| 章節 | 全民台語聖經全羅經文 | 註釋 |
| 18:1 | Chè-si Èng-tit ê Hūn-gia̍h" Chè-si Lē-bī lâng, choân Lē-bī ê chi-cho̍k, in tī I-su-la-el tiong bô hūn bô gia̍p; in só͘ beh chia̍h ê, to̍h-sī Siōng-chú ê hóe-chè kah I ê sán-gia̍p. | 註釋 串珠 盧俊義 盧華 盧導讀台 |
| 18:2 | In tī in hiaⁿ-tī tiong bô sán-gia̍p, Siōng-chú chò in ê sán-gia̍p, chiàu só͘ tùi in kóng ê. | 註釋 串珠 盧俊義 盧華 盧導讀台 |
| 18:3 | " Chè-si tùi jîn-bîn só͘ eng-kai tit tio̍h ê hūn to̍h-sī chiahê: kiàn-nā hiàn gû á-.sī iûⁿ chò chè ê, tio̍h kā chêng-thúi kah nn̄g-ê chhùi-phóe, í-ki̍p tō͘ hō͘ chè-si. | 註釋 串珠 盧俊義 盧華 盧導讀台 |
| 18:4 | Lí ê ngó͘-kok, lí ê chiú, lí ê iû, khí-thâu siu-sêng ê kah khí-thâu chián ê iûⁿ-mn̂g, lóng tio̍h hō͘ i. | 註釋 串珠 盧俊義 盧華 盧導讀台 |
| 18:5 | In-ūi Siōng-chú — lí ê Siōng-tè tùi lí ê chèng chi-cho̍k kéng-soán i, hō͘ i kah i ê kiáⁿ-sun, hōng Siōng-chú ê miâ khiā-.leh, ho̍k-sāi I kàu éng-oán. | 註釋 串珠 盧俊義 盧華 盧導讀台 |
| 18:6 | " Nā ū Lē-bī lâng bô-lūn kià-kha tī I-su-la-el tiong tó chi̍t chō siâⁿ mn̂g lāi, tùi hia chhut-.lâi, choan-sim ì-ài lâi-kàu Siōng-chú só͘ beh kéng-soán ê só͘-chāi, | 註釋 串珠 盧俊義 盧華 盧導讀台 |
| 18:7 | i chiū ē hōng Siōng-chú — i ê Siōng-tè ê miâ lâi ho̍k-sāi, chhin-chhiūⁿ i hiahê chèng hiaⁿ-tī khiā tī Siōng-chú ê bīn-chêng ê Lē-bī lâng. | 註釋 串珠 盧俊義 盧華 盧導讀台 |
| 18:8 | Τī i bē chó͘-sian ê sán-gia̍p í-gōa, i só͘ tit tio̍h chia̍h ê hūn-gia̍h tio̍h kah in pêⁿ. " | 註釋 串珠 盧俊義 盧華 盧導讀台 |
| 18:9 | M̄-thang O̍h Gōa-pang ê Hong-sio̍k" Lí nā lâi-kàu Siōng-chú — lí ê Siōng-tè só͘ siúⁿ-sù hō͘ lí ê tē, lí m̄ thang o̍h hiahê kok khó-ò͘ⁿ ê tāichì lâi kiâⁿ. | 註釋 串珠 盧俊義 盧華 盧導讀台 |
| 18:10 | Lín tiong-kan m̄ thang ū lâng hō͘ kiáⁿ-jî keng-kòe hóe, kiâⁿ siâ-su̍t ê, chiam-pok ê, khòaⁿ-miā ê, chò sai-kong ê, | 註釋 串珠 盧俊義 盧華 盧導讀台 |
| 18:11 | ōe-hû ê, chò tâng-ki ê, kiâⁿ mô͘-su̍t ê, khan-bông ê. | 註釋 串珠 盧俊義 盧華 盧導讀台 |
| 18:12 | In-ūi kiàn-nā kiâⁿ hiahê tāichì ê, lóng sī Siōng-chú só͘ thó-ià ê, mā sī ūi tio̍h chiahê khó-ò͘ⁿ ê tāichì, Siōng-chú — lí ê Siōng-tè chiah tùi lí ê bīn-chêng kā in kóaⁿ chhut-.khì. | 註釋 串珠 盧俊義 盧華 盧導讀台 |
| 18:13 | Lí tùi Siōng-chú — lí ê Siōng-tè, tio̍h chò oân-choân ê lâng. " | 註釋 串珠 盧俊義 盧華 盧導讀台 |
| 18:14 | Èng-ín Heng-khí Chi̍t Ūi Sian-ti" In-ūi lí só͘ beh sêng-chiap hiahê kok, lóng sī chun-thàn chiam-pok ê, kiâⁿ siâ-su̍t-ê; kóng tio̍h lí, Siōng-chú — lí ê Siōng-tè chiū m̄-chún lí ánne kiâⁿ. | 註釋 串珠 盧俊義 盧華 盧導讀台 |
| 18:15 | Siōng-chú — lí ê Siōng-tè ē tùi lín tiong-kan, tùi lín ê hiaⁿ-tī, heng-khí sian-ti chhin-chhiūⁿ góa, lín tio̍h chun-thàn i. | 註釋 串珠 盧俊義 盧華 盧導讀台 |
| 18:16 | " Chiàu lí tī Ho-lep chū-hōe ê ji̍t, tùi Siōng-chú — lí ê Siōng-tè it-chhè só͘ kiû ê, kóng, ' M̄-thang hō͘ góa koh thiaⁿ tio̍h chì-koân Siōng-chú ê siaⁿ, mā m̄ thang hō͘ góa koh khòaⁿ tio̍h chit-ê tōa-hóe, bián-tit góa ē sí-bông. ' | 註釋 串珠 盧俊義 盧華 盧導讀台 |
| 18:17 | Siōng-chú chiū tùi góa kóng, ' In só͘ kóng ê sī hó, | 註釋 串珠 盧俊義 盧華 盧導讀台 |
| 18:18 | Góa beh tī in hiaⁿ-tī tiong, kā in heng-khí chi̍t-ê sian-ti chhin-chhiūⁿ lí, Góa ē kā Góa ê ōe hē tī i ê chhùi, i ē kā Góa it-chhè só͘ bēng-lēng ê tùi in kóng. | 註釋 串珠 盧俊義 盧華 盧導讀台 |
| 18:19 | I thok Góa ê miâ lâi thoân Góa ê ōe, lâng nā m̄-thiaⁿ, Góa ē kā i pān. | 註釋 串珠 盧俊義 盧華 盧導讀台 |
| 18:20 | Chóng-.sī, sian-ti ngē-ngē beh thok Góa ê miâ, kóng Góa só͘ bô bēng-lēng i kóng ê ōe, á-.sī hōng pa̍t-ê sîn-bêng ê miâ lâi kóng, hit-ê sian-ti tio̍h sí. ' | 註釋 串珠 盧俊義 盧華 盧導讀台 |
| 18:21 | " Lí ê sim nā siūⁿ kóng, ' Siōng-chú só͘ bô kóng ê ōe, goán beh ná ē chai? ' | 註釋 串珠 盧俊義 盧華 盧導讀台 |
| 18:22 | Nā ū sian-ti thok Siōng-chú ê miâ lâi kóng ê, hit-ê tāichì nā bô si̍t-hiān, mā bô èng-giām, che sī Siōng-chú só͘ bô kóng ê, sī hit-ê sian-ti ngē-ngē beh lâi kóng ê, lí to̍h m̄-bián kiaⁿ i. " | 註釋 串珠 盧俊義 盧華 盧導讀台 |