| 章節 | 全民台語聖經全羅經文 | 註釋 |
| 16:1 | Pôaⁿ-kòe-cheh ê Kui-tēng( CAG 12: 1-20)" Lí tio̍h chù-ì A-pit-goe̍h, lâi siú Siōng-chú — lí ê Siōng-tè ê Pôaⁿ-kòe-cheh, in-ūi Siōng-chú — lí ê Siōng-tè tī A-pit-goe̍h àm-sî chhōa lí chhut Ai-gi̍p. | 註釋 串珠 盧俊義 盧華 盧導讀台 |
| 16:2 | Lí tio̍h tī Siōng-chú só͘ beh kéng-soán lâi an-tì I ê miâ ê só͘-chāi, tùi lí ê iûⁿ-kûn, gû-kûn, ēng Pôaⁿ-kòe-cheh ê chengseⁿ, hiàn chè hō͘ Siōng-chú — lí ê Siōng-tè. | 註釋 串珠 盧俊義 盧華 盧導讀台 |
| 16:3 | Lí m̄ thang ēng ū kàⁿ ê piáⁿ chham teh chia̍h, chhit ji̍t lí tio̍h ēng bô kàⁿ ê piáⁿ chham teh chia̍h, to̍h-sī khùn-khó͘ ê piáⁿ; beh hō͘ lí it-seng ê ji̍t-chí ē kì-tit lí chhut Ai-gi̍p tē ê ji̍t, in-ūi lí chhut Ai-gi̍p tē ê sî chin kóaⁿ-kín. | 註釋 串珠 盧俊義 盧華 盧導讀台 |
| 16:4 | Tī lí ê sì-kho͘-ûi-á lāi, chhit ji̍t lóng m̄ thang khòaⁿ tio̍h kàⁿ, thâu chi̍t ji̍t ê-hng só͘ hiàn ê chè-bah, m̄ thang lâu chi̍t-tiám-á kàu thiⁿ-kng. | 註釋 串珠 盧俊義 盧華 盧導讀台 |
| 16:5 | " Tī Siōng-chú — lí ê Siōng-tè só͘ siúⁿ-sù hiahê siâⁿ mn̂g lāi, lí m̄ thang hiàn Pôaⁿ-kòe-cheh ê chè. | 註釋 串珠 盧俊義 盧華 盧導讀台 |
| 16:6 | To̍k-to̍k tio̍h tī Siōng-chú — lí ê Siōng-tè só͘ beh kéng-soán chò an-tì I ê miâ ê só͘-chāi, kàu ê-hng ji̍t lo̍h ê sî, to̍h-sī lí chhut Ai-gi̍p ê sî, tio̍h hiàn Pôaⁿ-kòe-cheh ê chè. | 註釋 串珠 盧俊義 盧華 盧導讀台 |
| 16:7 | Τio̍h tī Siōng-chú — lí ê Siōng-tè só͘ beh kéng-soán ê só͘-chāi, piak lâi chia̍h, keh kang chá-khí lí oa̍t tńg-khì lí ê pò͘-pêⁿ. | 註釋 串珠 盧俊義 盧華 盧導讀台 |
| 16:8 | Lí tio̍h chia̍h bô-kàⁿ piáⁿ la̍k ji̍t, tē-chhit ji̍t lí tio̍h siú Siōng-chú — lí ê Siōng-tè ê giâm-siok-hōe, lóng m̄ thang chò-kang. " | 註釋 串珠 盧俊義 盧華 盧導讀台 |
| 16:9 | Siu-koah-cheh ê Kui-tēng( CAG 34: 22; LBK 23: 15-21)" Lí tio̍h ūi kakī sǹg chhit-ê chhit ji̍t, tùi lí khí-thâu ēng liâm-á koah ngó͘-kok ê sî sǹg-khí, chiū sǹg chhit-ê chhit ji̍t. | 註釋 串珠 盧俊義 盧華 盧導讀台 |
| 16:10 | Lí tio̍h tī Siōng-chú — lí ê Siōng-tè ê bīn-chêng siú chhit-chhit-ji̍t-cheh, kā lí ê chhiú ê lé-mi̍h hōng-hiàn, sī chiàu lí ê sim só͘ goān ê, mā chiàu Siōng-chú — lí ê Siōng-tè kā lí sù-hok ê. | 註釋 串珠 盧俊義 盧華 盧導讀台 |
| 16:11 | Lí kah lí ê kiáⁿ-jî, lô͘-po̍k, lú-pī kah tòa tī lí siâⁿ mn̂g lāi ê Lē-bī lâng, í-ki̍p tī lín tiong-kan kià-kha ê kah ko͘-jî, kóaⁿ-hū, lóng tio̍h tī Siōng-chú — lí ê Siōng-tè só͘ beh kéng-soán an-tì I ê miâ ê só͘-chāi, tī Siōng-chú — lí ê Siōng-tè ê bīn-chêng hoaⁿ-hí. | 註釋 串珠 盧俊義 盧華 盧導讀台 |
| 16:12 | Lí tio̍h ē kì-tit lí tī Ai-gi̍p bat chò lô͘-lē, lí tio̍h chip-siú lâi kiâⁿ chiahê lu̍t-lē. | 註釋 串珠 盧俊義 盧華 盧導讀台 |
| 16:13 | Tòa-pêⁿ-cheh ê Kui-tēng( LBK 23: 33-43)" Tiū-tiâⁿ kah chiú-khut só͘ chhut ê, lí siu-chông liáu-āu, tio̍h siú Tòa-pêⁿ-cheh chhit kang. | 註釋 串珠 盧俊義 盧華 盧導讀台 |
| 16:14 | Siú cheh ê sî, lí kah lí ê kiáⁿ-jî, lô͘-po̍k, lú-pī kah tòa tī lí siâⁿ mn̂g lāi ê Lē-bī lâng, í-ki̍p kià-kha ê kah ko͘-jî, kóaⁿ-hū, lóng tio̍h hoaⁿ-hí. | 註釋 串珠 盧俊義 盧華 盧導讀台 |
| 16:15 | Tī Siōng-chú só͘ beh kéng-soán ê só͘-chāi, lí tio̍h siú Siōng-chú — lí ê Siōng-tè ê cheh chhit kang, in-ūi Siōng-chú — lí ê Siōng-tè tī lí it-chhè ê bu̍t-sán kah lí ê chhiú it-chhè só͘ chò ê, ē kā lí sù-hok, lí chiū ē tōa hoaⁿ-hí. | 註釋 串珠 盧俊義 盧華 盧導讀台 |
| 16:16 | " Lí só͘-ū ê chapo͘ teng tio̍h tī Tû-kàⁿ-cheh, Chhit-chhit-cheh, Tòa-pêⁿ-cheh, chi̍t nî saⁿ pái, lóng kàu Siōng-chú — lí ê Siōng-tè ê bīn-chêng, tī I só͘ beh kéng-soán ê só͘-chāi, mā m̄ thang khang-chhiú kàu Siōng-chú ê bīn-chêng. | 註釋 串珠 盧俊義 盧華 盧導讀台 |
| 16:17 | Τa̍k lâng lóng tio̍h chiàu i ê khùi-la̍t lâi hiàn, to̍h-sī chiàu Siōng-chú — lí ê Siōng-tè só͘ siúⁿ-sù hō͘ lí ê hok-hūn. " | 註釋 串珠 盧俊義 盧華 盧導讀台 |
| 16:18 | Úi-phài Sím-phòaⁿ-koaⁿ kah Kî-tha Koaⁿ-oân ê Kui-tēng" Lí tio̍h tī Siōng-chú — lí ê Siōng-tè só͘ siúⁿ-sù ta̍k-ê siâⁿ mn̂g lāi, chiàu lí hiahê chi-cho̍k, ūi kakī siat-li̍p sím-phòaⁿ-koaⁿ kah koaⁿ-tiúⁿ. In tio̍h chiàu kong-gī ê phòaⁿ-toàn, lâi sím-phòaⁿ jîn-bîn. | 註釋 串珠 盧俊義 盧華 盧導讀台 |
| 16:19 | Lí ê sím-phòaⁿ m̄ thang oan-óng, m̄ thang khòaⁿ lâng ê gōa-māu, mā m̄ thang chiap-siū lâng ê o͘-se, in-ūi o͘-se ē hō͘ tì-hūi ê lâng ba̍k-chiu chheⁿmê, koh ē hō͘ gī lâng ê ōe péng tò-tńg. | 註釋 串珠 盧俊義 盧華 盧導讀台 |
| 16:20 | Lí tio̍h tui-kiû chì-kong chì-gī, hō͘ lí ē oa̍h, sêng-chiap Siōng-chú — lí ê Siōng-tè só͘ siúⁿ-sù hō͘ lí ê tē. | 註釋 串珠 盧俊義 盧華 盧導讀台 |
| 16:21 | Lí ūi kakī só͘ khí Siōng-chú — lí ê Siōng-tè ê tôaⁿ, m̄ thang tī hit piⁿ-á chai siáⁿ-mi̍h chhiū-ba̍k lâi chò A-si-lah. | 註釋 串珠 盧俊義 盧華 盧導讀台 |
| 16:22 | Mā m̄ thang ūi kakī chhāi tiau-khek ê thiāu, che sī Siōng-chú — lí ê Siōng-tè só͘ oàn-hūn ê. " | 註釋 串珠 盧俊義 盧華 盧導讀台 |