Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
126 Kî-kiû Siōng-chú Pang-chō͘
（Peh kiā-á ê si. ）Siōng-chú chhōa hiahê siū lia̍h ê lâng tò tńg-lâi Si-óng, hit sî, lán chhin-chhiūⁿ teh bîn-bāng.
2 Hit sî, lán ê chhùi hah-hah chhiò, lán ê chi̍h chhut tōa hoaⁿ-hí ê siaⁿ; gōa-pang tiong chiū ū lâng kóng, Siōng-chú ūi in chò chi̍t kiāⁿ tōa tāichì.
3 Siōng-chú ū ūi lán chò tōa tāichì, lán chiū hoaⁿ-hí.
4 Siōng-chú ah, kiû Lí hō͘ hiahê siū lia̍h ê lâng tò tńg-.lâi, chhin-chhiūⁿ lâm-hong ê khe chúi koh teh lâu.
5 Lâu ba̍k-sái iā chéng-chí ê lâng, ē chhut hoaⁿ-hí ê siaⁿ lâi siu-koah.
6 Hitê lâu ba̍k-sái tòa chéng-chí chhut-khì ê lâng, tek-khak ē tòa i ê tiū-pé hoaⁿ-hoaⁿ hí-hí tò tńg-.lâi!
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。