| 章節 | 全民台語聖經全羅經文 | 註釋 |
| 8:1 | Jîn-bîn Iau-kiû Siat-li̍p ÔngSa-mu-el í-keng lāu, chiū siat-li̍p i ê kiáⁿ lâi chò I-su-la-el ê sū-su. | 註釋 串珠 盧俊義 盧華 盧導讀台 |
| 8:2 | I ê tōa-kiáⁿ miâ kiò-chò Iô-el, tē-jī kiáⁿ miâ kiò-chò A-bi-iah; in tī Bel-sí-bah chò sū-su. | 註釋 串珠 盧俊義 盧華 盧導讀台 |
| 8:3 | Chóng-.sī, i ê kiáⁿ bô chiàu i ê lō͘ kiâⁿ, phian-su tham-châi, chiap-siū lâng ê o͘-se, bô chiàu chèng-ti̍t lâi phòaⁿ-toàn. | 註釋 串珠 盧俊義 盧華 盧導讀台 |
| 8:4 | I-su-la-el ê tiúⁿ-ló lóng chū-chi̍p, lâi-kàu La̍h-má kìⁿ Sa-mu-el, | 註釋 串珠 盧俊義 盧華 盧導讀台 |
| 8:5 | Kā i kóng, " Lí khòaⁿ, lí í-keng lāu ā, lí ê kiáⁿ koh bô kiâⁿ lí ê lō͘. Τaⁿ kiû lí kā goán siat-li̍p chi̍t-ê ông lâi phòaⁿ-toàn goán ê būn-tê, chhin-chhiūⁿ lia̍t kok ánne. " | 註釋 串珠 盧俊義 盧華 盧導讀台 |
| 8:6 | In kóng, " Kiû lí kā goán siat-li̍p chi̍t-ê ông lâi phòaⁿ-toàn goán ê būn-tê. " Hitê tāichì Sa-mu-el bô hoaⁿ-hí, Sa-mu-el chiū tùi Siōng-chú kî-tó. | 註釋 串珠 盧俊義 盧華 盧導讀台 |
| 8:7 | Siōng-chú tùi Sa-mu-el kóng, " Jîn-bîn tùi lí só͘ kóng it-chhè ê ōe, lí tio̍h chun-thàn, in-ūi in m̄-sī khì-sak lí, sī khì-sak Góa, bô hō͘ Góa chò in ê ông. | 註釋 串珠 盧俊義 盧華 盧導讀台 |
| 8:8 | Tùi Góa chhōa in chhut Ai-gi̍p kàu kin-á-ji̍t, in it-chhè ê só͘ kiâⁿ lóng lī-khui góa, khì ho̍k-sāi pa̍t-ê sîn-bêng. Taⁿ in mā chiàu ánne teh tùi-thāi lí. | 註釋 串珠 盧俊義 盧華 盧導讀台 |
| 8:9 | Só͘-í, lí tio̍h chun-thàn in ê ōe, chóng-.sī, tio̍h giâm-giâm kā in kéng-kài, hō͘ in chai chiong-lâi beh koán-lí in ê ông ê chè-tō͘ sī án-chóaⁿ. " | 註釋 串珠 盧俊義 盧華 盧導讀台 |
| 8:10 | Sa-mu-el kā Siōng-chú ê ōe lóng tùi jîn-bîn kóng, to̍h-sī hiahê tùi i thó chi̍t-ê ông ê, kóng, | 註釋 串珠 盧俊義 盧華 盧導讀台 |
| 8:11 | " Chiong-lâi koán-lí lín ê ông ê chè-tō͘ to̍h-sī ánne: i ē chhú lín ê kiáⁿ, ūi kakī siat-li̍p in lâi kā i koán chhia, chò i ê bé-peng, cháu tī chhia ê thâu-chêng; | 註釋 串珠 盧俊義 盧華 盧導讀台 |
| 8:12 | koh ē ūi kakī siat-li̍p in lâi chò iâⁿ-tiúⁿ, pâi-tiúⁿ, mā ē siat-li̍p lâng lâi thè i choh hn̂g, siu ngó͘-kok, chè-chō kun-khì kah chhia-.ni̍h ê khì-kū; | 註釋 串珠 盧俊義 盧華 盧導讀台 |
| 8:13 | ē chhú lín ê chabó͘ kiáⁿ thè i chè-chō phang-iû, chò chú-chia̍h ê, chò piak piáⁿ ê; | 註釋 串珠 盧俊義 盧華 盧導讀台 |
| 8:14 | lín ê chhân-hn̂g, phû-tô hn̂g, kaⁿ-ná hn̂g, hit-ê siōng hó ê, i ē kā i the̍h-lâi hō͘ i ê lô͘-po̍k. | 註釋 串珠 盧俊義 盧華 盧導讀台 |
| 8:15 | Lín só͘ chèng-choh ê kah lín ê phû-tô hn̂g, i ē chhú cha̍p-hūn chi-it hō͘ i ê thài-kàm kah lô͘-po̍k; | 註釋 串珠 盧俊義 盧華 盧導讀台 |
| 8:16 | Jî-chhiáⁿ ē chhú lín ê lô͘-po̍k, lú-pī, ióng-kiāⁿ ê siàu-liân lâng kah lín ê lî-á, lâi chò i ê chhe-ēng; | 註釋 串珠 盧俊義 盧華 盧導讀台 |
| 8:17 | lín ê iûⁿ-kûn, i ē chhú cha̍p-hūn chi-it, lín mā ē chò i ê lô͘-po̍k. | 註釋 串珠 盧俊義 盧華 盧導讀台 |
| 8:18 | Hit sî, lín ē in-ūi só͘ kéng ê ông lâi âu-kiò, chóng-.sī, Siōng-chú tī hit sî m̄ kā lín thiaⁿ. " | 註釋 串珠 盧俊義 盧華 盧導讀台 |
| 8:19 | Chóng-.sī, jîn-bîn m̄-khéng thiaⁿ Sa-mu-el ê ōe, kóng, " M̄-lah, goán it-tēng beh chi̍t-ê ông lâi kā goán tī-lí, | 註釋 串珠 盧俊義 盧華 盧導讀台 |
| 8:20 | hō͘ goán chhin-chhiūⁿ lia̍t kok ánne, goán ê ông phòaⁿ-toàn goán tiong-kan ê būn-tê, chò thâu chhōa goán, thè goán kau-chiàn. " | 註釋 串珠 盧俊義 盧華 盧導讀台 |
| 8:21 | Sa-mu-el thiaⁿ tio̍h jîn-bîn só͘-ū ê ōe liáu-āu, chiū kā hiahê ōe kóng hō͘ Siōng-chú thiaⁿ. | 註釋 串珠 盧俊義 盧華 盧導讀台 |
| 8:22 | Siōng-chú tùi Sa-mu-el kóng, " Lí tio̍h chun-thàn in ê ōe, kā in siat-li̍p chi̍t-ê ông. " Sa-mu-el kā I-su-la-el lâng kóng, " Lín ta̍k-ê lóng tńg-khì kakī ê siâⁿ! " | 註釋 串珠 盧俊義 盧華 盧導讀台 |