| 章節 | 全民台語聖經全羅經文 | 註釋 |
| 22:1 | Chân-sat Chè-siTa-bi̍t chiū lī-khui hia, cháu kàu A-tu-lâm ê tōng. I ê hiaⁿ-tī kah i ê lāu-pē choân ke thiaⁿ-.tio̍h, chiū lóng lo̍h-khì kàu i hia. | 註釋 串珠 盧俊義 盧華 盧導讀台 |
| 22:2 | Kiàn-nā pek-hāi ê, khiàm-chè ê, sim-lāi ut-chut ê, lóng chū-chi̍p kàu i hia; Ta-bi̍t chiū chò in ê thâu, óa i ê chha-put-to ū sì pah lâng. | 註釋 串珠 盧俊義 盧華 盧導讀台 |
| 22:3 | Ta-bi̍t tùi hia khì Mô͘-ap ê Mi-su-peh, kā Mô͘-ap ông kóng, " Kiû lí iông-ín góa ê lāu-pē kah góa ê lāu-bú chhut-.lâi, tiàm lín chia tòa, thèng-hāu kàu góa bêng-pe̍k Siōng-chú ē kā góa án-chóaⁿ kiâⁿ. " | 註釋 串珠 盧俊義 盧華 盧導讀台 |
| 22:4 | I chhōa in kàu Mô͘-ap ông ê bīn-chêng. Ta-bi̍t tòa tī soaⁿ-chē ê sî-chūn, i ê pē-bú mā tòa tī Mô͘-ap ông hia. | 註釋 串珠 盧俊義 盧華 盧導讀台 |
| 22:5 | Sian-ti Ga̍t kā Ta-bi̍t kóng, " Lí m̄ thang tòa tī siâⁿ-pó, tio̍h khì Iô-tah tē. " Ta-bi̍t chiū lī-khui hia, khì-kàu Hap-lia̍t ê chhiū-nâ. | 註釋 串珠 盧俊義 盧華 盧導讀台 |
| 22:6 | Sàu-lô Chân-sat Chè-siSàu-lô tī Gi-be-at ê La̍h-má, chē tī sûi-si-liú ê chhiū kha, chhiú-.ni̍h gia̍h chhiuⁿ, chèng jîn-sîn ûi tī i ê chó-iū. Sàu-lô thiaⁿ tio̍h kóng Ta-bi̍t kah tòe ê lâng hō͘ lâng tú-.tio̍h, | 註釋 串珠 盧俊義 盧華 盧導讀台 |
| 22:7 | I chiū kā ûi i ê jîn-sîn kóng, " Biān-iá-mín lâng, lín tio̍h thiaⁿ, I-é-sái ê kiáⁿ kám ē kā chhân kah phû-tô hn̂g hō͘ lín ta̍k lâng? Kám ē siat-li̍p lín ta̍k lâng chò iâⁿ-tiúⁿ, liân-tiúⁿ? | 註釋 串珠 盧俊義 盧華 盧導讀台 |
| 22:8 | Lín kèng-jiân chò-hóe kè-bô͘ kong-kek góa! Góa ê kiáⁿ bat kah I-é-sái ê kiáⁿ kiat iok, bô lâng pò góa chai; lín tiong-kan bô chi̍t-ê lâng khó-liân góa; góa ê kiáⁿ siàn-tōng góa ê jîn-sîn kong-kek góa, tng-tán góa, chhin-chhiūⁿ kin-á-ji̍t ê khoán, lín lóng bô pò góa chai. " | 註釋 串珠 盧俊義 盧華 盧導讀台 |
| 22:9 | Hit sî, E-tóm lâng To-ek khiā tī Sàu-lô jîn-sîn ê tiong-kan, kā i kóng, " Góa bat khòaⁿ tio̍h I-é-sái ê kiáⁿ khì-kàu Νo͘p, lâi-kàu A-hi-top ê kiáⁿ A-hi-mé-le̍k hia. | 註釋 串珠 盧俊義 盧華 盧導讀台 |
| 22:10 | A-hi-mé-le̍k thè i mn̄g Siōng-chú, koh hō͘ i chia̍h-mi̍h, mā ēng Hui-lī-sū lâng Go-lī-at ê to hō͘ i. " | 註釋 串珠 盧俊義 盧華 盧導讀台 |
| 22:11 | Ông chiū chhe lâng khì tiàu A-hi-top ê kiáⁿ, chè-si A-hi-mé-le̍k kah i lāu-pē choân ke, to̍h-sī tòa tī Νo͘p hiahê chè-si, in chiū lóng lâi ông hia. | 註釋 串珠 盧俊義 盧華 盧導讀台 |
| 22:12 | Sàu-lô kóng, " A-hi-top ê kiáⁿ, lí tio̍h thiaⁿ. " A-hi-mé-le̍k ìn kóng, " Góa ê chú, góa tī chia. " | 註釋 串珠 盧俊義 盧華 盧導讀台 |
| 22:13 | Sàu-lô kā i kóng, " Lín án-chóaⁿ kah I-é-sái ê kiáⁿ kè-bô͘ beh lâi kong-kek góa? Lí kèng-jiân kā piáⁿ kah to hō͘ i, koh thè i mn̄g Siōng-chú, hō͘ i khí-lâi kong-kek góa, tng-tán góa, chhin-chhiūⁿ kin-á-ji̍t ê khoán? " | 註釋 串珠 盧俊義 盧華 盧導讀台 |
| 22:14 | A-hi-mé-le̍k ìn ông kóng, " Lí ê jîn-sîn tiong-kan, siáⁿ lâng ē pí-tit Ta-bi̍t ê chīn-tiong? I sī ông ê kiáⁿ-sài, koh chò lí ê chham-bô͘, mā tī lí ê chhù lāi sī chun-kùi ê. | 註釋 串珠 盧俊義 盧華 盧導讀台 |
| 22:15 | Góa kám sī tùi kin-á-ji̍t chiah thè i mn̄g Siōng-chú? Góa choa̍t-tùi bô hit khoán ì-sù, chhiáⁿ ông m̄ thang kā siáⁿ-mi̍h kui tī lô͘-po̍k kah góa ê lāu-pē choân ke, in-ūi chiahê só͘-ū ê tāichì, bô-lūn tōa-sè, lí ê lô͘-po̍k lóng m̄-chai. " | 註釋 串珠 盧俊義 盧華 盧導讀台 |
| 22:16 | Ông kóng, " A-hi-mé-le̍k, lí kah lí ê lāu-pē choân ke lóng it-tēng tio̍h sí. " | 註釋 串珠 盧俊義 盧華 盧導讀台 |
| 22:17 | Ông bēng-lēng chó-iū ê sī-ōe kóng, " Lín oa̍t tńg-khì thâi Siōng-chú ê chè-si, in-ūi in mā pang-chān Ta-bi̍t, koh in-ūi in chai Ta-bi̍t tô-cháu, kèng-jiân bô pò góa chai. " Chóng-.sī, ông ê jîn-sîn m̄-khéng chhun chhiú phah-sí Siōng-chú ê chè-si. | 註釋 串珠 盧俊義 盧華 盧導讀台 |
| 22:18 | Ông kā To-ek kóng, " Lí oa̍t tńg-khì phah hiahê chè-si. " E-tóm lâng To-ek chiū oa̍t tńg-khì phah chè-si, hit ji̍t, thâi-sí chhēng iù-tē pò͘ ê chè-si peh-cha̍p-gō͘ lâng. | 註釋 串珠 盧俊義 盧華 盧導讀台 |
| 22:19 | Koh ēng to phah chè-si ê siâⁿ — Νo͘p kî-tiong ê lâm-lí, gín'á, chia̍h leng ê eⁿ-á kah gû, lî, iûⁿ, lóng ēng to thâi-sí. | 註釋 串珠 盧俊義 盧華 盧導讀台 |
| 22:20 | A-hi-top ê kiáⁿ A-hi-mé-le̍k ū chi̍t-ê kiáⁿ, miâ kiò-chò A-bi-a-thal, thoat-lī cháu-khì tòe Ta-bi̍t. | 註釋 串珠 盧俊義 盧華 盧導讀台 |
| 22:21 | A-bi-a-thal kā Ta-bi̍t kóng, " Sàu-lô ū thâi-sí Siōng-chú ê chè-si. " | 註釋 串珠 盧俊義 盧華 盧導讀台 |
| 22:22 | Ta-bi̍t kā A-bi-a-thal kóng, " Hit ji̍t, E-tóm lâng To-ek tī hia, góa chai i it-tēng ē kā Sàu-lô kóng. Lí ê lāu-pē choân ke sit-lo̍h sèⁿ-miā, lóng sī in-ūi góa ê iân-kò͘. | 註釋 串珠 盧俊義 盧華 盧導讀台 |
| 22:23 | Lí tio̍h kah góa tòa, m̄-bián kiaⁿ, in-ūi siàu-siūⁿ góa ê sèⁿ-miā ê to̍h-sī siàu-siūⁿ lí ê sèⁿ-miā; lí kah góa tòa, ē tit tio̍h pó-choân. " | 註釋 串珠 盧俊義 盧華 盧導讀台 |