| 章節 | 全民台語聖經全羅經文 | 註釋 |
| 24:1 | Ta-bi̍t Bô beh Siong-hāi Sàu-lôSàu-lô jiok Hui-lī-sū lâng tńg-.lâi ê sî, ū lâng kā i kóng, " Lí khòaⁿ, Ta-bi̍t tòa tī Ian-ge-tih ê khòng-iá. " | 註釋 串珠 盧俊義 盧華 盧導讀台 |
| 24:2 | Sàu-lô chiū chhōa tùi I-su-la-el tiong kéng-soán ê peng saⁿ chheng, khì chhōe Ta-bi̍t kah tòe i ê lâng, khì-kàu " Iá-soaⁿ-iûⁿ ê chio̍h-pôaⁿ ". | 註釋 串珠 盧俊義 盧華 盧導讀台 |
| 24:3 | Lâi-kàu lō͘ piⁿ ê iûⁿ-tiâu, tī hia ū tōng, Sàu-lô ji̍p-khì beh tāi-piān. Ta-bi̍t kah tòe i ê lâng bih tī tōng lāi khah chhim ê só͘-chāi. | 註釋 串珠 盧俊義 盧華 盧導讀台 |
| 24:4 | Kin-tòe Ta-bi̍t ê lâng kā i kóng, " Siōng-chú bat kā lí kóng, ' Góa beh kā lí ê tùi-te̍k kau tī lí ê chhiú tiong, chiàu lí só͘ khòaⁿ-chò hó ê kā i khoán-thāi. ' Lí khòaⁿ, hit-ê ji̍t kàu à! " Ta-bi̍t chiū khí-.lâi, thau-thau-á koah Sàu-lô gōa-ho̍k ê saⁿ-á-ki. | 註釋 串珠 盧俊義 盧華 盧導讀台 |
| 24:5 | Āu-lâi, Ta-bi̍t sim-lāi kakī chek-pī, in-ūi i koah Sàu-lô ê saⁿ-á-ki. | 註釋 串珠 盧俊義 盧華 盧導讀台 |
| 24:6 | Chiū tùi tòe i ê lâng kóng, " Goān Siōng-chú kìm-chí góa tùi góa ê chì-koân Siōng-chú só͘ boah iû ê kiâⁿ chit-ê tāichì, chhut-chhiú lâi kā i kong-kek, in-ūi i sī Siōng-chú só͘ boah iû ê. " | 註釋 串珠 盧俊義 盧華 盧導讀台 |
| 24:7 | Ta-bi̍t ēng chiahê ōe chó͘-chí tòe i ê lâng, m̄-chún in khí-lâi kong-kek Sàu-lô. Sàu-lô khí-.lâi, tùi tōng lāi chhut-.khì, chiàu ánne kiâⁿ i ê lō͘. | 註釋 串珠 盧俊義 盧華 盧導讀台 |
| 24:8 | Āu-lâi, Ta-bi̍t mā khí-.lâi, tùi tōng lāi chhut-.khì, tī Sàu-lô ê āu-bīn tōa-siaⁿ hoah, " Góa ê chú, góa ê ông. " Sàu-lô oa̍t thâu khòaⁿ, Ta-bi̍t chiū khut-sin phak tī thô͘-kha pài. | 註釋 串珠 盧俊義 盧華 盧導讀台 |
| 24:9 | Ta-bi̍t tùi Sàu-lô kóng, " Lí ná ē thiaⁿ lâng ê ōe, kóng Ta-bi̍t siūⁿ beh hāi lí? | 註釋 串珠 盧俊義 盧華 盧導讀台 |
| 24:10 | Kin-á-ji̍t, lí chhin-ba̍k khòaⁿ-.tio̍h, kin-á-ji̍t lí tī tōng lāi, Siōng-chú kā lí kau tī góa ê chhiú. Ū lâng kiò góa thâi lí, chóng-.sī, góa thiàⁿ-sioh lí, góa kóng, ' Góa bô beh chhun chhiú hāi-sí góa ê chú, in-ūi i sī Siōng-chú só͘ boah iû ê. ' | 註釋 串珠 盧俊義 盧華 盧導讀台 |
| 24:11 | Góa ê pē, lí khòaⁿ chi̍t-.ē, khòaⁿ lí gōa-ho̍k ê saⁿ-á-ki tī góa ê chhiú. Góa koah lí ê gōa-ho̍k saⁿ-á-ki, bô thâi lí; chiū ánne lí thang khòaⁿ-chhut, chiū chai góa ê chhiú bô chò siáⁿ-mi̍h pháiⁿ, bô pōe-ge̍k lí. Góa m̄ bat tek-chōe lí, chóng-.sī, lí chhin-chhiūⁿ phah-la̍h teh siàu-siūⁿ góa ê sèⁿ-miā. | 註釋 串珠 盧俊義 盧華 盧導讀台 |
| 24:12 | Goān Siōng-chú tī lí kah góa ê tiong-kan phòaⁿ-toàn, Siōng-chú ē tī lí ê sin chiūⁿ kā góa sin-oan, chóng-.sī, góa ê chhiú bô beh hāi lí. | 註釋 串珠 盧俊義 盧華 盧導讀台 |
| 24:13 | Chhin-chhiūⁿ kó͘-chá lâng ū chi̍t kù sio̍k-gí kóng, " Pháiⁿ sū tùi pháiⁿ lâng chhut." Chóng-.sī, góa ê chhiú bô kā lí kāng tio̍h. | 註釋 串珠 盧俊義 盧華 盧導讀台 |
| 24:14 | I-su-la-el ông chhut-lâi beh chhōe siáⁿ lâng? Lí jiok siáⁿ lâng? Chí-put-kò sī teh chhōe chi̍t chiah sí-káu, chi̍t chiah ka-cháu. | 註釋 串珠 盧俊義 盧華 盧導讀台 |
| 24:15 | Só͘-í, goān Siōng-chú chò sím-phòaⁿ-koaⁿ, tī lí kah góa ê tiong-kan chò phòaⁿ-toàn, koh kàm-chhat lâi piān-hō͘ góa ê àn-kiāⁿ, kiù góa thoat-chhut lí ê chhiú. " | 註釋 串珠 盧俊義 盧華 盧導讀台 |
| 24:16 | Ta-bi̍t kā chiahê ōe tùi Sàu-lô kóng soah, Sàu-lô kóng, " Góa ê kiáⁿ Ta-bi̍t, che sī lí ê siaⁿ? " Sàu-lô chiū chhut siaⁿ thî-khàu, | 註釋 串珠 盧俊義 盧華 盧導讀台 |
| 24:17 | kā Ta-bi̍t kóng, " Lí pí góa khah kong-gī, in-ūi lí ēng hó pò góa, chóng-.sī, góa ēng pháiⁿ pò lí. | 註釋 串珠 盧俊義 盧華 盧導讀台 |
| 24:18 | Lí kin-á-ji̍t sī piáu-bêng ēng hó khoán-thāi góa, in-ūi Siōng-chú kā góa kau tī lí ê chhiú tiong, chóng-.sī, lí bô kā góa thâi-sí. | 註釋 串珠 盧俊義 盧華 盧導讀台 |
| 24:19 | Lâng nā tú tio̍h i ê tùi-te̍k, kám ū pàng i pêng-an khì? Goān Siōng-chú in-ūi lí kin-á-ji̍t tùi góa só͘ kiâⁿ ê, ēng hó pò lí. | 註釋 串珠 盧俊義 盧華 盧導讀台 |
| 24:20 | Lí khòaⁿ, taⁿ góa chai lí it-tēng ē chò ông, I-su-la-el kok ē tī lí ê chhiú tiong kian-kò͘ khí-.lâi. | 註釋 串珠 盧俊義 盧華 盧導讀台 |
| 24:21 | Taⁿ lí tio̍h kí Siōng-chú tùi góa chiùchōa, góa kòe-sin liáu-āu, bô chián-tû góa ê kiáⁿ-sun, tī góa ê pē ê ke bô bia̍t-bông góa ê miâ. " | 註釋 串珠 盧俊義 盧華 盧導讀台 |
| 24:22 | Ta-bi̍t chiū ǹg Sàu-lô chiùchōa. Sàu-lô chiū tńg-khì i ê chhù, Ta-bi̍t kah tòe i ê lâng chiūⁿ-khì siâⁿ-pó. | 註釋 串珠 盧俊義 盧華 盧導讀台 |