| 章節 | 全民台語聖經全羅經文 | 註釋 |
| 7:1 | Ki-lia̍t-iâ-lîm lâng lâi, tòa Siōng-chú ê iok-kūi chiūⁿ-.khì, kàu tī soaⁿ téng A-bi-na-tap ê chhù, kā i ê kiáⁿ Ê-lī-a-chal hun-pia̍t chò sèng, lâi kò͘-siú Siōng-chú ê iok-kūi. | 註釋 串珠 盧俊義 盧華 盧導讀台 |
| 7:2 | Iok-kūi tī Ki-lia̍t-iâ-lîm ê ji̍t-chí chin kú, keng-kòe jī-cha̍p nî, I-su-la-el choân ke tui-liām Siōng-chú. | 註釋 串珠 盧俊義 盧華 盧導讀台 |
| 7:3 | Sa-mu-el Thóng-tī I-su-la-elSa-mu-el kā I-su-la-el choân ke kóng, " Lín nā chi̍t-sim kui-sūn Siōng-chú, chiū tio̍h tùi lín tiong-kan tû-khì gōa-pang ê sîn-bêng kah A-si-tha-lot, kian-sim kui-ǹg Siōng-chú, kantaⁿ ho̍k-sāi I, I ē kiù lín thoat-lī Hui-lī-sū lâng ê chhiú. " | 註釋 串珠 盧俊義 盧華 盧導讀台 |
| 7:4 | I-su-la-el lâng chiū tû-khì chiahê Ba-al kah A-si-tha-lot, kantaⁿ ho̍k-sāi Siōng-chú. | 註釋 串珠 盧俊義 盧華 盧導讀台 |
| 7:5 | Sa-mu-el kóng, " Τio̍h tī Mi-su-peh chū-chi̍p I-su-la-el jîn-bîn, góa ē thè lín tùi Siōng-chú kî-tó. " | 註釋 串珠 盧俊義 盧華 盧導讀台 |
| 7:6 | In chiū chū-chi̍p tī Mi-su-peh, chhiūⁿ chúi lâi piàⁿ tī Siōng-chú ê bīn-chêng, tī hit ji̍t kìm-chia̍h, tī hia kóng, " Goán ū tek-chōe Siōng-chú. " Sa-mu-el chiū tī Mi-su-peh chò sū-su, lâi chín-kiù I-su-la-el lâng. | 註釋 串珠 盧俊義 盧華 盧導讀台 |
| 7:7 | Hui-lī-sū lâng thiaⁿ tio̍h I-su-la-el lâng chū-chi̍p tī Mi-su-peh, Hui-lī-sū ê siú-léng chiū khí-lâi beh kong-kek I-su-la-el lâng, I-su-la-el lâng thiaⁿ-.tio̍h chiū kiaⁿ Hui-lī-sū lâng. | 註釋 串珠 盧俊義 盧華 盧導讀台 |
| 7:8 | I-su-la-el lâng kā Sa-mu-el kóng, " Goān lí thè goán kiû-kiò Siōng-chú — lán ê Siōng-tè bô soah, kiû I kiù lán thoat-lī Hui-lī-sū lâng ê chhiú. " | 註釋 串珠 盧俊義 盧華 盧導讀台 |
| 7:9 | Sa-mu-el chiū ēng chi̍t chiah chia̍h leng ê iûⁿ-á, sio kui-chiah lâi hiàn hō͘ Siōng-chú chò sio-chè, Sa-mu-el thè I-su-la-el lâng kiû-kiò Siōng-chú, Siōng-chú ū ìn i. | 註釋 串珠 盧俊義 盧華 盧導讀台 |
| 7:10 | Sa-mu-el teh hiàn sio-chè ê sî, Hui-lī-sū lâng chìn-chêng lâi, beh kah I-su-la-el lâng kau-chiàn. Τī hit ji̍t, Siōng-chú khí tōa-siaⁿ ê lûi lâi kong-kek Hui-lī-sū lâng, kā in phah-loān, in chiū tī I-su-la-el lâng ê bīn-chêng thâi-su. | 註釋 串珠 盧俊義 盧華 盧導讀台 |
| 7:11 | I-su-la-el lâng tùi Mi-su-peh chhut-.lâi, jiok Hui-lī-sū lâng, kā in phah, it-ti̍t kàu Pek-kah ê ē-bīn. | 註釋 串珠 盧俊義 盧華 盧導讀台 |
| 7:12 | Sa-mu-el ēng chi̍t tè chio̍h-thâu khiā tī Mi-su-peh kah E-sia-nah ê tiong-kan, kā i ê miâ kiò-chò E-bian-ne-chel, kóng, " Kàu chit sî, Siōng-chú pang-chān lán. " | 註釋 串珠 盧俊義 盧華 盧導讀台 |
| 7:13 | Tùi chit sî khí, Hui-lī-sū lâng chiū khut-ho̍k, m̄-káⁿ koh ji̍p-lâi I-su-la-el lâng ê kéng lāi. Sa-mu-el it-seng ê ji̍t-chí tiong-kan, Siōng-chú ê chhiú kong-kek Hui-lī-sū lâng. | 註釋 串珠 盧俊義 盧華 盧導讀台 |
| 7:14 | Hui-lī-sū lâng só͘-ū cheng-ho̍k I-su-la-el lâng ê siâⁿ, tùi Ek-lóng kàu Gat, lóng hêng I-su-la-el lâng. In hiahê kéng-kài, I-su-la-el lâng mā tùi Hui-lī-sū lâng ê chhiú siu tò tńg-.lâi. Hit sî, I-su-la-el lâng kah A-mô͘-lī lâng hô-hó. | 註釋 串珠 盧俊義 盧華 盧導讀台 |
| 7:15 | Sa-mu-el it-seng chò I-su-la-el ê sū-su. | 註釋 串珠 盧俊義 盧華 盧導讀台 |
| 7:16 | I ta̍k nî sûn-sī Be-thel, Gil-gal, Mi-su-peh chiahê só͘-chāi, chhù-lí I-su-la-el lâng tiong-kan ê būn-tê. | 註釋 串珠 盧俊義 盧華 盧導讀台 |
| 7:17 | Jiân-āu, i tò tńg-khì kàu La̍h-má, in-ūi i ê ke tī hia, mā tī hia chhù-lí I-su-la-el lâng tiong-kan ê būn-tê, mā tī hia kā Siōng-chú khí chi̍t chō tôaⁿ. | 註釋 串珠 盧俊義 盧華 盧導讀台 |