Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
75 Sím-phòaⁿ ê Chú — Siōng-tè
（ A-sah ê si-koa, kau hō͘ ga̍k-koaⁿ; tiāu ēng " M̄-thang húi-hoāi ". ） Siōng-tè ah, goán kám-siā Lí, goán kám-siā Lí! In-ūi Lí tī goán sin piⁿ, goán beh soan-iông Lí kî-biāu ê chok-ûi.
2 Lí kóng: kàu tiāⁿ tio̍h ê ji̍t-kî, góa beh chiàu kong-pêⁿ sím-phòaⁿ.
3 Tē kah tē-chiūⁿ ê jîn-bîn lóng iô-choah ê sî, sī góa hō͘ tē-chiūⁿ ê thiāu khiā chāi. [Sè-la̍h]
4 Góa tùi kiau-ngō͘ ê lâng kóng, M̄-thang kiau-ngō͘! Tùi pháiⁿ lâng kóng, M̄-thang tián-ui!
5 M̄-thang chhàng-chhiu; m̄ thang ngē lí ê ām-kún lâi kóng tōa-ōe.
6 In-ūi lâng siū ko-seng m̄-sī tùi tang, m̄-sī tùi sai, mā m̄-sī tùi lâm.
7 Chí-ū Siōng-tè chiah ē-tàng koat-tēng; I hō͘ chit-ê kàng kē, hō͘ hit-ê seng koân.
8 Siōng-chú chhiú-.ni̍h the̍h poe, poe lāi ê chiú khí phe̍h, poe lāi ū kòe-thàu ê chiú móa-móa; I kā chiú piàⁿ chhut-.lâi, tē-chiūⁿ ê pháiⁿ lâng lóng lim chit-ê chiú, lim kàu liân che-tái mā ta.
9 Chí-ū góa beh soan-iông ti̍t-kàu éng-oán! Góa beh chhiùⁿ koa oló Iâ-kop ê Siōng-tè!
10 Pháiⁿ lâng só͘-ū ê kak, I ē kā i chám-tn̄g; gī lâng ê kak ē tit tio̍h kí-khí.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。