| 章節 | 全民台語聖經全羅經文 | 註釋 |
| 33:1 | Iâ-kop kah E-sáu Hōe-biānIâ-kop gia̍h thâu khòaⁿ, khòaⁿ tio̍h E-sáu teh lâi, koh ū sì-pah lâng kah i chò-hóe lâi. I chiū kā hiahê gín'á hun-khui, kau hō͘ Le-ah, kau hō͘ La̍h-khel, kau hō͘ nn̄g-ê lú-pī. | 註釋 串珠 盧華 盧導讀台 |
| 33:2 | Iâ-kop kā lú-pī kah in ê kiáⁿ pâi tī thâu-chêng, Le-ah kah i ê kiáⁿ pâi tī āu-bīn, La̍h-khel kah Iô-sé-huh pâi tī lō͘-bóe. | 註釋 串珠 盧華 盧導讀台 |
| 33:3 | I pún-sin tī in ê thâu-chêng kòe-.khì, liân-liân chhit pái phak tī tē-.ni̍h, chiah óa-kīn i ê a-hiaⁿ. | 註釋 串珠 盧華 盧導讀台 |
| 33:4 | E-sáu cháu-lâi kā i gêng-chiap, kā i lám-.leh, koh lám i ê ām-kún, kā i chim, nn̄g lâng chiū thî-khàu. | 註釋 串珠 盧華 盧導讀台 |
| 33:5 | E-sáu gia̍h thâu khòaⁿ tio̍h chabó͘ lâng kah gín'á, chiū kóng, " Chiahê kah lí tâng kiâⁿ ê sī siáⁿ lâng? " Iâ-kop ìn kóng, " Chiahê gín'á sī Siōng-tè si un hō͘ lí ê lô͘-po̍k ê. " | 註釋 串珠 盧華 盧導讀台 |
| 33:6 | Jiân-āu, nn̄g-ê lú-pī kah in ê gín'á chìn-chêng lâi pài, | 註釋 串珠 盧華 盧導讀台 |
| 33:7 | Le-ah kah i ê gín'á mā chìn-chêng lâi pài, lō͘-bóe Iô-sé-huh kah La̍h-khel mā chìn-chêng lâi pài. | 註釋 串珠 盧華 盧導讀台 |
| 33:8 | E-sáu koh mn̄g, " Góa só͘ tú tio̍h kui kûn ê chengseⁿ, lí sī siáⁿ-mi̍h ì-sù? " Iâ-kop kóng, " Sī beh tī góa ê chú ê bīn-chêng tit tio̍h un-tián. " | 註釋 串珠 盧華 盧導讀台 |
| 33:9 | E-sáu kóng, " Sió-tī, góa ê í-keng kàu-gia̍h, lí ê iû-goân kui lí. " | 註釋 串珠 盧華 盧導讀台 |
| 33:10 | Iâ-kop kóng, " Mài ánne, góa nā tī lí ê bīn-chêng tit tio̍h un-tián, kiû lí tùi góa ê chhiú siu góa ê lé-mi̍h, in-ūi góa kìⁿ tio̍h lí ê bīn, chhin-chhiūⁿ kìⁿ tio̍h Siōng-tè ê bīn, koh lí mā chiap-la̍p góa. | 註釋 串珠 盧華 盧導讀台 |
| 33:11 | Kiû lí siu góa tòa-lâi hō͘ lí ê lé-mi̍h, in-ūi Siōng-tè un-thāi góa, hō͘ góa chhiong-chiok. " Iâ-kop pek E-sáu, jiân-āu i chiū siu hiahê lé-mi̍h. | 註釋 串珠 盧華 盧導讀台 |
| 33:12 | E-sáu kóng, " Lán chhut-hoat lâi-.khì, góa chò thâu-chêng kiâⁿ. " | 註釋 串珠 盧華 盧導讀台 |
| 33:13 | Iâ-kop tùi i kóng, " Góa ê Chú chai chiahê gín'á nńg-chiáⁿ, gû-iûⁿ mā tú-á seⁿ, nā chò chi̍t ji̍t kóaⁿ, kui kûn lóng ē sí-.khì. | 註釋 串珠 盧華 盧導讀台 |
| 33:14 | Kiû góa ê chú tī lô͘-po̍k ê thâu-chêng kiâⁿ, góa beh chiàu tī góa bīn-chêng kui kûn chengseⁿ ê khùi-la̍t, mā chiàu gín'á ê khùi-la̍t, bān-bān-á chìn-chêng, kiâⁿ kàu Se-il, kàu góa ê chú hia. " | 註釋 串珠 盧華 盧導讀台 |
| 33:15 | E-sáu kóng, " Chhiáⁿ iông-ín góa kā tòe góa ê lâng lâu kúi-ê-á kah lí chò-tīn. " Iâ-kop kóng, " M̄-bián ánne! Tī góa ê chú ê bīn-chêng tit tio̍h un-tián to̍h hó. " | 註釋 串珠 盧華 盧導讀台 |
| 33:16 | Hit ji̍t, E-sáu chhut-hoat, chiàu goân-lō͘ tńg-khì Se-il. | 註釋 串珠 盧華 盧導讀台 |
| 33:17 | Iâ-kop kiâⁿ kàu Su-kot, tī hia ūi kakī khí chhù, ūi chengseⁿ tah chháu-liâu, só͘-í, kā hit só͘-chāi hō-chò Su-kot. | 註釋 串珠 盧華 盧導讀台 |
| 33:18 | Iâ-kop tùi Pa-tàn-a-lâm tńg-.lâi ê sî, pêng-an lâi-kàu Ka-nân tē ê Sī-khiàm siâⁿ, tī siâⁿ ê thâu-chêng tah pò͘-pêⁿ. | 註釋 串珠 盧華 盧導讀台 |
| 33:19 | I ēng chi̍t-pah tè gîn, tùi Sī-khiàm ê lāu-pē Ha-mo͘l ê kiáⁿ-sun, bé i tah pò͘-pêⁿ ê hit tè tē. | 註釋 串珠 盧華 盧導讀台 |
| 33:20 | I koh tī hia khí chi̍t chō tôaⁿ, kā i hō-miâ kiò-chò El-e-ló-he I-su-la-el. | 註釋 串珠 盧華 盧導讀台 |