| 章節 | 全民台語聖經全羅經文 | 註釋 |
| 19:1 | Sàu-lô Pek-hāi Ta-bi̍tSàu-lô tùi i ê kiáⁿ Io-ná-than kah chèng jîn-sîn kóng, tio̍h thâi-sí Ta-bi̍t; chóng-.sī, Sàu-lô ê kiáⁿ Io-ná-than put-chí kah-ì Ta-bi̍t. | 註釋 串珠 盧俊義 盧華 盧導讀台 |
| 19:2 | Io-ná-than kā Ta-bi̍t kóng, " Góa ê lāu-pē Sàu-lô siūⁿ beh thâi lí, só͘-í, bîn-á chá-khí lí tio̍h sió-sim, kàu chi̍t-ê phian-phiah ê só͘-chāi, kakī bih khí-.lâi. | 註釋 串珠 盧俊義 盧華 盧導讀台 |
| 19:3 | Góa ē khì lí só͘ bih ê chhân, khiā tī góa ê lāu-pē sin piⁿ. Góa kah góa ê lāu-pē gī-lūn lí ê tāichì, góa só͘ khòaⁿ-.tio̍h ê góa ē kā lí kóng. " | 註釋 串珠 盧俊義 盧華 盧導讀台 |
| 19:4 | Io-ná-than tùi i ê lāu-pē Sàu-lô lūn Ta-bi̍t, thè i kóng hó ōe, kóng, " Ông m̄ thang tek-chōe lí ê lô͘-po̍k — Ta-bi̍t, in-ūi i m̄ bat tek-chōe lí, i tùi lí só͘ kiâⁿ ê lóng sī hó. | 註釋 串珠 盧俊義 盧華 盧導讀台 |
| 19:5 | In-ūi i bat piàⁿ-miā thâi-sí hit-ê Hui-lī-sū lâng, Siōng-chú ūi I-su-la-el jîn-bîn tōa kiâⁿ chín-kiù. Hit sî, lí khòaⁿ-.tio̍h, put-chí hoaⁿ-hí, taⁿ ná ē bô-iân bô-kò͘ beh thâi-sí Ta-bi̍t, lâu bô chōe ê lâng ê hoeh lâi hoān chōe? " | 註釋 串珠 盧俊義 盧華 盧導讀台 |
| 19:6 | Sàu-lô thiaⁿ Io-ná-than ê ōe, Sàu-lô kí Siōng-chú ê oa̍h-miā lâi chiùchōa kóng, " Góa bô beh hō͘ i sí. " | 註釋 串珠 盧俊義 盧華 盧導讀台 |
| 19:7 | Io-ná-than kiò Ta-bi̍t lâi, Io-ná-than kā só͘-ū ê ōe tùi i kóng. Io-ná-than chhōa Ta-bi̍t khì kìⁿ Sàu-lô, i iû-goân khiā tī Sàu-lô ê bīn-chêng. | 註釋 串珠 盧俊義 盧華 盧導讀台 |
| 19:8 | Í-āu koh ū kau-chiàn, Ta-bi̍t chhut-khì kah Hui-lī-sū lâng kau-chiàn, tōa-tōa kā in thâi-sí, in chiū tī i ê bīn-chêng tô-cháu. | 註釋 串珠 盧俊義 盧華 盧導讀台 |
| 19:9 | Sàu-lô chē tī chhù lāi, chhiú gia̍h chhiuⁿ. Hit sî, tùi Siōng-chú hia lâi ê pháiⁿ sîn koh lîm-kàu i, Ta-bi̍t chiū ēng chhiú tôaⁿ khîm. | 註釋 串珠 盧俊義 盧華 盧導讀台 |
| 19:10 | Sàu-lô beh ēng chhiuⁿ chha̍k Ta-bi̍t, kā i tèng tī piah-.ni̍h ; i chiū tùi Sàu-lô ê bīn-chêng siám-khui, hit ki chhiuⁿ chha̍k ji̍p-khì piah-.ni̍h. Hit mê, Ta-bi̍t chiū cháu, lâi siám-phiah i. | 註釋 串珠 盧俊義 盧華 盧導讀台 |
| 19:11 | Sàu-lô chhe lâng kàu Ta-bi̍t ê chhù kò͘-siú i, thèng-hāu thiⁿ-kng beh kā i thâi. Ta-bi̍t ê bó͘ Mi-kal tùi i kóng, " Lí kim-mê nā bô tô-miā, bîn-á-chài lí ē siū thâi. " | 註釋 串珠 盧俊義 盧華 盧導讀台 |
| 19:12 | Mi-kal chiū tùi thang-á kā Ta-bi̍t tūi lo̍h-.khì, i chiū cháu-.khì, lâi siám-phiah Sàu-lô. | 註釋 串珠 盧俊義 盧華 盧導讀台 |
| 19:13 | Mi-kal ēng chhù lāi ê ngó͘-siōng hē tī bîn-chhn̂g, thâu-khak khòa tī soaⁿ-iûⁿ mn̂g ê chím-thâu, ēng phōe khàm-.leh. | 註釋 串珠 盧俊義 盧華 盧導讀台 |
| 19:14 | Sàu-lô chhe lâng khì lia̍h Ta-bi̍t, Mi-kal kóng, " I phòa-pēⁿ. " | 註釋 串珠 盧俊義 盧華 盧導讀台 |
| 19:15 | Sàu-lô koh chhe lâng khì khòaⁿ Ta-bi̍t, kóng, " Liân bîn-chhn̂g kng lâi góa chia, góa thang kā i thâi-sí. " | 註釋 串珠 盧俊義 盧華 盧導讀台 |
| 19:16 | Sù-chiá ji̍p-.khì, khòaⁿ tio̍h chhn̂g-.ni̍h ū ngó͘-siōng, thâu-khak khòa tī soaⁿ-iûⁿ mn̂g ê chím-thâu. | 註釋 串珠 盧俊義 盧華 盧導讀台 |
| 19:17 | Sàu-lô tùi Mi-kal kóng, " Lí ná ē ánne phiàn góa, pàng góa ê tùi-te̍k tô-cháu? " Mi-kal ìn kóng, " I kā góa kóng, ' Lí pàng góa-.khì, nā bô, kám tio̍h góa lâi thâi-sí lí? '" | 註釋 串珠 盧俊義 盧華 盧導讀台 |
| 19:18 | Ta-bi̍t cháu-.khì, tô-siám khì-kàu La̍h-má, kìⁿ Sa-mu-el, kā Sàu-lô tùi i só͘ kiâⁿ ê tāichì, lóng kā i kóng. I kah Sa-mu-el chiū khì Na-iot tòa. | 註釋 串珠 盧俊義 盧華 盧導讀台 |
| 19:19 | Ū lâng kā Sàu-lô kóng, lí khòaⁿ, Ta-bi̍t tī La̍h-má ê Na-iot. | 註釋 串珠 盧俊義 盧華 盧導讀台 |
| 19:20 | Sàu-lô chhe sù-chiá khì lia̍h Ta-bi̍t, in khòaⁿ tio̍h chi̍t tīn sian-ti teh kóng sian-ti ōe, koh ū Sa-mu-el khiā tī in tiong-kan kàm-tok in; Siōng-tè ê Sèng Sîn lîm-kàu Sàu-lô ê sù-chiá, in mā kóng sian-ti ōe. | 註釋 串珠 盧俊義 盧華 盧導讀台 |
| 19:21 | Ū lâng kā chit-ê tāichì tùi Sàu-lô kóng, i chiū chhe pa̍t-ê sù-chiá khì, in mā kóng sian-ti ōe. Sàu-lô tē-saⁿ pái chhe sù-chiá khì, in mā kóng sian-ti ōe. | 註釋 串珠 盧俊義 盧華 盧導讀台 |
| 19:22 | Āu-lâi, i pún-sin mā khì La̍h-má, kàu Se-ko͘ ê tōa chéⁿ hia, mn̄g lâng kóng, " Sa-mu-el kah Ta-bi̍t tī tó-ūi? " Ū lâng kā i kóng, " Lí khòaⁿ, tī La̍h-má ê Na-iot. " | 註釋 串珠 盧俊義 盧華 盧導讀台 |
| 19:23 | I chiū khì La̍h-má ê Na-iot, Siōng-tè ê Sèng Sîn mā koh lîm-kàu i, i ná kiâⁿ ná-kóng sian-ti ōe, it-ti̍t kàu La̍h-má ê Na-iot. | 註釋 串珠 盧俊義 盧華 盧導讀台 |
| 19:24 | I chiū thǹg saⁿ, tī Sa-mu-el ê bīn-chêng kóng sian-ti ōe, kui ji̍t kui mê thǹgpaktheh tó-.leh. Chiū ánne lâng teh kóng, " Sàu-lô kám mā lia̍t tī sian-ti tiong? " | 註釋 串珠 盧俊義 盧華 盧導讀台 |