| 章節 | 全民台語聖經全羅經文 | 註釋 |
| 5:1 | Iok-kūi tī Hui-lī-sūHui-lī-sū lâng tòa Siōng-chú ê iok-kūi, tùi E-bian-ne-chel kng kàu A-si-to͘t. | 註釋 串珠 盧俊義 盧華 盧導讀台 |
| 5:2 | Hui-lī-sū lâng kā Siōng-chú ê kūi kng ji̍p-khì Tāi-kún ê biō, hē tī tāi-kún ê sin piⁿ. | 註釋 串珠 盧俊義 盧華 盧導讀台 |
| 5:3 | Keh kang chá-khí, A-si-to͘t ê lâng khí-.lâi, khòaⁿ tio̍h tāi-kún poa̍h-tó tī Siōng-chú ê kūi chêng, bīn phak tī thô͘-kha, chiū kā tāi-kún koh chhāi tī i ê goân ūi. | 註釋 串珠 盧俊義 盧華 盧導讀台 |
| 5:4 | Koh keh tńg kang, thàu-chá khí-.lâi, khòaⁿ tio̍h tāi-kún poa̍h-tó tī Siōng-chú ê kūi chêng, bīn phak tī thô͘-kha, jî-chhiáⁿ tāi-kún ê thâu kah nn̄g ki chhiú-chiúⁿ lóng áu-tn̄g tī hō͘-tēng téng, chí ū chhun tāi-kún tó pêⁿ-pêⁿ ê seng-khu. | 註釋 串珠 盧俊義 盧華 盧導讀台 |
| 5:5 | Ūi tio̍h ánne, tāi-kún ê chè-si kah só͘-ū ji̍p-khì tī A-si-to͘t tāi-kún biō ê lâng, lóng bô ta̍h tāi-kún ê hō͘-tēng, it-ti̍t kàu kin-á-ji̍t. | 註釋 串珠 盧俊義 盧華 盧導讀台 |
| 5:6 | Siōng-chú ê chhiú tāng-tāng phah A-si-to͘t lâng, kā in pāi-hoāi, hō͘ in hoat liàp-á chèng, to̍h-sī A-si-to͘t kah i ê kéng lāi lóng sī ánne. | 註釋 串珠 盧俊義 盧華 盧導讀台 |
| 5:7 | A-si-to͘t lâng khòaⁿ tio̍h ánne, chiū kóng, " I-su-la-el Siōng-chú ê kūi m̄ thang tiàm tī lán tiong-kan, in-ūi I ê chhiú tāng-tāng phah lán kah lán ê sîn-bêng tāi-kún. " | 註釋 串珠 盧俊義 盧華 盧導讀台 |
| 5:8 | Chiū chhe lâng chhiáⁿ Hui-lī-sū hiahê siú-léng lâi chū-chi̍p tī in hia, kóng, " I-su-la-el Siōng-chú ê kūi, lán tio̍h án-chóaⁿ siat-hoat? " In ìn kóng, " Τhang kā I-su-la-el Siōng-tè ê kūi ūn khì Gat. " In chiū kā I-su-la-el Siōng-tè ê kūi ūn khì hia. | 註釋 串珠 盧俊義 盧華 盧導讀台 |
| 5:9 | Ūn kàu-ūi liáu-āu, Siōng-chú ê chhiú kong-kek hit-ê siâⁿ, hō͘ hit-ê siâⁿ ê lâng chin tāi-loān, koh phah siâⁿ lāi ê lâng bô-lūn tōa-sè, in lóng hoat liàp-á chèng. | 註釋 串珠 盧俊義 盧華 盧導讀台 |
| 5:10 | In chiū kā Siōng-tè ê kūi sàng-khì Ek-lóng. Siōng-tè ê kūi ūn kàu Ek-lóng, Ek-lóng ê lâng chiū hoah, " In kā I-su-la-el Siōng-tè ê kūi ūn lâi lán chia, sī beh hāi-sí lán kah lán ê jîn-bîn. " | 註釋 串珠 盧俊義 盧華 盧導讀台 |
| 5:11 | Chiū chhe lâng chū-chi̍p Hui-lī-sū só͘-ū ê siú-léng, kóng, " I-su-la-el Siōng-tè ê iok-kūi tio̍h sàng tńg-khì I ê pún só͘-chāi, bián-tit I hāi-sí lán kah lán ê jîn-bîn. " Hit sî, choân siâⁿ ū tì-sú sí ê jiáu-loān, in-ūi Siōng-chú ê chhiú tī hia kā in phah chin tāng. | 註釋 串珠 盧俊義 盧華 盧導讀台 |
| 5:12 | Bô sí ê lâng lóng tio̍h liàp-á chèng, siâⁿ tiong thî-khàu ê siaⁿ thàu kàu thiⁿ-.ni̍h. | 註釋 串珠 盧俊義 盧華 盧導讀台 |