| 章節 | 全民台語聖經全羅經文 | 註釋 |
| 13:1 | I-su-la-el Ông E-hoa-há-chuhIô-tah ông A-ha-chiah ê kiáⁿ Io-a-si jī-cha̍p saⁿ nî, E-hú ê kiáⁿ E-hoa-há-chuh tī Sa-má-lī-a chē-ūi, chò I-su-la-el ông, kiōng cha̍p-chhit nî. | 註釋 串珠 盧導讀台 |
| 13:2 | I kiâⁿ Siōng-chú só͘ khòaⁿ-chò pháiⁿ ê tāichì, chun-thàn Ne-bat ê kiáⁿ Ia-lô-ba-am, hō͘ I-su-la-el lâng hoān hit-ê chōe, lóng bô lī-khui hit-ê chōe. | 註釋 串珠 盧導讀台 |
| 13:3 | Siōng-chú chiū siū-khì I-su-la-el lâng, tiāⁿtiāⁿ kā in kau tī A-lâm ông Ha-cha-el ê chhiú kah Ha-cha-el ê kiáⁿ ê chhiú. | 註釋 串珠 盧導讀台 |
| 13:4 | E-hoa-há-chuh khún-kiû Siōng-chú, Siōng-chú thiaⁿ i, in-ūi I khòaⁿ tio̍h I-su-la-el lâng siū chè-ap, to̍h-sī A-lâm ông kā in chè-ap. | 註釋 串珠 盧導讀台 |
| 13:5 | Siōng-chú siúⁿ-sù I-su-la-el chi̍t-ê chín-kiù-chiá, hō͘ in thoat-lī A-lâm lâng ê chhiú. I-su-la-el lâng chiū chiàu kū tòa tī in ê pò͘-pêⁿ. | 註釋 串珠 盧導讀台 |
| 13:6 | Chóng-.sī, in bô lī-khui Ia-lô-ba-am ê ke ê chōe, to̍h-sī hō͘ I-su-la-el lâng hoān chōe ê, iû-goân ánne khì kiâⁿ; Sa-má-lī-a ê A-si-lah iáu lâu-.leh. | 註釋 串珠 盧導讀台 |
| 13:7 | I tī jîn-bîn tiong chí ū lâu bé-peng gō͘-cha̍p, chiàn-chhia cha̍p tâi, pō͘-peng chi̍t bān, in-ūi A-lâm ông ū kā in châu-bia̍t, kā in thún-ta̍h, chhin-chhiūⁿ tiūⁿ-tiâⁿ ê thô͘-soa. | 註釋 串珠 盧導讀台 |
| 13:8 | E-hoa-há-chuh kî-tha ê tāichì, kiàn-nā i só͘ kiâⁿ ê kah i ê lêng-le̍k, kám bô lóng kì tī I-su-la-el chiahê ông ê kì-lio̍k? | 註釋 串珠 盧導讀台 |
| 13:9 | E-hoa-há-chuh kah i ê chó͘-sian tâng khùn, lâng kā i bâi-chòng tī Sa-má-lī-a. I ê kiáⁿ Io-a-si sòa-chiap i chò ông. | 註釋 串珠 盧導讀台 |
| 13:10 | I-su-la-el Ông Io-hoa-siIô-tah ông Io-a-si saⁿ-cha̍p chhit nî, E-hoa-há-chuh ê kiáⁿ Io-hoa-si tī Sa-má-lī-a chē-ūi, chò I-su-la-el ông, kiōng cha̍p-la̍k nî. | 註釋 串珠 盧導讀台 |
| 13:11 | I kiâⁿ Siōng-chú só͘ khòaⁿ-chò pháiⁿ ê tāichì, bô lī-khui Ne-bat ê kiáⁿ Ia-lô-ba-am ê chōe, to̍h-sī i hō͘ I-su-la-el lâng hoān chōe ê, iû-goân ánne kiâⁿ. | 註釋 串珠 盧導讀台 |
| 13:12 | Io-a-si kî-tha ê tāichì, kiàn-nā i só͘ kiâⁿ ê, í-ki̍p i kah Iô-tah ông A-má-chiah kau-chiàn ê lêng-le̍k, kám bô lóng kì tī I-su-la-el chiahê ông ê kì-lio̍k? | 註釋 串珠 盧導讀台 |
| 13:13 | Io-a-si kah i ê chó͘-sian tâng khùn, Ia-lô-ba-am chē i ê ūi. Io-a-si kah I-su-la-el chiahê ông chò-hóe bâi-chòng tī Sa-má-lī-a. | 註釋 串珠 盧導讀台 |
| 13:14 | E-lí-siah ê Sí-bôngE-lí-siah phòa-pēⁿ, to̍h-sī teh beh sí ê pēⁿ, I-su-la-el ông Io-a-si lo̍h-lâi khòaⁿ i, àⁿ tī i ê bīn thî-khàu, kóng, " Góa ê pē! Góa ê pē! I-su-la-el ê chiàn-chhia kah i ê bé-peng! " | 註釋 串珠 盧導讀台 |
| 13:15 | E-lí-siah kā i kóng, " Lí gia̍h kiong-chìⁿ. " I chiū gia̍h kiong kah chìⁿ. | 註釋 串珠 盧導讀台 |
| 13:16 | Koh kā I-su-la-el ông kóng, " Lí ēng chhiú poe̍h kiong. " I chiū ēng chhiú poe̍h kiong. | 註釋 串珠 盧導讀台 |
| 13:17 | E-lí-siah hōaⁿ-chhiú tī ông ê chhiú, kóng, " Lí khui ǹg tang ê thang-á. " I chiū khui. E-lí-siah kóng, " Siā chìⁿ. " I chiū siā chìⁿ. E-lí-siah kóng, " Che sī Siōng-chú thâi-iâⁿ ê chìⁿ, to̍h-sī thâi-iâⁿ A-lâm lâng ê chìⁿ, in-ūi lí ē tī A-hek kong-kek A-lâm lâng, ti̍t-kàu kā in choân-pō͘ siau-bia̍t. " | 註釋 串珠 盧導讀台 |
| 13:18 | Koh kóng, " Gia̍h hiahê chìⁿ. " I chiū gia̍h hiahê chìⁿ. I koh kā I-su-la-el ông kóng, " Phah tē! " I phah saⁿ pái chiū soah. | 註釋 串珠 盧導讀台 |
| 13:19 | Siōng-tè ê lô͘-po̍k tùi i siū-khì kóng, " Hit sî, lí tio̍h phah gō͘-la̍k pái, chiū ē kong-kek A-lâm, ti̍t-kàu i choân-pō͘ siau-bia̍t; taⁿ chí ū ē phah-pāi A-lâm lâng saⁿ pái. " | 註釋 串珠 盧導讀台 |
| 13:20 | E-lí-siah sí liáu-āu, lâng kā i bâi-chòng. Kàu sin-nî, ū Mô͘-ap kui tīn lâng chhim-hoān kéng-kài. | 註釋 串珠 盧導讀台 |
| 13:21 | Ū lâng tú-á teh bâi-chòng sí-lâng, hut-jiân khòaⁿ tio̍h kui tīn lâng, chiū kā sí-lâng hiat tī E-lí-siah ê bōng, sí-lâng chi̍t-ē kha̍p tio̍h E-lí-siah ê kut-thâu, chiū koh-oa̍h khiā khí-.lâi. | 註釋 串珠 盧導讀台 |
| 13:22 | I-su-la-el kah A-lâm Ông Kau-chiànE-hoa-há-chuh ê nî-kan, A-lâm ông Ha-cha-el tiāⁿtiāⁿ chè-ap I-su-la-el lâng. | 註釋 串珠 盧導讀台 |
| 13:23 | Chóng-.sī, Siōng-chú in-ūi I kah A-bu-la-hàm, Í-sak, Iâ-kop só͘ li̍p ê iok, iû-goân si un hō͘ I-su-la-el, kā in liân-bín, kā in chiàu-kò͘, m̄-kam kā in châu-bia̍t, iáu-bōe kā in kóaⁿ-tio̍k lī-khui I ê bīn-chêng. | 註釋 串珠 盧導讀台 |
| 13:24 | A-lâm ông Ha-cha-el sí, i ê kiáⁿ sòa-chiap i chò ông. | 註釋 串珠 盧導讀台 |
| 13:25 | Chá-chêng Ha-cha-el kah Io-a-si ê lāu-pē E-hoa-há-chuh kau-chiàn, tùi i ê chhiú the̍h-khì kúi-nā-ê siâⁿ, taⁿ E-hoa-há-chuh ê kiáⁿ Io-a-si tùi Ha-cha-el ê kiáⁿ ê chhiú the̍h tò tńg-.lâi. Io-a-si kā i phah saⁿ pái, cheng-ho̍k I-su-la-el hiahê siâⁿ. | 註釋 串珠 盧導讀台 |