| 章節 | 全民台語聖經全羅經文 | 註釋 |
| 21:1 | Iáu-bōe Kiat-àn ê Bô͘-sat Àn-kiāⁿ" Tī Siōng-chú — lí ê Siōng-tè só͘ siúⁿ-sù hō͘ lí chò sán-gia̍p ê tē, nā tú tio̍h siū thâi ê lâng tó tī chhân-iá, m̄-chai sī siáⁿ lâng thâi-sí ê, | 註釋 串珠 盧俊義 盧華 盧導讀台 |
| 21:2 | lí ê tiúⁿ-ló kah sím-phòaⁿ-koaⁿ tio̍h chhut-lâi niû, tùi siū thâi ê lâng hit tah, it-ti̍t kàu sì-kho͘-ûi hiahê siâⁿ, | 註釋 串珠 盧俊義 盧華 盧導讀台 |
| 21:3 | khòaⁿ tó chi̍t-ê siâⁿ lī-khui siū thâi ê lâng siōng kīn, hit-ê siâⁿ ê tiúⁿ-ló chiū tio̍h tùi gû-kûn tiong chhú chi̍t chiah m̄ bat ēng i lâi chò-kang, m̄ bat kòa taⁿ ê gû-chéng-á. | 註釋 串珠 盧俊義 盧華 盧導讀台 |
| 21:4 | Hitê siâⁿ ê tiúⁿ-ló tio̍h khan gû-chéng-á kàu ū tn̂g-lâu-chúi ê soaⁿ-kok, bô chèng bô choh ê, tī hit-ê soaⁿ-kok kòng-tn̄g gû-chéng-á ê ām-kún. | 註釋 串珠 盧俊義 盧華 盧導讀台 |
| 21:5 | Chè-si Lē-bī lâng ê kiáⁿ-sun tio̍h kīn óa-.lâi, in-ūi Siōng-chú — lí ê Siōng-tè kéng-soán in lâi ho̍k-sāi I, thok Siōng-chú ê miâ chiok-hok, só͘-ū sio-kò, sio-phah ê tāichì, lóng tio̍h chiàu in ê ōe lâi phòaⁿ-toàn. | 註釋 串珠 盧俊義 盧華 盧導讀台 |
| 21:6 | Hitê siâⁿ ê chèng tiúⁿ-ló, to̍h-sī lī-khui siū thâi ê lâng siōng kīn ê, tio̍h tī hit-ê soaⁿ-kok tiong, só͘ kòng-tn̄g ām-kún ê gû-chéng-á ê téng-bīn lâi sé-chhiú. | 註釋 串珠 盧俊義 盧華 盧導讀台 |
| 21:7 | Mā tio̍h ìn kóng, ' Goán ê chhiú m̄ bat lâu chit-ê hoeh, goán ê ba̍k-chiu mā m̄ bat khòaⁿ-.tio̍h. | 註釋 串珠 盧俊義 盧華 盧導讀台 |
| 21:8 | Siōng-chú ah, kiû Lí sià-bián Lí ê chú-bîn — I-su-la-el lâng, Lí só͘ sio̍k-hôe ê, m̄ thang hō͘ bô chōe ê hoeh kui tī Lí ê chú-bîn — I-su-la-el. ' | 註釋 串珠 盧俊義 盧華 盧導讀台 |
| 21:9 | Án-ne, lâu hit-ê hoeh ê chōe kah i bô koan-hē. Án-ne chiū tùi lín tiong-kan tû-khì lâu bô chōe ê hoeh ê chōe, sī in-ūi lí ū kiâⁿ Siōng-chú khòaⁿ-chò hó ê. " | 註釋 串珠 盧俊義 盧華 盧導讀台 |
| 21:10 | Siū Lia̍h Bí-lí ê Kui-tēng" Lí chhut-khì kah lí ê tùi-te̍k kau-chiàn ê sî, Siōng-chú — lí ê Siōng-tè kā in kau tī lí ê chhiú, lí mā lia̍h in khì. | 註釋 串珠 盧俊義 盧華 盧導讀台 |
| 21:11 | Hit sî, tī siū lia̍h ê lâng ê tiong-kan, nā khòaⁿ tio̍h ū bí-lí, lí mā loân-bō͘ i, beh chhōa i chò bó͘, | 註釋 串珠 盧俊義 盧華 盧導讀台 |
| 21:12 | chiū thang kā i chhōa kàu lí ê ke, i chiū tio̍h thì thâu-mn̂g, siu chéng-kah, | 註釋 串珠 盧俊義 盧華 盧導讀台 |
| 21:13 | thǹg-khì i siū lia̍h ê sî só͘ chhēng ê saⁿ, tòa tī lí ê chhù lāi ai-khàu pē-bú chi̍t goe̍h-ji̍t, jiân-āu lí thang kah i tâng-pâng, lí chò i ê tiōng-hu, i chò lí ê bó͘. | 註釋 串珠 盧俊義 盧華 盧導讀台 |
| 21:14 | Āu-lâi, lí nā bô hoaⁿ-hí i, chiū tio̍h hō͘ i chhut-chāi i ê ì-sù chhut-.khì, choa̍t-tùi m̄ thang bē chîⁿ, mā m̄ thang tòng-chò lú-pī kā i khoán-thāi, in-ūi lí í-keng kah i sêng-chhin. " | 註釋 串珠 盧俊義 盧華 盧導讀台 |
| 21:15 | Tōa-kiáⁿ Kè-sêng-koân ê Kui-tēng" Lâng nā ū nn̄g-ê bó͘, chi̍t-ê sī i só͘ thiàⁿ ê, chi̍t-ê sī i só͘ oàn ê, lóng ū kā i seⁿ kiáⁿ, chóng-.sī, tōa-kiáⁿ sī só͘ oàn ê bó͘ só͘ seⁿ ê. | 註釋 串珠 盧俊義 盧華 盧導讀台 |
| 21:16 | Kàu hō͘ kiáⁿ sêng-chiap sán-gia̍p ê ji̍t, m̄ thang li̍p siū-thiàⁿ ê bó͘ só͘ seⁿ ê kiáⁿ chò tōa-kiáⁿ, pôaⁿ-kòe chin ê tōa-kiáⁿ, to̍h-sī siū oàn-ê bó͘ só͘ seⁿ ê kiáⁿ. | 註釋 串珠 盧俊義 盧華 盧導讀台 |
| 21:17 | Chóng-.sī, tio̍h sêng-jīn só͘ oàn ê bó͘ ê kiáⁿ chò tōa-kiáⁿ, kā só͘-ū ê sán-gia̍p hō͘ i siang-hūn, in-ūi chit-ê sī i khùi-la̍t ê khí-thâu, tōa-kiáⁿ ê miâ-hūn sī i ê. " | 註釋 串珠 盧俊義 盧華 盧導讀台 |
| 21:18 | Chhù-lí Ngó͘-ge̍k ê Kiáⁿ ê Kui-tēng" Lâng nā ū bân-phôe koh ngó͘-ge̍k ê kiáⁿ, m̄-thiaⁿ in lāu-pē ê ōe á-.sī lāu-bú ê ōe, in sûi-jiân kā i kéng-kài, i iû-goân m̄-thiaⁿ in ê ōe. | 註釋 串珠 盧俊義 盧華 盧導讀台 |
| 21:19 | I ê pē kah i ê bó tio̍h kā i lia̍h khí-.lâi, kā i thoa chhut-.khì, chhōa kàu pún-siâⁿ ê tiúⁿ-ló hia, to̍h-sī i pún só͘-chāi ê siâⁿ mn̂g, | 註釋 串珠 盧俊義 盧華 盧導讀台 |
| 21:20 | kā hit-ê siâⁿ ê tiúⁿ-ló kóng, ' Goán chit-ê kiáⁿ bân-phôe koh ngó͘-ge̍k, m̄-thiaⁿ goán ê ōe, lāmsám khai-chîⁿ, tham-chia̍h koh hò͘ⁿ-chiú. ' | 註釋 串珠 盧俊義 盧華 盧導讀台 |
| 21:21 | Hitê siâⁿ ê kûn-chiòng chiū tio̍h ēng chio̍h-thâu tìm hō͘ i sí; ánne, chiū ē-tàng tùi lín tiong-kan tû-khì hit-ê pháiⁿ. I-su-la-el jîn-bîn lóng ē thiaⁿ tio̍h lâi kiaⁿ. " | 註釋 串珠 盧俊義 盧華 盧導讀台 |
| 21:22 | Kî-tha Kok Chióng ê Kui-tēng" Lâng nā hoān tio̍h eng-kai sí ê chōe, siū pān chōe sí, lí nā kā i tiàu tī chhâ-.ni̍h, | 註釋 串珠 盧俊義 盧華 盧導讀台 |
| 21:23 | i ê sin-si m̄ thang tiàu tī chhâ-.ni̍h kòe-mê, it-tēng tio̍h tī hit ji̍t kā i bâi-chòng, bián-tit òe lahsap Siōng-chú — lí ê Siōng-tè siúⁿ-sù hō͘ lí chò sán-gia̍p ê tē, in-ūi hông tiàu-sí ê lâng sī siū Siōng-chú só͘ chiù-chó͘ ê. " | 註釋 串珠 盧俊義 盧華 盧導讀台 |