章節 | 全民台語聖經全羅經文 | 註釋 |
26:1 | Ta-bi̍t Koh-chài Bô Thâi Sàu-lôJi-hu lâng kàu Gi-be-at lâi kìⁿ Sàu-lô, kóng, " Ta-bi̍t kám m̄-sī kakī bih tī Iâ-sī-bûn thâu-chêng ê Hap-ki-la̍h soaⁿ? " | 註釋 串珠 盧俊義 盧華 盧導讀台 |
26:2 | Sàu-lô chiū khí-.lâi, chhōa I-su-la-el tiong kéng-soán ê peng saⁿ chheng, lo̍h-khì kàu Ji-hu ê khòng-iá, beh tī Ji-hu ê khòng-iá chhōe Ta-bi̍t. | 註釋 串珠 盧俊義 盧華 盧導讀台 |
26:3 | Sàu-lô tī Iâ-sī-bûn thâu-chêng ê Hap-ki-la̍h soaⁿ, chat iâⁿ tī lō͘-.ni̍h. Ta-bi̍t tòa tī khòng-iá, chai-iáⁿ Sàu-lô lâi khòng-iá beh jiok i. | 註釋 串珠 盧俊義 盧華 盧導讀台 |
26:4 | Ta-bi̍t chiū chhe kúi-nā-ê cheng-thàm, chiah chai Sàu-lô chin-chiàⁿ lâi. | 註釋 串珠 盧俊義 盧華 盧導讀台 |
26:5 | Ta-bi̍t chiū khí-.lâi, lâi-kàu Sàu-lô chat iâⁿ ê só͘-chāi, Ta-bi̍t khòaⁿ tio̍h Sàu-lô kah i ê kun-tiúⁿ Ne-l ê kiáⁿ Ap-nel khùn ê só͘-chāi, Sàu-lô khùn tī pâi-lia̍t chhia ê lāi-bīn, jîn-bîn chat iâⁿ tī i ê sì-kho͘-ûi. | 註釋 串珠 盧俊義 盧華 盧導讀台 |
26:6 | Ta-bi̍t tùi Hiat lâng A-hi-mé-le̍k kah Che-lú-iah ê kiáⁿ Io-ap ê hiaⁿ-tī A-bi-sai kóng, " Siáⁿ lâng beh kah góa lo̍h-.khì, kàu iâⁿ-pâng, kàu Sàu-lô hia? " A-bi-sai kóng, " Góa kah lí lo̍h-.khì. " | 註釋 串珠 盧俊義 盧華 盧導讀台 |
26:7 | Ta-bi̍t kah A-bi-sai thàu-mê lâi-kàu jîn-bîn hia, khòaⁿ tio̍h Sàu-lô tó tī pâi-lia̍t chhia ê lāi-bīn teh khùn; i ê chhiuⁿ tī thâu-khak piⁿ, chhah tī tē-.ni̍h. Ap-nel kah jîn-bîn khùn tī i ê sì-kho͘-ûi. | 註釋 串珠 盧俊義 盧華 盧導讀台 |
26:8 | A-bi-sai kā Ta-bi̍t kóng, " Siōng-chú kin-á-ji̍t kā lí ê tùi-te̍k kau tī lí ê chhiú tiong, kiû lí chún góa ēng chhiuⁿ kā i chha̍k tī tē-.ni̍h, chha̍k chi̍t ē, m̄-bián nn̄g ē. " | 註釋 串珠 盧俊義 盧華 盧導讀台 |
26:9 | Ta-bi̍t kā A-bi-sai kóng, " M̄-thang kā i hāi-sí, siáⁿ lâng khí chhiú hāi Siōng-chú só͘ boah iû ê ē bô chōe? " | 註釋 串珠 盧俊義 盧華 盧導讀台 |
26:10 | Ta-bi̍t koh kóng, " Góa kí éng-oán oa̍h ê Siōng-chú lâi chiùchōa, Siōng-chú ē kā i phah, kiámchhái i ê sí ji̍t beh kàu, á-.sī i ē lo̍h chiàn-tīn lâi sí. | 註釋 串珠 盧俊義 盧華 盧導讀台 |
26:11 | Góa tùi Siōng-chú choa̍t-tùi m̄-káⁿ khí chhiú phah Siōng-chú só͘ boah iû ê, taⁿ lí thang kā i chhú thâu-khak piⁿ ê chhiuⁿ kah chúi-pân, lán thang the̍h lâi-.khì. " | 註釋 串珠 盧俊義 盧華 盧導讀台 |
26:12 | Ta-bi̍t tùi Sàu-lô ê thâu-khak piⁿ kā i chhú chhiuⁿ kah chúi-pân, nn̄g lâng chiū khì, bô lâng khòaⁿ-.tio̍h, bô lâng chai, mā bô lâng chhéⁿ, sī in lóng teh khùn, in-ūi Siōng-chú hō͘ in khùn tāng-bîn. | 註釋 串珠 盧俊義 盧華 盧導讀台 |
26:13 | Ta-bi̍t kòe-khì-kàu hit pêng, hn̄g-hn̄g khiā tī soaⁿ téng kah in sio-lī put-chí hn̄g. | 註釋 串珠 盧俊義 盧華 盧導讀台 |
26:14 | Ta-bi̍t kiò jîn-bîn kah Ne-l ê kiáⁿ Ap-nel, kóng, " Ap-nel, lí ná ē bô ìn? " Ap-nel kóng, " Lí sī siáⁿ lâng teh kiò ông? " | 註釋 串珠 盧俊義 盧華 盧導讀台 |
26:15 | Ta-bi̍t tùi Ap-nel kóng, " Lí kám m̄-sī chi̍t-ê ióng-sū? I-su-la-el tiong siáⁿ lâng ē pí-tit lí? Lí ná ē bô pó-hō͘ lí ê chú — lí ê ông? In-ūi jîn-bîn tiong ū chi̍t-ê lâng ji̍p-khì beh hāi lí ê ông — lí ê chú. | 註釋 串珠 盧俊義 盧華 盧導讀台 |
26:16 | Lí chit khoán ê só͘ chò sī m̄-hó! Góa kí éng-oán oa̍h ê Siōng-chú chiùchōa, lín lóng sī kai sí ê, in-ūi bô pó-hō͘ lín ê chú, to̍h-sī Siōng-chú só͘ boah iû ê. Taⁿ, lí khòaⁿ, ông ê thâu-khak piⁿ ê chhiuⁿ kah chúi-pân tī tó-ūi? " | 註釋 串珠 盧俊義 盧華 盧導讀台 |
26:17 | Sàu-lô jīn-tit sī Ta-bi̍t ê siaⁿ, chiū kóng, " Góa ê kiáⁿ Ta-bi̍t, che sī lí ê siaⁿ? " Ta-bi̍t kóng, " Ông — góa ê chú, sī góa ê siaⁿ. " | 註釋 串珠 盧俊義 盧華 盧導讀台 |
26:18 | Koh kóng, " Góa ê chú ná ē beh jiok lô͘-po̍k? Góa kám ū chò siáⁿ-mi̍h m̄ tio̍h? Góa ê chhiú ū siáⁿ-mi̍h pháiⁿ? | 註釋 串珠 盧俊義 盧華 盧導讀台 |
26:19 | Góa ê ông, góa ê chú, taⁿ kiû lí thiaⁿ lô͘-po̍k ê ōe, nā-sī Siōng-chú kek-tōng lí kong-kek góa, goān I kàm-la̍p chè-mi̍h; nā-sī lâng kek-tōng lí, goān in tī Siōng-chú ê bīn-chêng siū chiù-chó͘, in-ūi in kin-á-ji̍t kóaⁿ góa chhut-.lâi, hō͘ góa tī Siōng-chú ê sán-gia̍p bô hūn, kóng, ' Lí khì ho̍k-sāi pa̍t-ê sîn-bêng! ' | 註釋 串珠 盧俊義 盧華 盧導讀台 |
26:20 | Taⁿ m̄ thang hō͘ góa ê hoeh lâu tī lī-khui Siōng-chú ê bīn-chêng ê tē, in-ūi I-su-la-el ông chhut-.lâi, sī teh chhōe chi̍t chiah ka-cháu, chhin-chhiūⁿ lâng tī soaⁿ-.ni̍h jiok chi̍t chiah chià-ko͘. " | 註釋 串珠 盧俊義 盧華 盧導讀台 |
26:21 | Sàu-lô kóng, " Góa ū chōe à! Góa ê kiáⁿ Ta-bi̍t, lí thang tńg-.lâi, góa bô beh koh hāi lí, in-ūi lí kin-á-ji̍t khòaⁿ góa ê sèⁿ-miā chò pó-pòe. Lí khòaⁿ, góa só͘ chò ê sī chin gōng, chhò-gō͘ kàu-ke̍k. " | 註釋 串珠 盧俊義 盧華 盧導讀台 |
26:22 | Ta-bi̍t ìn kóng, " Góa ê ông, lí ê chhiuⁿ tī chia, lí tio̍h kiò chi̍t-ê siàu-liân lâng kòe-lâi gia̍h. | 註釋 串珠 盧俊義 盧華 盧導讀台 |
26:23 | Siōng-chú ē chiàu ta̍k lâng ê kong-gī kah tiong-sìn lâi kā i pò-tap, in-ūi kin-á-ji̍t Siōng-chú kā lí kau tī góa ê chhiú tiong. Chóng-.sī, góa m̄-khéng chhun chhiú lâi hāi Siōng-chú só͘ boah iû ê. | 註釋 串珠 盧俊義 盧華 盧導讀台 |
26:24 | Góa kin-á-ji̍t khòaⁿ-tiōng lí ê sèⁿ-miā, goān Siōng-chú mā ánne khòaⁿ-tiōng góa ê sèⁿ-miā, koh kiù góa thoat-lī só͘-ū ê hoān-lān. " | 註釋 串珠 盧俊義 盧華 盧導讀台 |
26:25 | Sàu-lô kā Ta-bi̍t kóng, " Góa ê kiáⁿ Ta-bi̍t, goān lí siū chiok-hok! Lí ē chò-chhut tōa ê tāichì, mā ún-tàng ē khah iâⁿ. " Ta-bi̍t chiū chò i kiâⁿ-.khì. Sàu-lô tńg-khì i ê pún só͘-chāi. | 註釋 串珠 盧俊義 盧華 盧導讀台 |