| 章節 | 全民台語聖經全羅經文 | 註釋 |
| 2:1 | Io-siú-ah Phài Bi̍t-thàm Ji̍p-khì I-é-lī-kho SiâⁿNùn ê kiáⁿ Io-siú-ah tùi Si̍t-tîm thau-thau-á chhe nn̄g-ê lâng chò cheng-thàm, kā in hoan-hù kóng, " Lín khì khòaⁿ hit-ê tē kah I-é-lī-kho siâⁿ. " In chiū khì, kàu chi̍t-ê chhiong-ki La-ha̍t ê chhù, chiū tī hia hioh-khùn. | 註釋 串珠 盧華 盧導讀台 |
| 2:2 | Ū lâng khì pò-kò I-é-lī-kho siâⁿ ông, kóng, " Lí khòaⁿ, kin-àm ū I-su-la-el lâng lâi chia thau-khòaⁿ lán chit-ê tē. " | 註釋 串珠 盧華 盧導讀台 |
| 2:3 | I-é-lī-kho siâⁿ ông chhe lâng khì La-ha̍t hia, kóng, " Hiahê lâi lí chia, ji̍p-khì lí ê chhù ê lâng, lí tio̍h chhōa in chhut-.lâi, in-ūi in lâi sī beh thau-khòaⁿ chit-ê choân tē. " | 註釋 串珠 盧華 盧導讀台 |
| 2:4 | Cha-bó͘ lâng kā hit nn̄g-ê lâng chhàng ba̍t, chiū ìn kóng, " Chin-chiàⁿ ū lâng lâi góa chia; chóng-.sī, in tùi tó-ūi lâi, góa m̄-chai. | 註釋 串珠 盧華 盧導讀台 |
| 2:5 | Ji̍t àm beh koaiⁿ siâⁿ mn̂g ê sî, hiahê lâng chhut-.khì, in khì tó-ūi góa m̄-chai. Lín kóaⁿ-kín khì jiok, chiū ē jiok-.tio̍h. " | 註釋 串珠 盧華 盧導讀台 |
| 2:6 | ( Chóng-.sī, chabó͘ lâng í-keng chhōa in chiūⁿ chhù téng, ēng só͘ pâi tī chhù téng ê môa-kó lâi kā in khàm-.leh. ) | 註釋 串珠 盧華 盧導讀台 |
| 2:7 | Hiahê lâng chiū tùi Iol-tàn hô hit tiâu lō͘ khì jiok in, lâi-kàu lō͘-thâu; jiok in ê lâng chi̍t-ē chhut-.khì, siâⁿ mn̂g chiū koaiⁿ khí-.lâi. | 註釋 串珠 盧華 盧導讀台 |
| 2:8 | Nn̄g lâng iáu-bōe khì khùn, chabó͘ lâng chiū chiūⁿ chhù téng lâi-kàu in hia, | 註釋 串珠 盧華 盧導讀台 |
| 2:9 | Tùi in kóng, " Góa chai Siōng-chú í-keng kā chit-ê tē siúⁿ-sù hō͘ lín, koh in-ūi lín ê iân-kò͘ goán lóng chin kiaⁿ, só͘-ū tòa tī chit só͘-chāi ê jîn-bîn, tī lín ê bīn-chêng lóng sit táⁿ; | 註釋 串珠 盧華 盧導讀台 |
| 2:10 | in-ūi goán ū thiaⁿ tio̍h lín chhut Ai-gi̍p ê sî, Siōng-chú án-chóaⁿ tī lín ê thâu-chêng hō͘ Âng-hái ê chúi ta-.khì, koh ū lín án-chóaⁿ khoán-thāi Iol-tàn hô hit pêng nn̄g-ê A-mô͘-lī ông — Si-hông kah O͘-k, to̍h-sī lín só͘ húi-bia̍t ê. | 註釋 串珠 盧華 盧導讀台 |
| 2:11 | Goán chi̍t-ē thiaⁿ tio̍h chiahê tāichì chiū sit táⁿ. In-ūi lín ê iân-kò͘ ta̍k-ê lâng sîn put hù thé. In-ūi Siōng-chú — lín ê Siōng-tè, tī thiⁿ-téng tē-hā chò Siōng-tè. | 註釋 串珠 盧華 盧導讀台 |
| 2:12 | Taⁿ góa í-keng kā lín hó khoán-thāi, chhiáⁿ lín kí Siōng-chú tùi góa chiùchōa, beh hó khoán-thāi góa lāu-pē ê ke, sòa hō͘ góa chi̍t-ê si̍t-chāi ê kì-hō, | 註釋 串珠 盧華 盧導讀台 |
| 2:13 | ē kā góa ê lāu-pē, lāu-bú, góa ê hiaⁿ-tī, chí-mōe kah it-chhè sio̍k in só͘-ū ê, chín-kiù goán ê sèⁿ-miā, hō͘ goán thang bián sí. " | 註釋 串珠 盧華 盧導讀台 |
| 2:14 | Nn̄g lâng ìn i kóng, " Lí nā bô lāu-sia̍p goán chit-ê tāichì, goán kam-goān ēng goán ê sèⁿ-miā thè lín, kàu Siōng-chú kā chit-ê tē siúⁿ-sù hō͘ goán ê sî, goán ē ēng chû-ài sêng-si̍t khoán-thāi lí. " | 註釋 串珠 盧華 盧導讀台 |
| 2:15 | Chiū ánne, i ēng soh-á tùi thang-á kā in lūi lo̍h-.khì, in-ūi i ê chhù khí tī siâⁿ chhiûⁿ, i mā tòa tī chhiûⁿ téng. | 註釋 串珠 盧華 盧導讀台 |
| 2:16 | I tùi in kóng, " Lín tio̍h chiūⁿ-khì soaⁿ-.ni̍h, khióng-kiaⁿ jiok ê lâng tú tio̍h lín, lín tio̍h tī hia bih saⁿ ji̍t, thèng-hāu jiok lín ê lâng tńg-.lâi, jiân-āu chiah thang kiâⁿ lín ê lō͘. " | 註釋 串珠 盧華 盧導讀台 |
| 2:17 | Nn̄g lâng tùi i kóng, " Lí kah goán só͘ chiùchōa ê, goán it-tēng bô ūi tio̍h hit-ê lâi hoān chōe. | 註釋 串珠 盧華 盧導讀台 |
| 2:18 | Goán nā kàu chit só͘-chāi ê sî, lí tio̍h kā chit tiâu chu-âng sek ê soh-á pa̍k tī tūi goán lo̍h-.khì ê thang-á-.ni̍h, mā tio̍h chū-chi̍p lí ê lāu-pē, lāu-bú, hiaⁿ-tī kah lí ê lāu-pē choân ke lóng tiàm lí ê chhù lāi. | 註釋 串珠 盧華 盧導讀台 |
| 2:19 | Kiàn-nā chhut lí ê ke ê mn̂g khì ke-lō͘ ê, i ê sí sī kakī chū chhú ê, bô goán ê chōe. Kiàn-nā kah lí tī chhù lāi ê, nā ū lâng hē chhiú hāi i, i ê sí to̍h-sī goán ê chōe. | 註釋 串珠 盧華 盧導讀台 |
| 2:20 | Chóng-.sī, lí nā lāu-sia̍p goán chit-ê tāichì, lí só͘ kah goán chiùchōa ê chiū kah goán bô koan-hē. " | 註釋 串珠 盧華 盧導讀台 |
| 2:21 | I kóng, " Τhang chiàu lín ê ōe lâi kiâⁿ. " Chiū ánne, i chhe in chhut-.khì, in chiū khì. Jiân-āu, i ēng chu-âng sek ê soh-á pa̍k tī thang-á. | 註釋 串珠 盧華 盧導讀台 |
| 2:22 | Nn̄g lâng khì-kàu soaⁿ-.ni̍h, tiàm hia saⁿ ji̍t, thèng-hāu jiok in ê lâng tńg-.khì. Jiok in ê lâng-iân-lō͘ chhōe in, mā chhōe bô tio̍h in. | 註釋 串珠 盧華 盧導讀台 |
| 2:23 | Nn̄g lâng chiū lo̍h soaⁿ tńg-.lâi, kòe hô lâi-kàu Nùn ê kiáⁿ Io-siú-ah hia, tùi i kóng-khí in só͘ tú tio̍h it-chhè ê tāichì. | 註釋 串珠 盧華 盧導讀台 |
| 2:24 | In koh tùi Io-siú-ah kóng, " Siōng-chú kó-jiân kā hit-ê choân tē kau tī lán ê chhiú; tòa tī hit só͘-chāi só͘-ū ê jîn-bîn, tī lán ê bīn-chêng lóng sit táⁿ. " | 註釋 串珠 盧華 盧導讀台 |