| 章節 | 全民台語聖經全羅經文 | 註釋 |
| 11:1 | Sàu-lô Phah-iâⁿ Am-móng LângAm-móng lâng Na-ha-si lâi-kàu Gi-lia̍t ê Ia-be-si, chat iâⁿ beh kā i kong-kek. Ia-be-si ê kûn-chiòng kā Na-ha-si kóng, " Lí kah goán li̍p-iok, goán chiū ē ho̍k-sāi lí. " | 註釋 串珠 盧俊義 盧華 盧導讀台 |
| 11:2 | Am-móng lâng Na-ha-si ùn kóng, " Góa kah lín li̍p-iok, tio̍h ánne, to̍h-sī iah lín kûn-chiòng ê chiàⁿ ba̍k, góa thang ēng chit-ê lâi lêng-jio̍k I-su-la-el lâng. " | 註釋 串珠 盧俊義 盧華 盧導讀台 |
| 11:3 | Ia-be-si ê tiúⁿ-ló kā i kóng, " Kiû lí khoan-iông goán chhit ji̍t, hō͘ goán chhe lâng khì I-su-la-el ê choân kéng; nā bô lâng kiù goán, goán chiū chhut-lâi chiū lí. " | 註釋 串珠 盧俊義 盧華 盧導讀台 |
| 11:4 | Só͘ chhe ê lâng lâi-kàu Sàu-lô ê Gi-be-at, kā chiahê ōe kóng hō͘ jîn-bîn thiaⁿ, jîn-bîn chiū lóng khui siaⁿ háu. | 註釋 串珠 盧俊義 盧華 盧導讀台 |
| 11:5 | Sàu-lô tú-hó tùi chhân-.ni̍h kóaⁿ gû tńg-.lâi, Sàu-lô kóng, " Jîn-bîn ūi án-chóaⁿ teh thî-khàu? " In chiū kā Ia-be-si lâng ê ōe kā i kóng. | 註釋 串珠 盧俊義 盧華 盧導讀台 |
| 11:6 | Sàu-lô thiaⁿ tio̍h chiahê ōe, Siōng-tè ê lêng tōa-tōa kā i kám-tōng, i chiū tōa siū-khì. | 註釋 串珠 盧俊義 盧華 盧導讀台 |
| 11:7 | I chiū kā chi̍t tùi gû chhiat-chò chi̍t tè chi̍t tè, kau-tài sù-chiá sàng khì-kàu I-su-la-el ê choân kéng, kóng, " Kiàn-nā bô chhut-lâi kin-tòe Sàu-lô kah Sa-mu-el ê, mā beh ánne khoán-thāi i ê gû. " Siōng-chú hō͘ jîn-bîn khí kiaⁿ, in chiū hô-chê lóng chhut-.lâi. | 註釋 串珠 盧俊義 盧華 盧導讀台 |
| 11:8 | Tī Be-chek tiám-sǹg hiahê lâng, I-su-la-el lâng ū saⁿ-cha̍p bān, Iô-tah lâng ū saⁿ bān. | 註釋 串珠 盧俊義 盧華 盧導讀台 |
| 11:9 | In kā só͘ chhe ê lâng kóng, " Lín tio̍h ánne hôe-hok Gi-lia̍t ê Ia-be-si lâng, kóng: bîn-á-chài chiong-kīn tiong-tàu ê sî, lín ē tit tio̍h chín-kiù. " Só͘ chhe ê lâng tńg-khì kā Ia-be-si lâng kóng, in chiū hoaⁿ-hí. | 註釋 串珠 盧俊義 盧華 盧導讀台 |
| 11:10 | Ia-be-si lâng chiū kā Am-móng lâng kóng, " Bîn-á-chài goán beh chhut-lâi chiū lín, lín thang chhut-chāi ì-sù khoán-thāi goán. " | 註釋 串珠 盧俊義 盧華 盧導讀台 |
| 11:11 | Keh tńg kang, Sàu-lô kā jîn-bîn hun-chò saⁿ tūi, tī gō͘-keⁿ-chá ê sî, ji̍p-khì Am-móng lâng ê kun-iâⁿ, kā in phah-sí kàu ji̍t beh tàu, só͘ chhun lo̍h-.lâi ê lâng lóng cháu sì-sòaⁿ, bô nn̄g-ê lâng chò-hóe tòa chi̍t ūi. | 註釋 串珠 盧俊義 盧華 盧導讀台 |
| 11:12 | Jîn-bîn kā Sa-mu-el kóng, " Hitê kóng, ' Sàu-lô kám ē koán-hat lán ê ' sī siáⁿ lâng? Tio̍h lia̍h hiahê lâng chhut-.lâi, goán beh kā i thâi-sí. " | 註釋 串珠 盧俊義 盧華 盧導讀台 |
| 11:13 | Sàu-lô kóng, " Kin-á-ji̍t, chi̍t-ê lâng mā m̄ thang thâi-sí, in-ūi kin-á-ji̍t Siōng-chú chín-kiù I-su-la-el. " | 註釋 串珠 盧俊義 盧華 盧導讀台 |
| 11:14 | Sa-mu-el kā jîn-bîn kóng, " Lâi, lán lâi-khì Gil-gal, tī hia koh-chài lâi tiông-kiàn li̍p kok. " | 註釋 串珠 盧俊義 盧華 盧導讀台 |
| 11:15 | Jîn-bîn chiū khì Gil-gal, tī Gil-gal tng Siōng-chú ê bīn-chêng siat-li̍p Sàu-lô chò ông, in tī hia hiàn siā-un-chè tī Siōng-chú ê bīn-chêng. Sàu-lô kah I-su-la-el jîn-bîn tōa-tōa hoaⁿ-hí. | 註釋 串珠 盧俊義 盧華 盧導讀台 |