| 章節 | 全民台語聖經全羅經文 | 註釋 |
| 13:1 | " Lín tiong-kan nā ū sian-ti á-.sī bāng-kìⁿ bāng ê lâng khí-.lâi, tùi lín hián-chhut sîn-jiah, kî-sū, | 註釋 串珠 盧俊義 盧華 盧導讀台 |
| 13:2 | tio̍h tùi lín kóng, ' Lán lâi-khì chun-thàn lí pêng-sî só͘ m̄ bat ê pa̍t-ê sîn-bêng, lâi ho̍k-sāi in, i só͘ hián-bêng ê sîn-jiah kî-sū nā ū èng-giām, | 註釋 串珠 盧俊義 盧華 盧導讀台 |
| 13:3 | lí mā m̄ thang thiaⁿ hit-ê sian-ti á-.sī hit-ê bāng-kìⁿ ê lâng ê ōe, in-ūi Siōng-chú — lín ê Siōng-tè teh chhì-thàm lín, ài chai lín ū teh chīn-sim chīn-sèng thiàⁿ Siōng-chú — lín ê Siōng-tè á-bô. | 註釋 串珠 盧俊義 盧華 盧導讀台 |
| 13:4 | Lín tio̍h sūn-ho̍k Siōng-chú — lín ê Siōng-tè, kèng-ùi I, chun-siú I ê kài-bēng, thiaⁿ I ê ōe, ho̍k-sāi I, kah I kiat-liân. | 註釋 串珠 盧俊義 盧華 盧導讀台 |
| 13:5 | Hitê sian-ti á-.sī hit-ê bāng-kìⁿ bāng ê lâng, í-keng ēng ōe pōe-ge̍k Siōng-chú — lín ê Siōng-tè, to̍h-sī chhōa lín chhut Ai-gi̍p tē, sio̍k-hôe lín thoat-lī chò lô͘-lē ê ke ê, in ánne ē ín-iú lín lī-khui Siōng-chú — lí ê Siōng-tè só͘ bēng-lēng lí kiâⁿ ê lō͘, lí chiū tio̍h hō͘ i sí. Αń-ne, tùi lín tiong-kan lâi tû-khì hit-ê pháiⁿ. | 註釋 串珠 盧俊義 盧華 盧導讀台 |
| 13:6 | " Nā-sī lí tâng-bú ê hiaⁿ-tī á-.sī lí ê kiáⁿ, lí ê chabó͘ kiáⁿ, á-.sī lí sim-hoâi tiong ê bó͘, á-.sī chhin-chhiūⁿ lí sèⁿ-miā ê pêng-iú, thau-thau-á ín-iú lí, kóng, ' Lán lâi-khì ho̍k-sāi pa̍t-ê sîn-bêng, to̍h-sī lí kah lí ê chó͘-sian pêng-sî m̄ bat-.ê, | 註釋 串珠 盧俊義 盧華 盧導讀台 |
| 13:7 | sī lí sì-kho͘-ûi chiahê kok ê sîn-bêng. ' Lī-khui lín chin kīn, á-.sī lī-khui lín chin hn̄g, tùi chit-ê tē-ke̍k kàu hit-ê tē-ke̍k ê, | 註釋 串珠 盧俊義 盧華 盧導讀台 |
| 13:8 | lí m̄ thang chun thàn i, m̄ thang thiaⁿ i, ba̍k-chiu m̄ thang sioh i, lí m̄ thang khó-liân i, mā m̄ thang kā i ún-ba̍t, | 註釋 串珠 盧俊義 盧華 盧導讀台 |
| 13:9 | Lí it-tēng tio̍h hō͘ i sí, lí tio̍h chò thâu hē chhiú lâi hō͘ i sí, jiân-āu chèng lâng mā hē chhiú. | 註釋 串珠 盧俊義 盧華 盧導讀台 |
| 13:10 | Lí tio̍h ēng chio̍h-thâu tìm hō͘ i sí, in-ūi i siūⁿ beh ín-iú lí lī-khui Siōng-chú — lí ê Siōng-tè, to̍h-sī chhōa lí chhut Ai-gi̍p tē — chò lô͘-lē ê ke ê. | 註釋 串珠 盧俊義 盧華 盧導讀台 |
| 13:11 | I-su-la-el jîn-bîn chiū ē thiaⁿ tio̍h lâi kiaⁿ, bô koh tī lín tiong-kan kiâⁿ chit khoán pháiⁿ tāi. " | 註釋 串珠 盧俊義 盧華 盧導讀台 |
| 13:12 | " Tī Siōng-chú — lí ê Siōng-tè só͘ siúⁿ-sù hō͘ lí tòa chiahê siâⁿ ê chi̍t-ê, lí nā thiaⁿ tio̍h kóng, | 註釋 串珠 盧俊義 盧華 盧導讀台 |
| 13:13 | ū húi-lūi tùi lín tiong-kan chhut-.lâi, ín-iú tòa tī in ê siâⁿ ê lâng, kóng, ' Lán lâi-khì ho̍k-sāi pa̍t-ê sîn-bêng, lín í-chêng só͘ m̄ bat ê. ' | 註釋 串珠 盧俊義 盧華 盧導讀台 |
| 13:14 | Lí chiū tio̍h thàm-thiaⁿ, chhâ-khó, siông-sè mn̄g; lí khòaⁿ, kó-jiân sī chin ê, chún-chún ū chit-ê khó-ò͘ⁿ ê tāichì kiâⁿ tī lín tiong-kan, | 註釋 串珠 盧俊義 盧華 盧導讀台 |
| 13:15 | lí it-tēng tio̍h ēng to thâi-sí tòa hit-ê siâⁿ ê jîn-bîn, kā i í-ki̍p i só͘-ū ê, i ê chengseⁿ, choân-pō͘ ēng to kā i bia̍t-tiāu. | 註釋 串珠 盧俊義 盧華 盧導讀台 |
| 13:16 | Lí tio̍h ēng só͘ chhiúⁿ hit-ê siâⁿ ê mi̍h, thia̍p tī tōa lō͘-kháu, ēng hóe sio hit-ê siâⁿ kah só͘ chhiúⁿ it-chhè ê mi̍h lóng hō͘ Siōng-chú — lí ê Siōng-tè; hit-ê siâⁿ éng-oán chò thô͘-tui, bô thang koh khí. | 註釋 串珠 盧俊義 盧華 盧導讀台 |
| 13:17 | Hitê eng-kai húi-bia̍t ê mi̍h, lóng m̄ thang chi̍t-tiám-á tiâu tī lí ê chhiú; hō͘ Siōng-chú soah I ê tōa siū-khì, hō͘ lí un-tián, kā lí liân-bín, hō͘ lí ke-thiⁿ lâng-gia̍h, chiàu I tùi lí ê chó͘-sian só͘ chiùchōa ê. | 註釋 串珠 盧俊義 盧華 盧導讀台 |
| 13:18 | In-ūi lí thiaⁿ Siōng-chú — lí ê Siōng-tè ê ōe, chun-siú I it-chhè ê kài-bēng, to̍h-sī góa kin-á-ji̍t só͘ bēng-lēng lí ê, lâi kiâⁿ Siōng-chú — lí ê Siōng-tè só͘ khòaⁿ-chò sī hó ê. " | 註釋 串珠 盧華 盧導讀台 |