| 章節 | 全民台語聖經全羅經文 | 註釋 |
| 5:1 | Ta-bi̍t Chò I-su-la-el kah Iô-tah ê Ông( LTS 11: 1-9; 14: 1-7)Tong-sî, I-su-la-el chèng chi-cho̍k lâi-kàu He-bú-lông, kìⁿ Ta-bi̍t kóng, " Lí khòaⁿ, goán sī lí ê kut-jio̍k. | 註釋 串珠 盧俊義 盧華 盧導讀台 |
| 5:2 | Chá-chêng Sàu-lô chò goán ê ông ê sî, chhōa I-su-la-el chhut-ji̍p ê sī lí; Siōng-chú mā bat kā lí kóng, ' Lí ē chiàu-kò͘ Góa ê chú-bîn — I-su-la-el lâng, mā ē chò I-su-la-el ê kun-ông. '" | 註釋 串珠 盧俊義 盧華 盧導讀台 |
| 5:3 | Chiū ánne, I-su-la-el ê tiúⁿ-ló lóng lâi He-bú-lông kìⁿ ông, Ta-bi̍t ông tī He-bú-lông Siōng-chú ê bīn-chêng kah in li̍p-iok, in chiū ēng iû boah Ta-bi̍t chò I-su-la-el ê ông. | 註釋 串珠 盧俊義 盧華 盧導讀台 |
| 5:4 | Ta-bi̍t chē-ūi ê sî saⁿ-cha̍p hòe, i chē-ūi sì-cha̍p nî. | 註釋 串珠 盧俊義 盧華 盧導讀台 |
| 5:5 | Tī He-bú-lông chò Iô-tah ông chhit nî koh la̍k goe̍h-ji̍t, tī Ê-lú-sa-lèm chò choân I-su-la-el kah Iô-tah ê ông saⁿ-cha̍p saⁿ nî. | 註釋 串珠 盧俊義 盧華 盧導讀台 |
| 5:6 | Ông kah tòe i ê lâng lâi-kàu Ê-lú-sa-lèm beh kong-kek tòa tī hit só͘-chāi ê I-é-bú-suh lâng. In tùi Ta-bi̍t kóng, " Lí nā bô tû chiahê chheⁿmê-.ê kah pái-kha-.ê, chiū bē tàng ji̍p-lâi chit só͘-chāi. " In siūⁿ kóng Ta-bi̍t choa̍t-tùi bē ji̍p-lâi chia. | 註釋 串珠 盧俊義 盧華 盧導讀台 |
| 5:7 | Chóng-.sī, Ta-bi̍t kong-kek Si-óng ê siâⁿ-pó, che to̍h-sī Ta-bi̍t ê siâⁿ. | 註釋 串珠 盧俊義 盧華 盧導讀台 |
| 5:8 | Tng hit ji̍t, Ta-bi̍t kóng, " Siáⁿ lâng phah I-é-bú-suh lâng, tio̍h tùi chúi-kau chiūⁿ-khì phah Ta-bi̍t ê sim só͘ oàn-hūn pái-kha-.ê kah chheⁿmê-.ê. " Chiū ánne, ū sio̍k-gí kóng, " Ū chheⁿmê-.ê kah pái-kha-.ê bē tàng ji̍p-khì chhù-.ni̍h. " | 註釋 串珠 盧俊義 盧華 盧導讀台 |
| 5:9 | Ta-bi̍t tòa tī siâⁿ-pó, chheng hit só͘-chāi kiò-chò Ta-bi̍t ê siâⁿ. Ta-bi̍t tùi Mi-lō͘ sì-kho͘-ûi khí-chō, mā ǹg lāi-bīn. | 註釋 串珠 盧俊義 盧華 盧導讀台 |
| 5:10 | Ta-bi̍t lâi kú ná kiông-sēng, in-ūi Siōng-chú — bān-kun ê Siōng-tè kah i tông-chāi. | 註釋 串珠 盧俊義 盧華 盧導讀台 |
| 5:11 | Tu-lô ông Hi-lân chhe sù-chiá tòa pek-hiuⁿ chhâ kah ba̍k-chhiūⁿ, chio̍h-chhiūⁿ lâi-kàu Ta-bi̍t hia, in kā Ta-bi̍t khí chhù. | 註釋 串珠 盧俊義 盧華 盧導讀台 |
| 5:12 | Ta-bi̍t chai-iáⁿ Siōng-chú tiāⁿ tio̍h ē siat-li̍p i chò I-su-la-el ông, koh ūi tio̍h I ê chú-bîn — I-su-la-el lâng lâi heng-khí I ê kok. | 註釋 串珠 盧俊義 盧華 盧導讀台 |
| 5:13 | Ta-bi̍t tùi He-bú-lông lâi liáu-āu, tùi Ê-lú-sa-lèm koh li̍p hō͘-hui, Ta-bi̍t koh seⁿ kiáⁿ-jî. | 註釋 串珠 盧俊義 盧華 盧導讀台 |
| 5:14 | Tī Ê-lú-sa-lèm só͘ seⁿ ê kiáⁿ to̍h-sī Siam-mu-ah, Sok-pā, Ná-than kah Só͘-lô-móng, | 註釋 串珠 盧俊義 盧華 盧導讀台 |
| 5:15 | Ip-hal, E-li-siu-ah, Ne-he̍k, Ia-hui-iah, | 註釋 串珠 盧俊義 盧華 盧導讀台 |
| 5:16 | E-lí-sia-mah, E-li-a-tah kah E-li-hoe-lia̍t. | 註釋 串珠 盧俊義 盧華 盧導讀台 |
| 5:17 | Thâi-iâⁿ Hui-lī-sū Lâng( LTS 14: 8-17)Hui-lī-sū lâng thiaⁿ tio̍h lâng ēng iû boah Ta-bi̍t chò I-su-la-el ông, Hui-lī-sū ê kûn-chiòng chiū khí-lâi siàu-siūⁿ Ta-bi̍t. Ta-bi̍t thiaⁿ-.tio̍h, chiū lo̍h-khì kàu iâⁿ-chē. | 註釋 串珠 盧俊義 盧華 盧導讀台 |
| 5:18 | Hui-lī-sū lâng lâi liáu-āu, pò͘-tì tī Le-hoa-im ê soaⁿ-kok. | 註釋 串珠 盧俊義 盧華 盧導讀台 |
| 5:19 | Ta-bi̍t mn̄g Siōng-chú kóng, " Góa kám thang khì kong Hui-lī-sū lâng? Lí kám ē kā in kau tī góa ê chhiú? " Siōng-chú kā Ta-bi̍t kóng, " Lí thang khì, in-ūi góa it-tēng ē kā Hui-lī-sū lâng kau tī lí ê chhiú tiong. " | 註釋 串珠 盧俊義 盧華 盧導讀台 |
| 5:20 | Ta-bi̍t lâi-kàu Ba-al-pe-la-chim, Ta-bi̍t tī hia kā in phah, kóng, " Siōng-chú tī góa ê bīn-chêng chhiong-sòaⁿ góa ê tùi-te̍k, chhin-chhiūⁿ chúi teh chhiong-sòaⁿ, só͘-í, kā hit só͘-chāi ê miâ kiò-chò Ba-al-pe-la-chim（ Chù, Hi-bú-lâi bûn ê im-tha̍k, ì-sù sī " Chhiong-sòaⁿ ê Chú ". ）. | 註釋 串珠 盧俊義 盧華 盧導讀台 |
| 5:21 | In kā in ê ngó͘-siōng khì-sak tī hia, Ta-bi̍t kah tòe i ê lâng chiū kā ngó͘-siōng khioh cháu. | 註釋 串珠 盧俊義 盧華 盧導讀台 |
| 5:22 | Hui-lī-sū lâng koh-chài lâi, pò͘-tì tī Le-hoa-im ê soaⁿ-kok. | 註釋 串珠 盧俊義 盧華 盧導讀台 |
| 5:23 | Ta-bi̍t mn̄g Siōng-chú, Siōng-chú kóng, " M̄-thang ti̍t-ti̍t óa-.khì, tio̍h oan kàu in ê āu-bīn, tùi sng-châi chhiū tùi-bīn khì kā in phah. | 註釋 串珠 盧俊義 盧華 盧導讀台 |
| 5:24 | Lí nā thiaⁿ tio̍h tī sng-châi chhiū bóe ū kha-pō͘ siaⁿ, chiū tio̍h kóaⁿ-kín chìn-hêng, in-ūi hit sî Siōng-chú í-keng tùi lín ê thâu-chêng chhut-.khì, kong-kek Hui-lī-sū lâng ê kun-tūi. " | 註釋 串珠 盧俊義 盧華 盧導讀台 |
| 5:25 | Ta-bi̍t chiū chiàu Siōng-chú só͘ hoan-hù ê khì kiâⁿ, kong-kek Hui-lī-sū lâng, tùi Ge-bah kàu Ge-chel. | 註釋 串珠 盧俊義 盧華 盧導讀台 |