| 章節 | 全民台語聖經全羅經文 | 註釋 |
| 11:1 | Ta-bi̍t kah Bat-se-baNî-thâu, lia̍t ông chhut-chiàn ê sî, Ta-bi̍t chhe Io-ap kah i ê jîn-sîn, í-ki̍p I-su-la-el ê kûn-chiòng chhut-.khì. In chiū thâi-iâⁿ Am-móng lâng, ûi-kong Lap-bah. Ta-bi̍t iû-goân tòa tī Ê-lú-sa-lèm. | 註釋 串珠 盧俊義 盧華 盧導讀台 |
| 11:2 | Ū chi̍t ji̍t beh àm ê sî, Ta-bi̍t tùi chhn̂g-.ni̍h khí-.lâi, tī ông-kiong ê chhù téng kiâⁿ lâi kiâⁿ khì, tùi chhù téng khòaⁿ tio̍h chi̍t-ê chabó͘ lâng teh sé-e̍k, chit-ê chabó͘ lâng seⁿ-chò chin súi. | 註釋 串珠 盧俊義 盧華 盧導讀台 |
| 11:3 | Ta-bi̍t ūi tio̍h hit-ê chabó͘ lâng chiū chhe lâng khì thàm-thiaⁿ, ū lâng kóng, " I kám m̄-sī E-li-àm ê chabó͘ kiáⁿ, Hiat lâng U-lī-a ê bó͘ Bat-se-ba? " | 註釋 串珠 盧俊義 盧華 盧導讀台 |
| 11:4 | Ta-bi̍t chhe sù-chiá khì kā i chhōa-.lâi, i chiū lâi-kàu i hia, Ta-bi̍t kah i tâng-pâng. Cha-bó͘ lâng kā i bô chheng-khì piàⁿ chheng-khì liáu-āu, chiū tńg-khì in chhù. | 註釋 串珠 盧俊義 盧華 盧導讀台 |
| 11:5 | Cha-bó͘ lâng hoâi-īn, chhe lâng kā Ta-bi̍t kóng, " Góa í-keng hoâi-īn. " | 註釋 串珠 盧俊義 盧華 盧導讀台 |
| 11:6 | Ta-bi̍t chhe lâng kàu Io-ap hia, kóng, " Lí chhe Hiat lâng U-lī-a lâi góa chia. " Io-ap chiū chhe U-lī-a khì kìⁿ Ta-bi̍t. | 註釋 串珠 盧俊義 盧華 盧導讀台 |
| 11:7 | U-lī-a lâi-kàu i hia liáu-āu, Ta-bi̍t chiū mn̄g khòaⁿ Io-ap hó-.bô? Jîn-bîn hó-.bô? Kau-chiàn ū hó-sè-.bô? | 註釋 串珠 盧俊義 盧華 盧導讀台 |
| 11:8 | Ta-bi̍t kā U-lī-a kóng, " Lí lo̍h-khì lín tau sé kha. " U-lī-a kiâⁿ-chhut ông-kiong liáu-āu, ông chiū sàng chi̍t hūn chia̍h-mi̍h hō͘ i. | 註釋 串珠 盧俊義 盧華 盧導讀台 |
| 11:9 | Chóng-.sī, U-lī-a kah i ê chú-lâng ê lô͘-po̍k chò-hóe khùn tī ông-kiong ê mn̂g-kháu, bô tńg-khì in tau. | 註釋 串珠 盧俊義 盧華 盧導讀台 |
| 11:10 | Ū lâng kā Ta-bi̍t kóng, " U-lī-a bô tńg-khì i ê chhù. " Ta-bi̍t chiū mn̄g U-lī-a kóng, " Lí kám m̄-sī tùi hn̄g-lō͘ lâi? Ná ē m̄ tńg-khì lí ê chhù? " | 註釋 串珠 盧俊義 盧華 盧導讀台 |
| 11:11 | U-lī-a tùi Ta-bi̍t kóng, " Iok-kūi kah I-su-la-el í-ki̍p Iô-tah lóng tòa tī chháu-liâu-á, góa ê chú Io-ap kah góa ê chú ê lô͘-po̍k, lóng chat iâⁿ tī chhân-iá, góa kám thang tò tńg-khì góa ê chhù lim-chia̍h kah góa ê bó͘ chò-hóe khùn? Góa kí lí ê oa̍h-miā kah lí lêng-hûn ê oa̍h-miā lâi chiùchōa, góa choa̍t-tùi bô beh chò chit-ê tāichì! " | 註釋 串珠 盧俊義 盧華 盧導讀台 |
| 11:12 | Ta-bi̍t kā U-lī-a kóng, " Lí kin-á-ji̍t iû-goân tòa chia, bîn-á-chài góa hō͘ lí khì. " U-lī-a chiū tī hit ji̍t kah tē-jī ji̍t tòa tī Ê-lú-sa-lèm. | 註釋 串珠 盧俊義 盧華 盧導讀台 |
| 11:13 | Ta-bi̍t kiò U-lī-a lâi, i chiū tī i ê bīn-chêng lim-chia̍h, Ta-bi̍t hō͘ i chùi. Í-keng àm à, U-lī-a chiū chhut-khì kah i ê chú ê lô͘-po̍k chò-hóe chò-phōaⁿ, mā bô tńg-khì in tau. | 註釋 串珠 盧俊義 盧華 盧導讀台 |
| 11:14 | Keh kang chá-khí, Ta-bi̍t siá chi̍t tiuⁿ phoe hō͘ Io-ap, thok U-lī-a ê chhiú tòa-.khì. | 註釋 串珠 盧俊義 盧華 盧導讀台 |
| 11:15 | Phoe lāi siá kóng, " Tio̍h phài U-lī-a khì tī tīn-chêng ke̍k gûi-kip ê só͘-chāi, lín chiū tùi i ê āu-bīn thè tńg-.lâi, hō͘ i siū phah-sí. " | 註釋 串珠 盧俊義 盧華 盧導讀台 |
| 11:16 | Io-ap ûi siâⁿ ê sî, tī i só͘ chai ū ióng-sū ê só͘-chāi, chiū phài U-lī-a khì hia. | 註釋 串珠 盧俊義 盧華 盧導讀台 |
| 11:17 | Siâⁿ lāi ê lâng ū chhut-lâi kah Io-ap kau-chiàn, Ta-bi̍t ê lô͘-po̍k sí kúi-nā-ê lâng, Hiat lâng U-lī-a mā sí. | 註釋 串珠 盧俊義 盧華 盧導讀台 |
| 11:18 | Io-ap chhe lâng kā kau-chiàn ê tāichì lóng kā Ta-bi̍t kóng. | 註釋 串珠 盧俊義 盧華 盧導讀台 |
| 11:19 | Chiū hoan-hù sù-chiá kóng, " Lí kā kau-chiàn só͘-ū ê tāichì khì kā ông kóng liáu-āu, | 註釋 串珠 盧俊義 盧華 盧導讀台 |
| 11:20 | ông nā siū-khì, kā lín kóng, ' Lín kau-chiàn ê sî, ná ē pek-kīn siâⁿ chhiûⁿ? Kám m̄-chai in ē tùi siâⁿ téng siā chìⁿ? | 註釋 串珠 盧俊義 盧華 盧導讀台 |
| 11:21 | Chá-chêng phah-sí Iâ-lō͘-pí-siat ê kiáⁿ A-mí-me-le̍k ê sī siáⁿ lâng? Kám m̄-sī chi̍t-ê chabó͘ lâng tùi chhiûⁿ téng hiat chio̍h-bō ê téng-tún tī i ê téng-bīn, hō͘ i sí tī Thê-pī-su? Lín ná ē pek-kīn siâⁿ? ' Lí tio̍h kóng, ' Lí ê lô͘-po̍k Hiat lâng U-lī-a mā sí. ' | 註釋 串珠 盧俊義 盧華 盧導讀台 |
| 11:22 | Sù-chiá chiū khì, chiàu Io-ap it-chhè só͘ bēng-lēng ê lâi kā Ta-bi̍t kóng. | 註釋 串珠 盧俊義 盧華 盧導讀台 |
| 11:23 | Sù-chiá kā Ta-bi̍t kóng, " Tùi-te̍k pí goán khah kiông, chhut-lâi kau-iá kong-kek goán, goán kā i phah kàu siâⁿ mn̂g-kháu. | 註釋 串珠 盧俊義 盧華 盧導讀台 |
| 11:24 | Siā chìⁿ ê lâng tùi chhiûⁿ téng siā lí ê lô͘-po̍k, ông ê lô͘-po̍k sí kúi-nā-ê lâng, lí ê lô͘-po̍k Hiat lâng U-lī-a mā sí. " | 註釋 串珠 盧俊義 盧華 盧導讀台 |
| 11:25 | Ta-bi̍t kā hit-ê sù-chiá kóng, " Lí tio̍h ánne kā Io-ap kóng, ' M̄-bián chhau-hoân chit-ê tāichì, in-ūi to-kiàm thâi-sí-lâng, chit-ê hit-ê bô it-tēng; lí tio̍h koh khah chīn-la̍t kong siâⁿ, lâi kā i chhia-tó. ' Lí tio̍h ánne kā i bián-lē. " | 註釋 串珠 盧俊義 盧華 盧導讀台 |
| 11:26 | U-lī-a ê bó͘ thiaⁿ tio̍h tiōng-hu U-lī-a í-keng sí, chiū ūi i ê tiōng-hu thî-khàu. | 註釋 串珠 盧俊義 盧華 盧導讀台 |
| 11:27 | Song-sū kiat-sok liáu-āu, Ta-bi̍t chhe lâng chhōa i lâi-kàu kiong lāi, i chiū chò Ta-bi̍t ê bó͘, kā i seⁿ chi̍t-ê kiáⁿ. Chóng-.sī, Ta-bi̍t só͘ chò ê tāichì, Siōng-chú chin bô hoaⁿ-hí. | 註釋 串珠 盧俊義 盧華 盧導讀台 |