| 章節 | 全民台語聖經全羅經文 | 註釋 |
| 7:1 | Ná-than Thoân Siōng-chú ê Ōe Hō͘ Ta-bi̍t( LTS 17:1-15)Tng ông tiàm tī chhù lāi, Siōng-chú mā í-keng hō͘ i thoat-lī sì-kho͘-ûi ê tùi-te̍k, tit tio̍h an-chēng ê sî, | 註釋 串珠 盧俊義 盧華 盧導讀台 |
| 7:2 | ông kā Ná-than sian-ti kóng, " Lí khòaⁿ, góa tiàm tī pek-hiuⁿ chhâ ê chhù lāi, chóng-.sī, Siōng-chú ê kūi tiàm tī tiùⁿ-lî lāi. " | 註釋 串珠 盧俊義 盧華 盧導讀台 |
| 7:3 | Ná-than tùi ông kóng, " Kiàn-nā lí ê sim só͘ siūⁿ ê lóng thang khì chò, in-ūi Siōng-chú kah lí tông-chāi. " | 註釋 串珠 盧俊義 盧華 盧導讀台 |
| 7:4 | Hit mê, Siōng-chú ê ōe lîm-kàu Ná-than kóng, | 註釋 串珠 盧俊義 盧華 盧導讀台 |
| 7:5 | " Lí khì kā góa ê lô͘-po̍k — Ta-bi̍t kóng, Siōng-chú ánne kóng, ' Lí kám ē khí chhù hō͘ Góa tòa? | 註釋 串珠 盧俊義 盧華 盧導讀台 |
| 7:6 | Tùi góa chhōa I-su-la-el lâng chhut Ai-gi̍p ê ji̍t kàu kin-á-ji̍t, Góa m̄ bat tiàm tī chhù-.ni̍h, tiāⁿtiāⁿ tī pò͘-pêⁿ kah hōe-bō͘ kiâⁿ. | 註釋 串珠 盧俊義 盧華 盧導讀台 |
| 7:7 | Kiàn-nā Góa kah I-su-la-el lâng só͘ kiâⁿ kàu ê só͘-chāi, kám bat tùi I-su-la-el chi̍t chi-cho̍k ê sū-su, to̍h-sī Góa bēng-lēng chiàu-kò͘ Góa ê chú-bîn — I-su-la-el lâng ê, kóng: Lín ná ē bô kā Góa khí pek-hiuⁿ chhâ ê chhù? ' | 註釋 串珠 盧俊義 盧華 盧導讀台 |
| 7:8 | " Taⁿ lí tio̍h kā Góa ê lô͘-po̍k — Ta-bi̍t kóng, bān-kun ê Siōng-chú ánne kóng, ' Góa tùi iûⁿ-tiâu tiong, lí teh chhī ê iûⁿ-kûn tiong, kéng lí lâi chò Góa ê chú-bîn — I-su-la-el lâng ê kun-ông. | 註釋 串珠 盧俊義 盧華 盧導讀台 |
| 7:9 | Lí bô-lūn khì tó-ūi, góa tiāⁿtiāⁿ kah lí tông-chāi, tī lí ê bīn-chêng chián-tû lí só͘-ū ê tùi-te̍k. Góa it-tēng hō͘ lí tit tio̍h tōa miâ, chhin-chhiūⁿ sè-chiūⁿ hiahê úi-jîn ê tōa miâ. | 註釋 串珠 盧俊義 盧華 盧導讀台 |
| 7:10 | Góa beh ūi tio̍h Góa ê chú-bîn — I-su-la-el lâng tiāⁿ tio̍h chi̍t-ê só͘-chāi, kā in chai-pôe, hō͘ in tòa tī kakī ê só͘-chāi, bô koh chhian-sóa, hiong-ok ê húi-lūi bô koh chhin-chhiūⁿ chá-chêng kā in kiáu-jiáu, | 註釋 串珠 盧俊義 盧華 盧導讀台 |
| 7:11 | mā bô chhin-chhiūⁿ tùi Góa bēng-lēng sū-su koán-lí Góa ê chú-bîn — I-su-la-el lâng ê ji̍t, Góa ē hō͘ lí thoat-lī só͘-ū ê tùi-te̍k, tit tio̍h an-chēng, jî-chhiáⁿ Siōng-chú kā lí kóng, Siōng-chú ē kā lí kiàn-li̍p lí ê ke. | 註釋 串珠 盧俊義 盧華 盧導讀台 |
| 7:12 | Kàu lí ê ji̍t-chí í-keng móa, lí kah lí ê chó͘-sian chò-hóe khùn ê sî, Góa ē siat-li̍p lí só͘ chhut ê kiáⁿ-sun lâi sòa-chiap lí, Góa mā ē kian-kò͘ in ê kok. | 註釋 串珠 盧俊義 盧華 盧導讀台 |
| 7:13 | I ē ūi Góa ê miâ khí tiān, Góa ē kian-kò͘ i ê kok-ūi, it-ti̍t kàu éng-oán. | 註釋 串珠 盧俊義 盧華 盧導讀台 |
| 7:14 | Góa beh chò i ê pē, i ē chò Góa ê kiáⁿ; i nā hoān chōe, Góa ē ēng lâng ê koái kah sè-kan lâng ê piⁿ, kā i chek-tok. | 註釋 串珠 盧俊義 盧華 盧導讀台 |
| 7:15 | Chóng-.sī, Góa ê chû-ài bô beh lī-khui i, chhin-chhiūⁿ Góa hō͘ i lī-khui Sàu-lô, to̍h-sī Góa só͘ khì-sak tī lí ê bīn-chêng ê. | 註釋 串珠 盧俊義 盧華 盧導讀台 |
| 7:16 | Lí ê ke kah lí ê kok ē éng-oán kiàn-li̍p tī lí ê bīn-chêng, lí ê kok-ūi mā ē kian-kò͘ kàu éng-oán. '" | 註釋 串珠 盧俊義 盧華 盧導讀台 |
| 7:17 | Ná-than chiū chiàu chiahê ōe, chiàu che it-chhè ê khé-sī, ánne kā Ta-bi̍t kóng. | 註釋 串珠 盧俊義 盧華 盧導讀台 |
| 7:18 | Ta-bi̍t Kám-un ê Kî-tó( LTS 17: 16-27)Ta-bi̍t ông chiū ji̍p-.khì, chē tī Siōng-chú ê bīn-chêng, kóng, " Chì-koân Siōng-chú ah, góa sī siáⁿ lâng, góa ê ke sǹg-chò siáⁿ-mi̍h, Lí kèng-jiân chhōa góa kàu chit-ê tē-ūi? | 註釋 串珠 盧俊義 盧華 盧導讀台 |
| 7:19 | Chì-koân Siōng-chú ah, che Lí iáu khòaⁿ-chò sī sió-khóa, Lí koh kóng-khí Lí ê lô͘-po̍k ê ke ē kàu tī kú-tn̂g. Chì-koân Siōng-chú ah, che sī jîn-kan ê lē. | 註釋 串珠 盧俊義 盧華 盧導讀台 |
| 7:20 | Ta-bi̍t iáu ū siáⁿ-mi̍h thang tùi Lí kóng? Chì-koân Siōng-chú ah, Lí chai Lí ê lô͘-po̍k. | 註釋 串珠 盧俊義 盧華 盧導讀台 |
| 7:21 | Ūi tio̍h Lí ê ōe, koh chiàu Lí ê sim, Lí kiâⁿ che it-chhè ê tōa sū, hō͘ Lí ê lô͘-po̍k chai. | 註釋 串珠 盧俊義 盧華 盧導讀台 |
| 7:22 | Siōng-chú — Siōng-tè ah, Lí sī chì-tōa, chiàu goán ê hīⁿ-khang só͘ thiaⁿ-.tio̍h ê, bô chi̍t-ê ē-tàng pí-tit Lí, Lí í-gōa bô ū Siōng-tè. | 註釋 串珠 盧俊義 盧華 盧導讀台 |
| 7:23 | Tē-chiūⁿ ū siáⁿ-mi̍h kok chhin-chhiūⁿ Lí ê chú-bîn — I-su-la-el lâng? Chiū-sī Siōng-tè khì kā in kiù-sio̍k, kui tī kakī chò chú-bîn, hō͘ i ū miâ-siaⁿ, koh tī Lí ê chú-bîn ê bīn-chêng, to̍h-sī Lí tùi Ai-gi̍p kah lia̍t pang, í-ki̍p in hiahê sîn-bêng só͘ kiù-sio̍k chhut-.lâi ê, ūi tio̍h lín kiâⁿ tōa sū, ūi tio̍h lí ê tē chò thang kiaⁿ ê tāichì? | 註釋 串珠 盧俊義 盧華 盧導讀台 |
| 7:24 | Lí bat ūi kakī kiàn-li̍p Lí ê chú-bîn — I-su-la-el éng-oán chò Lí ê chú-bîn; Siōng-chú ah, Lí mā chò in ê Siōng-tè. | 註釋 串珠 盧俊義 盧華 盧導讀台 |
| 7:25 | " Siōng-chú — Siōng-tè ah, taⁿ Lí só͘ kóng-khí Lí ê lô͘-po̍k kah Lí ê lô͘-po̍k ê ke, goān Lí éng-oán kā i kian-kò͘, chiàu Lí só͘ kóng ê lâi kiâⁿ. | 註釋 串珠 盧俊義 盧華 盧導讀台 |
| 7:26 | Goān lâng éng-oán chun Lí ê miâ chò tōa, kóng, ' Bān-kun ê Siōng-chú sī koán-lí I-su-la-el ê Siōng-tè. ' Jî-chhiáⁿ Lí ê lô͘-po̍k — Ta-bi̍t ê ke ē tī Lí ê bīn-chêng kian-kò͘. | 註釋 串珠 盧俊義 盧華 盧導讀台 |
| 7:27 | Bān-kun ê Siōng-chú, I-su-la-el ê Siōng-tè ah, in-ūi Lí khé-sī Lí ê lô͘-po̍k, kóng, ' Góa ē kā lí kiàn-li̍p ke. ' Só͘-í, Lí ê lô͘-po̍k hó-táⁿ ēng chit-ê kî-tó lâi tùi Lí kî-tó. | 註釋 串珠 盧俊義 盧華 盧導讀台 |
| 7:28 | " Taⁿ chì-koân Siōng-chú ah, chí ū Lí sī Siōng-tè, Lí ê ōe sī chin-si̍t; Lí mā ēng chit-ê hok-khì èng-ín Lí ê lô͘-po̍k. | 註釋 串珠 盧俊義 盧華 盧導讀台 |
| 7:29 | Taⁿ kiû Lí sù-hok Lí ê lô͘-po̍k ê ke, hō͘ i éng-oán tī Lí ê bīn-chêng. Chì-koân Siōng-chú ah, in-ūi Lí ū kóng-khí, goān Lí ê lô͘-po̍k ê ke tùi Lí ê sù-hok lâi tit tio̍h hok-khì, ti̍t-kàu éng-oán! " | 註釋 串珠 盧俊義 盧華 盧導讀台 |