| 章節 | 全民台語聖經全羅經文 | 註釋 |
| 23:1 | Bē-tàng Chham-ú Siōng-chú Chū-hōe ê Kui-tēng" Kiàn-nā gōa-sīn siū-siong ê á-.sī siū iam-koah ê, m̄ thang ji̍p-khì Siōng-chú ê hōe-bō͘. | 註釋 串珠 盧俊義 盧華 盧導讀台 |
| 23:2 | " Su-thong lâi seⁿ ê kiáⁿ m̄ thang ji̍p-khì Siōng-chú ê hōe-bō͘, sīm-chì kàu i ê cha̍p tāi, mā m̄ thang khì Siōng-chú ê hōe-bō͘. | 註釋 串珠 盧俊義 盧華 盧導讀台 |
| 23:3 | " Am-móng lâng á-.sī Mô͘-ap lâng, m̄ thang ji̍p-khì Siōng-chú ê hōe-bō͘, sīm-chì kàu in ê cha̍p tāi, éng-oán bē tàng ji̍p-khì Siōng-chú ê hōe-bō͘. | 註釋 串珠 盧俊義 盧華 盧導讀台 |
| 23:4 | In-ūi lín chhut Ai-gi̍p ê sî, in bô ēng chia̍h-mi̍h kah chúi tī lō͘-.ni̍h kā lín gêng-chiap, koh in-ūi in kah lín tùi-te̍k, chhiàⁿ Mê-só͘-po-ta-miah ê Pì-toat lâng, Boh-ol ê kiáⁿ Pa-lân, lâi kā lín chiù-chó͘. | 註釋 串珠 盧俊義 盧華 盧導讀台 |
| 23:5 | Chóng-.sī, Siōng-chú — lí ê Siōng-tè m̄-thiaⁿ Pa-lân, Siōng-chú — lí ê Siōng-tè hō͘ hit-ê chiù-chó͘ piàn-chò chiok-hok, in-ūi Siōng-chú — lí ê Siōng-tè thiàⁿ lí. | 註釋 串珠 盧俊義 盧華 盧導讀台 |
| 23:6 | Lí chi̍t-sì-lâng kàu éng-oán m̄ thang kah in tô͘-bô͘ pêng-an kah hok-khì. | 註釋 串珠 盧俊義 盧華 盧導讀台 |
| 23:7 | " M̄-thang oàn-hūn E-tóm lâng, in-ūi i sī lí ê hiaⁿ-tī. M̄-thang oàn-hūn Ai-gi̍p lâng, in-ūi lín bat chhut-gōa tī hia. | 註釋 串珠 盧俊義 盧華 盧導讀台 |
| 23:8 | In só͘ seⁿ ê kiáⁿ-sun kàu tē-saⁿ tāi chiah thang ji̍p-khì Siōng-chú ê hōe-bō͘. " | 註釋 串珠 盧俊義 盧華 盧導讀台 |
| 23:9 | " Lí ê kun-tūi chhut-khì kong-kek lí ê tùi-te̍k, tī iâⁿ-pâng tio̍h kakī kìm-kài it-chhè ê pháiⁿ tāi. | 註釋 串珠 盧俊義 盧華 盧導讀台 |
| 23:10 | Lín tiong-kan nā ū lâng, tī àm-sî só͘ tú-.tio̍h ê lâi bak bô chheng-khì, i chiū tio̍h chhut-khì iâⁿ gōa, m̄ thang ji̍p-khì iâⁿ lāi. | 註釋 串珠 盧俊義 盧華 盧導讀台 |
| 23:11 | Kàu beh àm ê sî, i tio̍h ēng chúi sé, kàu ji̍t lo̍h chiah thang ji̍p-khì iâⁿ lāi. | 註釋 串珠 盧俊義 盧華 盧導讀台 |
| 23:12 | " Lí tī iâⁿ gōa kéng-soán chi̍t ūi thang chhut-khì kàu gōa-bīn tāi-piān ê só͘-chāi. | 註釋 串珠 盧俊義 盧華 盧導讀台 |
| 23:13 | Τī lí ê khì-kū lāi tio̍h ū thuh-á, lí tī gōa-bīn tāi-piān ê sî, tio̍h ēng i ku̍t thô͘, chiah oa̍t tńg-sin lâi khàm lí só͘ pàng ê. | 註釋 串珠 盧俊義 盧華 盧導讀台 |
| 23:14 | In-ūi Siōng-chú — lí ê Siōng-tè sì-kè kiâⁿ tī lí ê iâⁿ lāi, beh kā lí chín-kiù, kā lí ê tùi-te̍k kau hō͘ lí, só͘-í, lí ê iâⁿ-pâng eng-kai tio̍h ū sèng-kiat, bián-tit I khòaⁿ tio̍h lí tiong-kan ū ù-òe chiū lī-khui lí. " | 註釋 串珠 盧俊義 盧華 盧導讀台 |
| 23:15 | Kî-tha Kok Chióng ê Kui-tēng" Nā ū lô͘-po̍k thoat-lī i ê chú-lâng, cháu kàu lí hia, lí m̄ thang kā i kau hō͘ i ê chú-lâng. | 註釋 串珠 盧俊義 盧華 盧導讀台 |
| 23:16 | I beh kah lí tòa, tī i só͘ kéng-soán lí chi̍t-ê siâⁿ mn̂g lāi ê só͘-chāi lâi tòa tī lí ê tiong-kan, to̍h-sī i só͘ hoaⁿ-hí ê, lí m̄ thang kā i khi-hū. | 註釋 串珠 盧俊義 盧華 盧導讀台 |
| 23:17 | I-su-la-el ê lú-jîn tiong-kan m̄ thang ū ki-lí; I-su-la-el ê lâm-jîn tiong-kan m̄ thang ū lâm-sèng biō-chhiong. | 註釋 串珠 盧俊義 盧華 盧導讀台 |
| 23:18 | Chhiong-ki só͘ tit tio̍h ê chêⁿ-á-.sī lâm-sèng biō-chhiong ê kang-chîⁿ, lí m̄ thang tòa ji̍p-khì Siōng-chú — lí ê Siōng-tè ê tiān lâi siā goān, in-ūi chit nn̄g hāng lóng sī Siōng-chú — lí ê Siōng-tè só͘ thó-ià ê. | 註釋 串珠 盧俊義 盧華 盧導讀台 |
| 23:19 | " Lí ê hiaⁿ-tī á-.sī tùi lí chioh chîⁿ á-.sī chioh chia̍h-mi̍h, chioh kiàn-nā ē seⁿ lī-sek ê mi̍h, lí lóng m̄ thang the̍h i ê lī-sek. | 註釋 串珠 盧俊義 盧華 盧導讀台 |
| 23:20 | Lí chioh gōa-cho̍k ê lâng, thang the̍h i ê lī-sek, chóng-.sī, chioh lí ê hiaⁿ-tī chiū m̄ thang the̍h i ê lī-sek; thang hō͘ Siōng-chú — lí ê Siōng-tè tī lí só͘ khì beh tit tio̍h chò sán-gia̍p ê tē, tī lí ê chhiú só͘ chò it-chhè ê tāichì, kā lí sù-hok. | 註釋 串珠 盧俊義 盧華 盧導讀台 |
| 23:21 | " Lí tùi Siōng-chú — lí ê Siōng-tè hē goān, m̄ thang iân-chhiân lí ê siā goān, in-ūi Siōng-chú — lí ê Siōng-tè it-tēng ē tùi lí thó, lí nā bô siā chiū ū chōe. | 註釋 串珠 盧俊義 盧華 盧導讀台 |
| 23:22 | Lí nā bô hē goān, chiū bô chōe. | 註釋 串珠 盧俊義 盧華 盧導讀台 |
| 23:23 | Kiàn-nā tùi lí ê chhùi só͘ chhut ê, chiàu lí í-keng hē goān tī Siōng-chú — lí ê Siōng-tè lâi kam-sim hiàn ê, to̍h-sī lí ê chhùi só͘ tap-èng, lí tio̍h chip-siú lâi chiàu ánne kiâⁿ. | 註釋 串珠 盧俊義 盧華 盧導讀台 |
| 23:24 | " Lí ji̍p lí ê chhù-piⁿ ê phû-tô hn̂g, thang chhut-chāi lí chia̍h phû-tô kàu pá, chóng-.sī, m̄ thang té tī lí ê khì-kū lāi. | 註釋 串珠 盧俊義 盧華 盧導讀台 |
| 23:25 | Lí nā ji̍p lí ê chhù-piⁿ iáu-bōe koah ê ngó͘-kok tiong, thang ēng chhiú tiah i ê sūi, chóng-.sī, m̄ thang ēng liâm-á koah lí ê chhù-piⁿ ê ngó͘-kok. " | 註釋 串珠 盧俊義 盧華 盧導讀台 |