á-ji̍t só͘ bēng-lēng lín ê, thiàⁿ Siōng-chú — lín ê Siōng-tè, chīn-sim, chīn-sèng ho̍k-sāi I, | 註釋 串珠 盧俊義 盧華 盧導讀台 |
| 11:14 | góa chiū ē chiàu-sî koh chiàu lí ê tē só͘ su-iàu ê lo̍h hō͘, to̍h-sī í-chêng ê hō͘, í-āu ê hō͘, hō͘ lí thang siu-sêng lí ê ngó͘-kok, lí ê chiú, lí ê iû, | 註釋 串珠 盧俊義 盧華 盧導讀台 |
| 11:15 | mā hō͘ lí ê chhân-iá hoat-chháu, thang chhī lí ê chengseⁿ, lí mā ē tit tio̍h pá-chiok. | 註釋 串珠 盧俊義 盧華 盧導讀台 |
| 11:16 | Lín tio̍h kakī kín-sīn, bián-tit lín ê sim siū bê-he̍k, tì-sú lín oai-chhoa̍h, khì ho̍k-sāi pa̍t-ê sîn-bêng, lâi kā i kèng-pài. | 註釋 串珠 盧俊義 盧華 盧導讀台 |
| 11:17 | Tì-sú Siōng-chú tùi lín tōa siū-khì, hō͘ thiⁿ koaiⁿ-ba̍t bô lo̍h hō͘, tē mā bô chhut-sán, lín chiū ē tī Siōng-chú só͘ siúⁿ-sù hō͘ lín ê súi tē kín-kín bia̍t-bông. | 註釋 串珠 盧俊義 盧華 盧導讀台 |
| 11:18 | " Só͘-í, lín tio̍h ēng góa chiahê ōe kì tī lín ê sim, lín ê náu, mā tio̍h pa̍k tī lín ê chhiú chò kì-hō, khòa tī lín nn̄g lúi ba̍k-chiu ê tiong-ng chò kì-liām; | 註釋 串珠 盧俊義 盧華 盧導讀台 |
| 11:19 | mā tio̍h ēng che kà-sī lín ê kiáⁿ-jî, bô-lūn lí chē tī chhù lāi á-.sī kiâⁿ tī lō͘-.ni̍h, khùn á-.sī khí-.lâi, lóng tio̍h káng-lūn; | 註釋 串珠 盧俊義 盧華 盧導讀台 |
| 11:20 | koh tio̍h siá tī lí ê chhù ê mn̂g-kheng kah lí ê mn̂g-chhòaⁿ, | 註釋 串珠 盧俊義 盧華 盧導讀台 |
| 11:21 | hō͘ lín ê ji̍t-chí kah lín ê kiáⁿ-sun ê ji̍t-chí, tī Siōng-chú tùi lín ê chó͘-sian chiùchōa siúⁿ-sù hō͘ in ê tē, tit tio̍h ke-thiⁿ chin chē, chhin-chhiūⁿ thiⁿ khàm tē ê ji̍t-chí hiah kú. | 註釋 串珠 盧俊義 盧華 盧導讀台 |
| 11:22 | " Lín nā tì-ì chip-siú góa só͘ bēng-lēng lín it-chhè ê kài-bēng, lâi chiàu ánne kiâⁿ, thiàⁿ Siōng-chú — lín ê Siōng-tè, kiâⁿ I it-chhè ê lō͘ kah I kiat-liân, | 註釋 串珠 盧俊義 盧華 盧導讀台 |
| 11:23 | Siōng-chú chiū ē tùi lín ê bīn-chêng kā che só͘-ū ê kok kóaⁿ chhut-.khì, lín mā ē tit tio̍h pí lín bo̍k-chêng ê khah tōa koh khah kiông ê kok. | 註釋 串珠 盧俊義 盧華 盧導讀台 |
| 11:24 | Kiàn-nā lín ê kha-chiúⁿ só͘ ta̍h ê tē, lóng ē kui hō͘ lín, tùi khòng-iá kah Le-ba-nòng, tùi hit-ê hô, to̍h-sī Iu-hu-la-té tōa hô, kàu sai pêng ê hái, lóng beh chò lín ê kéng-kài. | 註釋 串珠 盧俊義 盧華 盧導讀台 |
| 11:25 | Bô chi̍t-ê lâng ē-tàng khiā-tiâu tī lín ê bīn-chêng; Siōng-chú — lín ê Siōng-tè ē hō͘ lín só͘ ta̍h ê choân tē lóng kiaⁿ lín, lún lín, chiàu I só͘ tùi lín kóng ê. | 註釋 串珠 盧俊義 盧華 盧導讀台 |
| 11:26 | " Lí khòaⁿ, góa kin-á-ji̍t kā chiok-hok kah chiù-chó͘ pâi tī lín ê bīn-chêng. | 註釋 串珠 盧俊義 盧華 盧導讀台 |
| 11:27 | Lín nā chun-thàn Siōng-chú — lín ê Siōng-tè ê kài-bēng, góa kin-á-ji̍t só͘ bēng-lēng lín ê to̍h-sī chiok-hok. | 註釋 串珠 盧俊義 盧華 盧導讀台 |
| 11:28 | Lín nā m̄ chun-thàn Siōng-chú — lín ê Siōng-tè ê kài-bēng, oai-chhoa̍h góa kin-á-ji̍t só͘ bēng-lēng lín ê lō͘, khì chun-thàn pa̍t-ê sîn-bêng, lín pêng-sî só͘ m̄ bat ê, to̍h-sī chiù-chó͘. | 註釋 串珠 盧俊義 盧華 盧導讀台 |
| 11:29 | Chiong-lâi Siōng-chú — lí ê Siōng-tè chhōa lí kàu lí só͘ beh ji̍p-khì sêng-chiap ê tē, lí tio̍h hē hit-ê chiok-hok tī Ki-lī-sim soaⁿ, hē hit-ê chiù-chó͘ tī E-bal soaⁿ. | 註釋 串珠 盧俊義 盧華 盧導讀台 |
| 11:30 | Chit nn̄g-ê soaⁿ kám m̄-sī tī Iol-tàn hô hit pêng, ji̍t lo̍h ê lō͘ ê āu-bīn, tī tòa A-la̍h-bah ê Ka-nân lâng ê tē kah Gil-gal sio-tùi, óa-kīn Mó͘-leh siōng chhiū? | 註釋 串珠 盧俊義 盧華 盧導讀台 |
| 11:31 | In-ūi lín beh kòe Iol-tàn hô, ji̍p-khì sêng-chiap Siōng-chú — lín ê Siōng-tè só͘ siúⁿ-sù hō͘ lín chò sán-gia̍p ê tē, lín ē tī hia tòa. | 註釋 串珠 盧俊義 盧華 盧導讀台 |
| 11:32 | Lín tio̍h chip-siú lâi kiâⁿ góa kin-á-ji̍t tī lín ê bīn-chêng só͘ pâi-lia̍t it-chhè ê lu̍t-lē kah hoat-tō͘." | 註釋 串珠 盧俊義 盧華 盧導讀台 |