| 章節 | 全民台語聖經全羅經文 | 註釋 |
| 11:1 | Phah-iâⁿ Ia-bín kah I ê Bêng-kokHa-cho͘l ông Ia-bín thiaⁿ tio̍h chit-ê tāichì, chiū chhe lâng khì kìⁿ Má-tùn ông Io-bap kah Sim-lông ê ông í-ki̍p Ap-soah ê ông, | 註釋 串珠 盧華 盧導讀台 |
| 11:2 | mā kàu pak-hong ê soaⁿ-tē kah Kin-né-lo̍t lâm pêng ê A-la̍h-bah pêng-goân, í-ki̍p sai pêng Tol ê soaⁿ-thâu chiahê ông. | 註釋 串珠 盧華 盧導讀台 |
| 11:3 | Koh khì kìⁿ tang pêng kah sai pêng ê Ka-nân lâng kah A-mô͘-lī lâng, Hiat lâng, Pe-lí-ji lâng, í-ki̍p I-é-bú-suh lâng, tòa tī soaⁿ-tē ê, í-ki̍p Hel-móng soaⁿ-kha Mi-su-peh tē ê Hi-bī lâng. | 註釋 串珠 盧華 盧導讀台 |
| 11:4 | In kah in ê chèng kun-tūi lóng chhut-.lâi, lâng-gia̍h chin chē chhin-chhiūⁿ hái piⁿ ê soa, bé kah chhia mā chin chē. | 註釋 串珠 盧華 盧導讀台 |
| 11:5 | Chiahê ông lóng chū-chi̍p, lâi-kàu Me-lóng ê chúi piⁿ, pêⁿ-pêⁿ chat iâⁿ, chún-pī beh kah I-su-la-el lâng kau-chiàn. | 註釋 串珠 盧華 盧導讀台 |
| 11:6 | Siōng-chú kā Io-siú-ah kóng, " M̄-bián ūi tio̍h in lâi kiaⁿ, in-ūi bîn-á-chài chha-put-to chit sî, Góa ē kā thâi-sí ê kûn-chiòng kau tī I-su-la-el lâng ê bīn-chêng. Lí tio̍h koah-tn̄g in ê bé-thúi ê tōa kin, ēng hóe sio in ê chhia. " | 註釋 串珠 盧華 盧導讀台 |
| 11:7 | Io-siú-ah kah só͘-ū ê chiàn-sū, hut-jiân lâi-kàu Me-lóng ê chúi piⁿ, tú tio̍h in chiū kā in phah. | 註釋 串珠 盧華 盧導讀台 |
| 11:8 | Siōng-chú kā in kau tī I-su-la-el lâng ê chhiú tiong, in chiū kā hiahê lâng phah, kā in jiok kàu tōa Si-tòng, mā kàu Bí-su-lī-hut-má-im, it-ti̍t kàu tang pêng Mi-su-peh ê pêng-goân, kā in thâi-sí, bô lâu kah pòaⁿ-ê. | 註釋 串珠 盧華 盧導讀台 |
| 11:9 | Io-siú-ah chiū chiàu Siōng-chú só͘ bēng-lēng ê khoán-thāi in, bé chiū koah-tn̄g in ê thúi ê tōa kin, chhia chiū ēng hóe sio. | 註釋 串珠 盧華 盧導讀台 |
| 11:10 | Hit sî, Io-siú-ah oa̍t tńg-lâi kong-chhú Ha-cho͘l, ēng to thâi i ê ông, in-ūi Ha-cho͘l pêng-sî chò chiahê kok ê thâu. | 註釋 串珠 盧華 盧導讀台 |
| 11:11 | I-su-la-el lâng ēng to thâi-sí hit lāi-bīn ê kûn-chiòng, kā in choân-pō͘ siau-bia̍t; kiàn-nā ē chhoán-khùi ê bô lâu kah pòaⁿ-ê, koh ēng hóe sio Ha-cho͘l. | 註釋 串珠 盧華 盧導讀台 |
| 11:12 | Io-siú-ah kong-chhú hiahê ông só͘-ū ê siâⁿ kah in ê ông, ēng to kā in thâi-sí, kā in choân-pō͘ siau-bia̍t, chiàu Siōng-tè ê lô͘-po̍k Mô͘-se só͘ bēng-lēng ê. | 註釋 串珠 盧華 盧導讀台 |
| 11:13 | Hiahê khí tī lūn-á-téng ê siâⁿ, tû Ha-cho͘l í-gōa, I-su-la-el lâng lóng bô kā i sio, chí ū Ha-cho͘l hō͘ Io-siú-ah sio-.khì. | 註釋 串珠 盧華 盧導讀台 |
| 11:14 | Tī hiahê siâⁿ só͘ chhiúⁿ ê mi̍h kah chengseⁿ, I-su-la-el lâng lóng chhú-lâi chò kakī ê; to̍k-to̍k lâng lóng ēng to kā in thâi-sí kàu bia̍t-bông, kiàn-nā ē chhoán-khùi ê bô lâu kah pòaⁿ-ê. | 註釋 串珠 盧華 盧導讀台 |
| 11:15 | Siōng-chú bēng-lēng I ê lô͘-po̍k Mô͘-se ê, Mô͘-se chiàu ánne bēng-lēng Io-siú-ah, Io-siú-ah ánne kiâⁿ. Kiàn-nā Siōng-chú só͘ bēng-lēng Mô͘-se ê, Io-siú-ah bô chi̍t hāng bô kiâⁿ. | 註釋 串珠 盧華 盧導讀台 |
| 11:16 | Io-siú-ah Chiàm-niá ê Thó͘-tēÁn-ne, Io-siú-ah kong-chhú hit-ê choân tē, to̍h-sī soaⁿ-tē, lâm-hong choân tē, Go-sián choân tē kah pêng-goân A-la̍h-bah, í-ki̍p I-su-la-el ê soaⁿ-tē kah pêng-goân. | 註釋 串珠 盧華 盧導讀台 |
| 11:17 | Tùi chiūⁿ-khì Se-il ê Ha-la̍h soaⁿ, kàu Hel-móng soaⁿ-kha, Le-ba-nòng soaⁿ-kok ê Pa-le̍k-ka-tek, mā lia̍h hit só͘-chāi hiahê ông, phah hō͘ in sí. | 註釋 串珠 盧華 盧導讀台 |
| 11:18 | Io-siú-ah kah chiahê ông kau-chiàn chin kú. | 註釋 串珠 盧華 盧導讀台 |
| 11:19 | Tû Gi-bóng ê Hi-bī lâng í-gōa, bô kah chi̍t-ê siâⁿ kah I-su-la-el lâng kóng-hô, in lóng tùi kau-chiàn lâi cheng-ho̍k i. | 註釋 串珠 盧華 盧導讀台 |
| 11:20 | In-ūi Siōng-chú hō͘ in ê sim ngē, tí-te̍k I-su-la-el lâi kah in kau-chiàn, hō͘ in choân-pō͘ siū bia̍t, bô tit tio̍h liân-bín, tì-sú choân-pō͘ bia̍t-bông, chiàu Siōng-chú só͘ bēng-lēng Mô͘-se ê. | 註釋 串珠 盧華 盧導讀台 |
| 11:21 | Hit sî, Io-siú-ah lâi-.kàu, chiū tùi soaⁿ-tē, He-bú-lông, Te-bil, A-ná-pek, Iô-tah soaⁿ-tē, I-su-la-el soaⁿ-tē, chián-tû A-lap cho̍k ê lâng. Io-siú-ah kā in kah in hiahê siâⁿ choân-pō͘ siau-bia̍t. | 註釋 串珠 盧華 盧導讀台 |
| 11:22 | Tī I-su-la-el lâng ê tē lóng bô lâu kah pòaⁿ-ê A-lap cho̍k ê lâng, to̍k-to̍k tī Ga-jah, Gat kah A-si-to͘t ū chhun tām-po̍h. | 註釋 串珠 盧華 盧導讀台 |
| 11:23 | Án-ne, Io-siú-ah chiàu Siōng-chú só͘ bēng-lēng Mô͘-se it-chhè ê ōe, kong-chhú hit-ê choân tē, Io-siú-ah kā tē pun hō͘ I-su-la-el lâng chò sán-gia̍p, chiàu in ê chi-cho̍k, in ê chong-cho̍k. Chiū ánne, hit-ê tē thài-pêng bô koh kau-chiàn. | 註釋 串珠 盧華 盧導讀台 |