| 章節 | 全民台語聖經全羅經文 | 註釋 |
| 12:1 | Ûi-it Chông-pài ê Tiûⁿ-só͘" Lín tī sè-kan it-seng ê ji̍t-chí, tī Siōng-chú — lín chó͘-sian ê Siōng-tè só͘ siúⁿ-sù hō͘ lín chò sán-gia̍p ê tē, tio̍h chip-siú lâi kiâⁿ ê lu̍t-lē kah hoat-tō͘, to̍h-sī chiahê: | 註釋 串珠 盧俊義 盧華 盧導讀台 |
| 12:2 | Lín só͘ beh kóaⁿ-cháu lâi sêng-chiap ê lia̍t kok, kiàn-nā in ho̍k-sāi in hiahê sîn-bêng ê só͘-chāi, bô-lūn tī koân soaⁿ, tī sió soaⁿ, tī só͘-ū chheⁿ-chhùi ê chhiū kha, lóng tio̍h kā in húi-hoāi. | 註釋 串珠 盧俊義 盧華 盧導讀台 |
| 12:3 | Lín mā tio̍h thiah-húi in ê chè-tôaⁿ, phah-chhùi in tiau-khek ê thiāu, ēng hóe sio in ê A-si-lah, chhò in só͘ tiau-khek ê sîn-bêng ê siōng, mā tio̍h tùi hit só͘-chāi kā in ê miâ tû-bia̍t. | 註釋 串珠 盧俊義 盧華 盧導讀台 |
| 12:4 | " Lín m̄ thang chhin-chhiūⁿ ánne lâi ho̍k-sāi Siōng-chú — lín ê Siōng-tè. | 註釋 串珠 盧俊義 盧華 盧導讀台 |
| 12:5 | Chóng-.sī, Siōng-chú — lín ê Siōng-tè chiong-lâi tùi lín chèng chi-cho̍k tiong só͘ beh kéng-soán ê só͘-chāi, thang tī hia an-tì I ê miâ, to̍h-sī I tòa ê só͘-chāi, lín tio̍h khì hia chhōe I, | 註釋 串珠 盧俊義 盧華 盧導讀台 |
| 12:6 | kā lín ê sio-chè kah pa̍t chióng ê chè, cha̍p hūn chhú chi̍t hūn ê mi̍h kah chhiú-.ni̍h ê kí-chè, í-ki̍p siā goān ê chè, kam-sim hiàn ê chè, í-ki̍p gû-kûn, iûⁿ-kûn tiong thâu-chúi seⁿ ê, lóng tio̍h tòa kàu hia. | 註釋 串珠 盧俊義 盧華 盧導讀台 |
| 12:7 | Τī hia, lín tī Siōng-chú — lín ê Siōng-tè ê bīn-chêng, ūi tio̍h lín ê chhiú só͘ chò it-chhè ê tāichì, tit tio̍h Siōng-chú — lín ê Siōng-tè sù-hok ê, lín kah lín ê ka-koàn lóng tio̍h lim-chia̍h hoaⁿ-hí. | 註釋 串珠 盧俊義 盧華 盧導讀台 |
| 12:8 | " Lán kin-á-ji̍t tī chia só͘ chò ê tāichì, sī ta̍k lâng chiàu ánne kiâⁿ kakī khòaⁿ-chò sī tio̍h ê, lín chiong-lâi m̄ thang ánne kiâⁿ. | 註釋 串珠 盧俊義 盧華 盧導讀台 |
| 12:9 | In-ūi lín hiān-kim iáu-bōe lâi-kàu Siōng-chú — lí ê Siōng-tè só͘ siúⁿ-sù hō͘ lí ê an-hioh kah sán-gia̍p. | 註釋 串珠 盧俊義 盧華 盧導讀台 |
| 12:10 | Chóng-.sī, lín kòe Iol-tàn hô, tit tio̍h tòa tī Siōng-chú — lín ê Siōng-tè siúⁿ-sù hō͘ lín sêng-chiap ê tē, koh hō͘ lín thoat-lī sì-kho͘-ûi só͘-ū ê tùi-te̍k, tit tio̍h an-hioh, lâi an-ún tòa lo̍h-.khì. | 註釋 串珠 盧俊義 盧華 盧導讀台 |
| 12:11 | Chiū tio̍h ū chi̍t-ê só͘-chāi, sī Siōng-chú — lín ê Siōng-tè só͘ kéng lâi an-tì I ê miâ ê, kiàn-nā góa só͘ bēng-lēng lín ê, to̍h-sī lín ê sio-chè kah pa̍t chióng ê chè, cha̍p hūn chhú chi̍t hūn ê mi̍h kah chhiú-.ni̍h ê kí-chè, í-ki̍p lí tùi Siōng-chú só͘ hē goān ke̍k-hó ê mi̍h, lóng tio̍h tòa kàu hia. | 註釋 串珠 盧俊義 盧華 盧導讀台 |
| 12:12 | Lín kah lín ê kiáⁿ-jî, lô͘-po̍k, lú-pī, lóng tio̍h hoaⁿ-hí tī Siōng-chú — lín ê Siōng-tè ê bīn-chêng; Lē-bī lâng tòa tī lín ê mn̂g lāi ê mā sī ánne, in-ūi in tī lín tiong-kan bô hūn bô gia̍p. | 註釋 串珠 盧俊義 盧華 盧導讀台 |
| 12:13 | Lí tio̍h kakī kín-sīn, m̄ thang tī lí khòaⁿ kah-ì ê só͘-chāi hiàn lín ê sio-chè. | 註釋 串珠 盧俊義 盧華 盧導讀台 |
| 12:14 | To̍k-to̍k tī lí chiahê chi-cho̍k tiong ê chi̍t-ê, Siōng-chú só͘ kéng-soán ê só͘-chāi, lín tī hia tio̍h hiàn lí ê sio-chè, koh tī hia kiâⁿ góa it-chhè só͘ bēng-lēng lí ê. | 註釋 串珠 盧俊義 盧華 盧導讀台 |
| 12:15 | " Chóng-.sī, lí tī lí ta̍k-ê mn̂g lāi, lóng thang chiàu Siōng-chú — lí ê Siōng-tè só͘ siúⁿ-sù hō͘ lí ê hok-hūn, chiàu lí ê sim só͘ ài, thâi chengseⁿ chia̍h bah; bô-lūn chheng-khì ê lâng, á-.sī bô chheng-khì ê lâng, lóng thang chia̍h, ná chhin-chhiūⁿ teh chia̍h lêng-iûⁿ kah lo̍k. | 註釋 串珠 盧俊義 盧華 盧導讀台 |
| 12:16 | Chóng-.sī, hoeh m̄ thang chia̍h, tio̍h piàⁿ tī tē-.ni̍h, chhin-chhiūⁿ teh piàⁿ chúi. | 註釋 串珠 盧俊義 盧華 盧導讀台 |
| 12:17 | Lí ê ngó͘-kok, chiú, iû ê cha̍p-hūn chi-it, á-.sī gû-kûn, iûⁿ-kûn tiong thâu-chúi seⁿ ê, á-.sī lí hē goān hiàn ê, kam-sim hiàn ê, á-.sī chhiú-.ni̍h ê kí-chè, lóng m̄ thang tī lí ê mn̂g lāi chia̍h. | 註釋 串珠 盧俊義 盧華 盧導讀台 |
| 12:18 | To̍k-to̍k thang tī Siōng-chú — lí ê Siōng-tè ê bīn-chêng chia̍h, to̍h-sī tī Siōng-chú — lí ê Siōng-tè só͘ kéng-soán ê só͘-chāi, lí kah lí ê kiáⁿ, lí ê chabó͘ kiáⁿ, lô͘-po̍k, lú-pī, í-ki̍p tòa tī lí mn̂g lāi ê Lē-bī lâng, lóng tio̍h chia̍h; kiàn-nā lí ê chhiú só͘ chò ê, tī Siōng-chú — lí ê Siōng-tè ê bīn-chêng, thang hoaⁿ-hí. | 註釋 串珠 盧俊義 盧華 盧導讀台 |
| 12:19 | Lí tio̍h kakī kín-sīn, tī lí ê só͘-chāi, chi̍t-sì-lâng m̄ thang pàng-sak Lē-bī lâng. | 註釋 串珠 盧俊義 盧華 盧導讀台 |
| 12:20 | " Siōng-chú — lí ê Siōng-tè chiàu I só͘ èng-ín lí ê, khui-khoah lí ê kéng-kài ê sî, lí ê sim ài chia̍h bah, só͘-í, kóng, ' Góa beh chia̍h bah', chiū thang chiàu lí ê sim só͘ ài ê lâi chia̍h bah. | 註釋 串珠 盧俊義 盧華 盧導讀台 |
| 12:21 | Siōng-chú — lí ê Siōng-tè só͘ kéng-soán beh an-tì I ê miâ ê só͘-chāi, nā lī-khui lí chin hn̄g, chiū thang chiàu góa só͘ bēng-lēng lí ê, kā Siōng-chú siúⁿ-sù hō͘ lí ê gû, iûⁿ chhú-lâi thâi, thang chiàu sim só͘ ài ê, tī lí ê mn̂g lāi chia̍h. | 註釋 串珠 盧俊義 盧華 盧導讀台 |
| 12:22 | Lí thang chhin-chhiūⁿ chia̍h lêng-iûⁿ kah lo̍k-á ánne lâi chia̍h, chheng-khì kah bô chheng-khì ê lâng pêⁿ-pêⁿ thang chia̍h. | 註釋 串珠 盧俊義 盧華 盧導讀台 |
| 12:23 | To̍k-to̍k lí tio̍h koat-ì, m̄ thang chia̍h hoeh, in-ūi hoeh sī oa̍h-miā; lí m̄ thang chia̍h bah, sòa chia̍h i ê oa̍h-miā. | 註釋 串珠 盧俊義 盧華 盧導讀台 |
| 12:24 | M̄-thang chia̍h hoeh, tio̍h piàⁿ tī tē-.ni̍h, chhin-chhiūⁿ teh piàⁿ chúi. | 註釋 串珠 盧俊義 盧華 盧導讀台 |
| 12:25 | M̄-thang chia̍h hoeh, ánne, lí kiâⁿ Siōng-chú só͘ khòaⁿ-chò sī tio̍h ê tāichì, lí kah lí ê kiáⁿ-sun chiū ē tit tio̍h hok-khì. | 註釋 串珠 盧俊義 盧華 盧導讀台 |
| 12:26 | Chóng-.sī, lí só͘-ū ê sèng-mi̍h kah lí só͘ hē goān ê, tio̍h tòa kàu Siōng-chú só͘ kéng-soán ê só͘-chāi. | 註釋 串珠 盧俊義 盧華 盧導讀台 |
| 12:27 | Lí ê sio-chè, bah kah hoeh, tio̍h hiàn tī Siōng-chú — lí ê Siōng-tè ê tôaⁿ téng. Lí chè-mi̍h ê hoeh, tio̍h piàⁿ tī Siōng-chú — lí ê Siōng-tè ê tôaⁿ; hit-ê bah, lí thang chia̍h. | 註釋 串珠 盧俊義 盧華 盧導讀台 |
| 12:28 | Lí tio̍h chip-siú, thiaⁿ-thàn góa bēng-lēng lí it-chhè ê ōe, kiâⁿ Siōng-chú — lí ê Siōng-tè só͘ khòaⁿ-chò hó koh tio̍h ê tāichì. Án-ne, lí kah lí ê kiáⁿ-sun chiū ē-tàng éng-oán tit tio̍h hok-khì. " | 註釋 串珠 盧俊義 盧華 盧導讀台 |
| 12:29 | Tùi Pài Ngó͘-siōng ê Kéng-kò" Siōng-chú — lí ê Siōng-tè tùi lí ê bīn-chêng kā lí tû-bia̍t lí só͘ beh khì sêng-chiap ê kok, lí sêng-chiap liáu-āu chiū tòa hit-ê tē, | 註釋 串珠 盧俊義 盧華 盧導讀台 |
| 12:30 | hit sî, lí tio̍h kakī kín-sīn, m̄ thang tī in tùi lín ê bīn-chêng tû-bia̍t liáu-āu, soah hām-lo̍h in ê lô-bāng lâi tòe in, mā m̄ thang thàm-thiaⁿ in ê sîn-bêng ê tāichì, kóng, ' Chiahê kok án-chóaⁿ ho̍k-sāi in ê sîn-bêng, góa mā beh ánne kiâⁿ. ' | 註釋 串珠 盧俊義 盧華 盧導讀台 |
| 12:31 | Lí m̄ thang tùi Siōng-chú — lí ê Siōng-tè ánne kiâⁿ, in-ūi in tùi in ê sîn-bêng kiâⁿ Siōng-chú it-chhè só͘ thòng-hūn thó-ià ê tāichì, sīm-chì kā in ê kiáⁿ-jî ēng hóe sio, hiàn hō͘ in ê sîn-bêng. | 註釋 串珠 盧俊義 盧華 盧導讀台 |
| 12:32 | Kiàn-nā góa só͘ bēng-lēng lín ê, lín lóng tio̍h chip-siú lâi kiâⁿ, lí m̄ thang ke-thiⁿ, mā m̄ thang kiám-chió. " | 註釋 串珠 盧俊義 盧華 盧導讀台 |