Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
9 Kám-siā Siōng-chú ê Kong-gī
（ Ta-bi̍t ê si, kau hō͘ ga̍k-koaⁿ; tiāu ēng lâm ko-im he̍k ké-siaⁿ ）Góa beh choân-sim kám-siā Siōng-chú; góa beh soan-iông Lí it-chhè kî-biāu ê só͘ chò.
2 Góa beh in-ūi Lí lâi hoaⁿ-hí khoài-lo̍k; Chì-koân-.ê ah, góa beh oló Lí ê miâ.
3 Góa ê tùi-te̍k oa̍t tńg-sin thè-.khì ê sî, in chiū tī Lí ê bīn-chêng poa̍h-tó bia̍t-bông.
4 Lí í-keng thè góa sin-oan, thè góa piān-bêng; Lí chē tī pó-chō, chiàu kong-gī teh sím-phòaⁿ.
5 Lí ū chek-pī lia̍t pang, Lí ū siau-bia̍t pháiⁿ lâng; Lí ū kā in ê miâ éng-oán chhat-siau.
6 Tùi-te̍k ē siū húi-bia̍t, éng-oán hong-hùi; Lí húi-hoāi in ê siâⁿ, bô lâng koh-chài ē kì-tit in.
7 To̍k-to̍k Siōng-chú chē-ūi chò chú kàu éng-oán; I í-keng an-tì I ê pó-chō beh lâi sím-phòaⁿ.
8 I ē chiàu kong-gī lâi sím-phòaⁿ sè-kài, chiàu kong-pêⁿ phòaⁿ-koat chèng lâng.
9 Siōng-chú koh ē chò siū ap-pek ê lâng ê iàu-sài, sī in tī hoān-lān sî ê siâⁿ-pó.
10 Bat Lí ê miâ ê lâng ē óa-khò Lí; in-ūi Siōng-chú Lí m̄ bat khì-sak cháu-chhōe Lí ê lâng.
11 Tio̍h oló tòa tī Si-óng ê Siōng-chú, kā I ê só͘ kiâⁿ soan-iông tī chèng lâng ê tiong-kan.
12 In-ūi hit ūi ūi lâng sin-oan ê Siōng-tè ē kì-tit in; bô bē kì-.tit khùn-khó͘ ê lâng ê ai-kiû.
13 Siōng-chú ah, kiû Lí liân-bín góa; Lí ū tùi sí-bông ê mn̂g kā góa kiù chhut-.lâi, kiû Lí kàm-chhat hiahê oàn-hūn góa ê lâng só͘ hō͘ góa tú-.tio̍h ê khó͘-lān,
14 Thang hō͘ góa kóng-khí Lí it-chhè ê hó miâ-siaⁿ; góa beh tī Si-óng ê siâⁿ mn̂g, ūi tio̍h Lí ê kiù-un lâi hoaⁿ-hí.
15 Lia̍t-pang hām-lo̍h tī in kakī só͘ khui ê hām-kheⁿ; in ê kha tîⁿ tī in thau-thau-á siat ê lô-bāng.
16 Siōng-chú í-keng hián-bêng kakī, I ū kiâⁿ sím-phòaⁿ; pháiⁿ lâng hō͘ kakī ê chhiú só͘ chò ê tîⁿ tio̍h. [im-ga̍k hiáng ìn, Sè-la̍h]
17 Pháiⁿ lâng ē kui tī im-hú, hiahê bē kì-tit Siōng-tè ê lia̍t pang mā ē ánne.
18 In-ūi Siōng-tè it-tēng bē éng-oán bē kì-tit sànchhiah lâng, khùn-khó͘ ê lâng ê ǹg-bāng it-tēng bē éng-oán bô-.khì.
19 Siōng-chú ah, kiû Lí khí-.lâi, m̄ thang hō͘ lâng khah iâⁿ góa; goān lia̍t pang tī Lí ê bīn-chêng siū sím-phòaⁿ!
20 Siōng-chú ah, kiû Lí hō͘ in kiaⁿ-hiâⁿ; goān lia̍t kok chai-iáⁿ kakī chí-put-kò sī lâng niā-niā! [Sè-la̍h]
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。