| 章節 | 全民台語聖經全羅經文 | 註釋 |
| 27:1 | Ta-bi̍t tī Hui-lī-sūTa-bi̍t sim-lāi siūⁿ kóng: Ē ū chi̍t ji̍t, góa sí tī Sàu-lô ê chhiú, put-jû cháu-khì Hui-lī-sū ê tē. Sàu-lô tùi góa chiū choa̍t-bāng, bô koh tī I-su-la-el ê kéng lāi lâi chhōe góa; ánne góa chiū thang thoat-lī i ê chhiú. | 註釋 串珠 盧俊義 盧華 盧導讀台 |
| 27:2 | Ta-bi̍t chiū khí-lâi kah tòe i ê la̍k pah lâng, kòe-khì-kàu Gat ông — Má-gô ê kiáⁿ A-ki-si hia. | 註釋 串珠 盧俊義 盧華 盧導讀台 |
| 27:3 | Ta-bi̍t kah i nn̄g-ê bó͘, to̍h-sī E-chu-le-el lâng A-hi-no-ám, kah bat chò Na-bal ê bó͘ ê Kal-mel lâng A-bi-ga-il, kah tòe Ta-bi̍t ê lâng í-ki̍p ta̍k lâng ê ka-koàn, lóng khì tòa tī Gat ông A-ki-si hia. | 註釋 串珠 盧俊義 盧華 盧導讀台 |
| 27:4 | Ū lâng kā Sàu-lô kóng, " Ta-bi̍t cháu-khì Gat. " Sàu-lô chiū bô koh khì chhōe i. | 註釋 串珠 盧俊義 盧華 盧導讀台 |
| 27:5 | Ta-bi̍t tùi A-ki-si kóng, " Góa nā tī lí ê bīn-chêng tit tio̍h un-tián, kiû lí kā chi̍t-ê soaⁿ-tiûⁿ ê siâⁿ hō͘ góa, góa chiū ū só͘-chāi thang tòa, in-ūi lí ê lô͘-po̍k ná tio̍h kah lí chò-hóe tòa tī kiaⁿ-siâⁿ? " | 註釋 串珠 盧俊義 盧華 盧導讀台 |
| 27:6 | Tng hit ji̍t, A-ki-si chiū kā Chik-lak hō͘ i, in-ūi ánne, Chik-lak sio̍k Iô-tah ông, it-ti̍t kàu kin-á-ji̍t. | 註釋 串珠 盧俊義 盧華 盧導讀台 |
| 27:7 | Ta-bi̍t tòa tī Hui-lī-sū lâng ê tē, chóng-kiōng chi̍t nî koh sì goe̍h-ji̍t. | 註釋 串珠 盧俊義 盧華 盧導讀台 |
| 27:8 | Ta-bi̍t kah tòe i ê lâng chiūⁿ-.khì, chhim-ji̍p-khì cheng-ho̍k Ge-siul lâng, Ge-chel lâng, A-má-le̍k lâng, in-ūi chit kúi cho̍k pêng-sî tòa tī hit só͘-chāi, tùi Siu-l it-ti̍t kàu Ai-gi̍p. | 註釋 串珠 盧俊義 盧華 盧導讀台 |
| 27:9 | Ta-bi̍t phah hit só͘-chāi, bô-lūn lâm-lí bô chi̍t-ê oa̍h, koh chhiúⁿ in ê iûⁿ, gû, lî, lo̍k-tô kah saⁿ-khò͘, jiân-āu tò tńg-lâi kìⁿ A-ki-si. | 註釋 串珠 盧俊義 盧華 盧導讀台 |
| 27:10 | A-ki-si kóng, " Lín kin-á-ji̍t khì chhim-ji̍p cheng-ho̍k siáⁿ-mi̍h tē-hng? " Ta-bi̍t kóng, " Phah Iô-tah ê lâm-hong, E-la-mel lâng ê lâm-hong, Ke-nî lâng ê lâm-hong. " | 註釋 串珠 盧俊義 盧華 盧導讀台 |
| 27:11 | Ta-bi̍t bô lâu kah pòaⁿ-ê lâm-lí oa̍h-.leh chhōa lâi-kàu Gat, sī siūⁿ kóng: Khióng-kiaⁿ in kā goán ê tāichì pò lâng chai, kóng Ta-bi̍t ánne kiâⁿ; jî-chhiáⁿ i tòa tī Hui-lī-sū lâng ê tē ê sî, mā tiāⁿtiāⁿ chiàu chit khoán lâi kiâⁿ. | 註釋 串珠 盧俊義 盧華 盧導讀台 |
| 27:12 | A-ki-si siong-sìn Ta-bi̍t, sim-lāi siūⁿ kóng: Ta-bi̍t hō͘ i pún cho̍k I-su-la-el lâng chin thó-ià, só͘-í, i ē éng-oán chò góa ê lô͘-po̍k." | 註釋 串珠 盧俊義 盧華 盧導讀台 |