| 章節 | 全民台語聖經全羅經文 | 註釋 |
| 11:1 | Iô-tah ê A-tha-lí-iah Ông-hō͘( LTH 22: 10-23, 15)A-ha-chiah ê lāu-bú A-tha-lí-iah, khòaⁿ tio̍h i ê kiáⁿ í-keng sí, chiū khí-lâi châu-bia̍t choân-pō͘ ê ông-chhin. | 註釋 串珠 盧導讀台 |
| 11:2 | Chóng-.sī, Io-lâm ông ê chabó͘ kiáⁿ A-ha-chiah ê chí-mōe, E-ho-sí-ba kā A-ha-chiah ê kiáⁿ Io-a-si, tùi hiahê siū thâi ê ông kiáⁿ tiong thau-phō chhut-.lâi, kā i kah i ê leng-bú khǹg tī khùn-pâng-.ni̍h, in tùi A-tha-lí-iah kā i khàm ba̍t, hō͘ i bô siū sat-hāi. | 註釋 串珠 盧導讀台 |
| 11:3 | Āu-lâi, kah i chò-hóe khǹg tī Siōng-chú ê tiān keng-kòe la̍k nî; A-tha-lí-iah koán-lí hit-ê só͘-chāi. | 註釋 串珠 盧導讀台 |
| 11:4 | Kàu tē-chhit nî, Io-ho-iá-tah chhe lâng kiò Ka-lī cho̍k kah hō͘-ōe-peng ê liân-tiúⁿ, chhōa in ji̍p-khì Siōng-chú ê tiān lâi-kàu i hia, chiū kah in li̍p-iok, hō͘ in tī Siōng-chú ê tiān chiùchōa, koh kā ông ê kiáⁿ hō͘ in khòaⁿ. | 註釋 串珠 盧導讀台 |
| 11:5 | Koh kā in hoan-hù kóng, " Lín tio̍h ánne kiâⁿ, kiàn-nā lín tī An-hioh-ji̍t ji̍p-.lâi ê saⁿ-hūn chi-it tio̍h kò͘-siú ông-kiong, | 註釋 串珠 盧導讀台 |
| 11:6 | saⁿ-hūn chi-it tio̍h tī Chu-ul ê mn̂g, saⁿ-hūn chi-it tio̍h tī hō͘-ōe-peng āu-bīn ê mn̂g. Án-ne kò͘-siú ông-kiong, chó͘-chí lâng chhut-ji̍p. | 註釋 串珠 盧導讀台 |
| 11:7 | Kiàn-nā lín tī An-hioh-ji̍t hā-pan ê nn̄g tūi tio̍h kò͘-siú Siōng-chú ê tiān, tī ông ê sì-kho͘-ûi. | 註釋 串珠 盧導讀台 |
| 11:8 | Lín ta̍k lâng chhiú gia̍h ke-si tī sì-kho͘-ûi pó-hō͘ ông, kiàn-nā lâng ji̍p lín ê pan-lia̍t ê, tio̍h hō͘ i sí; ông chhut ông ji̍p ê sî, lín tio̍h kin-tòe i. " | 註釋 串珠 盧導讀台 |
| 11:9 | Hiahê liân-tiúⁿ chiàu chè-si Io-ho-iá-tah it-chhè só͘ bēng-lēng ê khì kiâⁿ, ta̍k lâng tòa in lûn tio̍h An-hioh-ji̍t ji̍p-.lâi ê lâng kah in lûn tio̍h An-hioh-ji̍t chhut-khì ê lâng, lâi-kàu chè-si Io-ho-iá-tah hia. | 註釋 串珠 盧導讀台 |
| 11:10 | Chè-si chiū kā Siōng-chú tiān lāi só͘ khǹg Ta-bi̍t ông ê chhiuⁿ kah pîn-pâi, kau hō͘ hiahê liân-tiúⁿ. | 註釋 串珠 盧導讀台 |
| 11:11 | Hō͘-ōe-peng chhiú-.ni̍h gia̍h ke-si, tī tôaⁿ kah tiān hia, tùi tiān ê chiàⁿ pêng kàu tiān ê tò pêng, khiā tī ông ê sì-kho͘-ûi. | 註釋 串珠 盧導讀台 |
| 11:12 | Chè-si chhōa ông ê kiáⁿ chhut-.lâi, kā i tì bián-liû, kā lu̍t-hoat ê chheh hō͘ i, ēng iû kā i boah lâi siat-li̍p i chò ông; in chiū phah pho̍k-á kóng, " Goān ông bān-sòe! " | 註釋 串珠 盧導讀台 |
| 11:13 | A-tha-lí-iah thiaⁿ tio̍h hō͘-ōe-peng kah jîn-bîn ê siaⁿ, chiū lâi-kàu jîn-bîn hia, ji̍p Siōng-chú ê tiān, | 註釋 串珠 盧導讀台 |
| 11:14 | khòaⁿ tio̍h ông chiàu lē khiā tī thiāu piⁿ, kun-tiúⁿ kah pûn kó͘-chhoe ê khiā tī ông ê chó-iū, kok lāi chèng lâng hoaⁿ-hí, pûn kó͘-chhoe. A-tha-lí-iah chiū thiah-li̍h i ê saⁿ, hoah, " Chō-hoán ah! Chō-hoán ah! " | 註釋 串珠 盧導讀台 |
| 11:15 | Chè-si Io-ho-iá-tah hoan-hù koán-hat kun-tūi ê liân-tiúⁿ, tùi in kóng, " Tùi pan-lia̍t ê tiong-kan kā i kóaⁿ chhut-.khì, kiàn-nā tòe i ê, tio̍h ēng to kā i thâi-sí. " In-ūi chè-si kóng, " M̄-thang tī Siōng-chú ê tiān kā i thâi. " | 註釋 串珠 盧導讀台 |
| 11:16 | In siám-khui siang pêng hō͘ i chhut-.khì, i chiū tùi chiūⁿ-kàu ông-kiong ê bé-lō͘ khì, tī hia hông thâi. | 註釋 串珠 盧導讀台 |
| 11:17 | Io-ho-iá-tah ê Kái-kek( LTH 23: 16-21)Io-ho-iá-tah chiū tī Siōng-chú kah ông í-ki̍p jîn-bîn ê tiong-kan li̍p-iok, hō͘ in chò Siōng-chú ê chú-bîn, koh tī ông kah jîn-bîn ê tiong-kan li̍p-iok. | 註釋 串珠 盧導讀台 |
| 11:18 | Chiū ánne, kok lāi ê chèng lâng lâi-kàu Ba-al ê biō, kā i thiah-húi, phah-chhùi hiahê tôaⁿ kah ngó͘-siōng, koh tī tôaⁿ chêng phah-sí Ba-al ê chè-si Mat-than. Chè-si siat koaⁿ-oân lâi kò͘-siú Siōng-chú ê tiān. | 註釋 串珠 盧導讀台 |
| 11:19 | Koh chhōa liân-tiúⁿ kah Ka-lī cho̍k, kah hō͘-ōe-peng, í-ki̍p kok lāi chèng lâng, in tùi Siōng-chú ê tiān chhōa ông lo̍h-.lâi, tùi hō͘-ōe-peng ê mn̂g-lō͘ ji̍p-khì ông-kiong, i chiū chē ông-ūi. | 註釋 串珠 盧導讀台 |
| 11:20 | Kok lāi ê jîn-bîn lóng hoaⁿ-hí, choân siâⁿ lóng an-chēng. In tī ông-kiong hia, ēng to thâi-sí A-tha-lí-iah. | 註釋 串珠 盧導讀台 |
| 11:21 | Io-a-si chē-ūi ê sî chhit hòe. | 註釋 串珠 盧導讀台 |