| 章節 | 全民台語聖經全羅經文 | 註釋 |
| 12:1 | Iô-tah Ông Io-a-si( LTH 24: 1-16)E-hú tē-chhit nî, Io-a-si chē-ūi, tī Ê-lú-sa-lèm chò ông keng-kòe sì-cha̍p nî. I ê lāu-bú ê miâ kiò-chò Chi-bí-ah, sī Bel-sí-bah lâng. | 註釋 串珠 盧導讀台 |
| 12:2 | Io-a-si tit tio̍h chè-si Io-ho-iá-tah ê kà-sī, it-seng kiâⁿ Siōng-chú khòaⁿ-chò sī hó ê tāichì. | 註釋 串珠 盧導讀台 |
| 12:3 | Chóng-.sī, soaⁿ-thâu biō bô hùi-tû, jîn-bîn iáu tī soaⁿ-thâu biō hiàn chè sio hiuⁿ. | 註釋 串珠 盧導讀台 |
| 12:4 | Io-a-si kā só͘-ū ê chè-si kóng, " Kiàn-nā hiàn tī Siōng-chú ê tiān hun-pia̍t chò sèng ê mi̍h, só͘ ta̍t ê gîn, to̍h-sī thong-iōng ê gîn-á sī ta̍k lâng eng-kai la̍p ê sin kè-gîn, á-.sī sim só͘ goān hiàn tī Siōng-chú tiān ê gîn, | 註釋 串珠 盧導讀台 |
| 12:5 | chè-si ta̍k lâng tio̍h tùi só͘ bat ê lâng siu-.lâi, siu-lí tiān phò-hoāi ê só͘-chāi, bô-lūn siáⁿ-mi̍h só͘-chāi phò-hoāi, lóng tio̍h siu-lí. | 註釋 串珠 盧導讀台 |
| 12:6 | Chóng-.sī, Io-a-si ông jī-cha̍p saⁿ nî, chè-si iáu-bōe kā tiān phò-hoāi ê só͘-chāi siu-lí hó-sè. | 註釋 串珠 盧導讀台 |
| 12:7 | Só͘-í, Io-a-si ông tiàu chè-si Io-ho-iá-tah kah kî-tha ê chè-si lâi, kā in kóng, " Lín ná ē bô siu-lí tiān phò-hoāi ê só͘-chāi? Taⁿ lín m̄ thang koh tùi só͘ bat ê lâng siu gîn, tio̍h kā hit-ê gîn kau chhut-.lâi, thang siu-lí tiān phò-hoāi ê só͘-chāi. " | 註釋 串珠 盧導讀台 |
| 12:8 | Chèng chè-si tap-èng bô beh koh siu jîn-bîn ê gîn, mā bô siu-lí tiān phò-hoāi ê só͘-chāi. | 註釋 串珠 盧導讀台 |
| 12:9 | Chè-si Io-ho-iá-tah chhú chi̍t-ê kūi, tī kūi-kòa chha̍k chi̍t khang, hē tī tôaⁿ piⁿ, tī ji̍p Siōng-chú tiān ê chiàⁿ pêng. Pé-mn̂g ê chè-si kā tòa-ji̍p Siōng-chú tiān ê gîn hē tī kūi lāi. | 註釋 串珠 盧導讀台 |
| 12:10 | In khòaⁿ tio̍h kūi lāi ê gîn í-keng chē, ông ê su-kì kah tōa-chè-si khí-.lâi, kā Siōng-chú tiān lāi só͘ tit tio̍h ê gîn khoán tī tē-á lāi, lâi kā i tiám-sǹg. | 註釋 串珠 盧導讀台 |
| 12:11 | Kā só͘ tiám-sǹg ê gîn kau hō͘ chò-kang ê, to̍h-sī Siōng-chú tiān lāi pān-sū ê lâng; in chiū kā i hoat hō͘ siu-lí Siōng-chú tiān ê ba̍k-chhiūⁿ kah kiàn-tiok ê lâng, | 註釋 串珠 盧導讀台 |
| 12:12 | í-ki̍p thô͘-chhiūⁿ, chio̍h-chhiūⁿ, mā thang bé chhâ-liāu kah kòe-phah ê chio̍h, lâi siu-lí Siōng-chú tiān phò-hoāi ê só͘-chāi, í-ki̍p chò siu-lí tiān ê cha̍p-hùi. | 註釋 串珠 盧導讀台 |
| 12:13 | Chóng-.sī, hit-ê tòa-lâi ji̍p-lâi Siōng-chú tiān ê gîn, bô ēng lâi chò Siōng-chú tiān lāi ê gîn-poe, chián-to, óaⁿ, kó͘-chhoe kah ta̍k chióng ê kim-khì gîn-khì, | 註釋 串珠 盧導讀台 |
| 12:14 | chiū kā hit-ê gîn kau hō͘ chò-kang ê lâng, lâi siu-lí Siōng-chú ê tiān. | 註釋 串珠 盧導讀台 |
| 12:15 | Koh kā gîn kau hō͘ só͘ keng-chhiú ê lâng, hō͘ i hoat hō͘ chò-kang ê lâng, bô kah in sǹg-siàu, in-ūi in chò tāichì sêng-si̍t. | 註釋 串珠 盧導讀台 |
| 12:16 | To̍k-to̍k pó͘ kòe-si̍t chè ê gîn kah sio̍k-chōe-chè ê gîn, bô siu ji̍p-khì Siōng-chú ê tiān, sī kui chè-si. | 註釋 串珠 盧導讀台 |
| 12:17 | Hit sî, A-lâm ông Ha-cha-el tńg-khì kong-kek Gat, kā i cheng-ho̍k, chiū tiāⁿ tio̍h ì-sù beh tńg-khì kong-kek Ê-lú-sa-lèm. | 註釋 串珠 盧導讀台 |
| 12:18 | Iô-tah ông Io-a-si kā i ê chó͘-sian Iô-tah ông Iô-sa-hoat, Io-lâm, A-ha-chiah só͘ hiàn chò sèng ê mi̍h, kah i pún-sin só͘ hiàn chò sèng ê mi̍h, í-ki̍p Siōng-chú ê tiān kah ông-kiong kim-khò͘ só͘-ū ê kim, lóng sàng hō͘ A-lâm ông Ha-cha-el, i chiū bô khí-lâi Ê-lú-sa-lèm. | 註釋 串珠 盧導讀台 |
| 12:19 | Io-a-si kî-tha ê tāichì, kiàn-nā i só͘ kiâⁿ ê, kám bô lóng kì tī Iô-tah lia̍t ông ê kì-lio̍k? | 註釋 串珠 盧導讀台 |
| 12:20 | I ê jîn-sîn khí-lâi pōe-poān, tī lo̍h-khì Sek-la̍h ê Mi-lō͘ kiong thâi-sí Io-a-si. | 註釋 串珠 盧導讀台 |
| 12:21 | I ê jîn-sîn, to̍h-sī Si-me-at ê kiáⁿ Iok-sat-kah kah Sio-mel ê kiáⁿ Io-cha-bat kā i thâi-sí. Lâng kā i bâi-chòng tī Ta-bi̍t ê siâⁿ kah i ê chó͘-sian kâng ūi. I ê kiáⁿ A-má-chiah sòa-chiap i chò ông. | 註釋 串珠 盧導讀台 |