| 章節 | 全民台語聖經全羅經文 | 註釋 |
| 9:1 | Ta-bi̍t kah Me-hui-bo-siatTa-bi̍t mn̄g kóng, " Sàu-lô ê ke iáu ū chhun lâng bô, góa thang in-ūi Io-ná-than ê iân-kò͘ lâi si un hō͘ i? " | 註釋 串珠 盧俊義 盧華 盧導讀台 |
| 9:2 | Sàu-lô ê ke ū chi̍t-ê lô͘-po̍k, miâ kiò-chò Chi-bah, lâng kiò i khì Ta-bi̍t hia. Ông chiū kā i kóng, " Lí kám sī Chi-bah? " | 註釋 串珠 盧俊義 盧華 盧導讀台 |
| 9:3 | Chi-bah ìn kóng, " Lí ê lô͘-po̍k to̍h-sī. " Ông kóng, " Sàu-lô ê ke iáu ū lâng bô, góa thang kā Siōng-tè ê un si-lo̍h hō͘ i? " | 註釋 串珠 盧俊義 盧華 盧導讀台 |
| 9:4 | Chi-bah tùi ông kóng, " Io-ná-than iáu ū chi̍t-ê kiáⁿ, sī pái-kha-.ê. " Ông kā i kóng, " I tī tó-ūi? " Chi-bah ìn ông kóng, " I tī Lô-tí-pa lâng Am-mí-el ê kiáⁿ Ma-kil ê ke. " | 註釋 串珠 盧俊義 盧華 盧導讀台 |
| 9:5 | Ta-bi̍t ông chiū chhe lâng khì, tùi Lô-tí-pa lâng Am-mí-el ê kiáⁿ Ma-kil ê chhù kā i chhōa-.lâi. | 註釋 串珠 盧俊義 盧華 盧導讀台 |
| 9:6 | Sàu-lô ê sun, Io-ná-than ê kiáⁿ, Me-hui-bo-siat lâi kìⁿ Ta-bi̍t, phak lo̍h-khì pài. Ta-bi̍t kóng, " Me-hui-bo-siat. " I ìn kóng, " Lí ê lô͘-po̍k tī chia. " | 註釋 串珠 盧俊義 盧華 盧導讀台 |
| 9:7 | Ta-bi̍t kóng, " Lí m̄-bián kiaⁿ, góa beh in-ūi lí ê pē Io-ná-than ê iân-kò͘ si un hō͘ lí, góa beh kā lí ê a-kong Sàu-lô ê só͘-ū chhân-hn̂g lóng hêng lí, lí mā ē tiāⁿtiāⁿ tī góa ê toh chò-hóe chia̍h. " | 註釋 串珠 盧俊義 盧華 盧導讀台 |
| 9:8 | I koh phak lo̍h-khì kā i pài, kóng, " Lí ê lô͘-po̍k sī siáⁿ-mi̍h? Sī chhin-chhiūⁿ chi̍t chiah sí-káu, lí kèng-jiân khòaⁿ-kò͘ góa! " | 註釋 串珠 盧俊義 盧華 盧導讀台 |
| 9:9 | Ông kiò Sàu-lô ê lô͘-po̍k Chi-bah lâi, kā i kóng, " Góa í-keng kā sio̍k Sàu-lô kah i choân ke ê lóng hō͘ lí ê chú-lâng ê kiáⁿ. | 註釋 串珠 盧俊義 盧華 盧導讀台 |
| 9:10 | Lí kah lí hiahê kiáⁿ, lí hiahê lô͘-po̍k, tio̍h kā i chèng-choh chhân-hn̂g, tòa só͘ chhut-sán ê hō͘ lí ê chú ê kiáⁿ ū mi̍h thang chia̍h; chóng-.sī, lí ê chú-lâng ê kiáⁿ Me-hui-bo-siat ē tiāⁿtiāⁿ tī góa ê toh chò-hóe chia̍h. " | 註釋 串珠 盧俊義 盧華 盧導讀台 |
| 9:11 | Chi-bah ū cha̍p-gō͘-ê kiáⁿ, jī-cha̍p-ê lô͘-po̍k. Chi-bah tùi ông kóng, " Kiàn-nā góa ê chú — góa ê ông só͘ hoan-hù lô͘-po̍k ê, lí ê lô͘-po̍k lóng ē chiàu ánne khì chò. " Ông koh kóng, " Me-hui-bo-siat ē tī góa ê toh chò-hóe chia̍h, ná chhin-chhiūⁿ ông ê kiáⁿ. " | 註釋 串珠 盧俊義 盧華 盧導讀台 |
| 9:12 | Me-hui-bo-siat ū chi̍t-ê kiáⁿ iáu sè-hàn, miâ kiò-chò Mi-ka. Kiàn-nā tòa tī Chi-bah ê ke ê lâng, lóng chò Me-hui-bo-siat ê lô͘-po̍k. | 註釋 串珠 盧俊義 盧華 盧導讀台 |
| 9:13 | Chiū ánne, Me-hui-bo-siat tòa tī Ê-lú-sa-lèm, in-ūi i tiāⁿtiāⁿ tī ông ê toh chò-hóe chia̍h, jî-chhiáⁿ i nn̄g kha lóng pái. | 註釋 串珠 盧俊義 盧華 盧導讀台 |