Í-sài-a su/以賽亞書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
18 Siōng-chú beh Têng-hoa̍t Kú-si̍t
Ha-ha! Kú-si̍t chiahê hô gōa, ū si̍t teh phia̍t-phia̍t háu ê tē.
2 Siū chhe ê sù-chiá kòe hái, chē lô͘-úi ê chûn tī chúi-bīn, kóng, " Lín chiahê cháu chin kín ê sù-chiá, tio̍h kàu koân-tōa, phôe-hu kng-ku̍t ê jîn-bîn hia. Tùi khai-kok í-lâi, hiahê jîn-bîn hui-siông thang kiaⁿ, sī hun tē-kài kā lâng thún-ta̍h ê, in ê tē ū kang-hô hun-khui.
3 Sè-chiūⁿ só͘-ū ê jîn-bîn kah tòa tī tē-chiūⁿ ê lâng, soaⁿ téng khiā tōa kî ê sî, lín tio̍h khòaⁿ; pûn sàu-kak ê sî, lín tio̍h thiaⁿ.
4 In-ūi Siōng-chú tùi góa ánne kóng, " Tng-ji̍t-.sî ū thiⁿ-khì ê iām-joa̍h, siu-koah ê joa̍h-thiⁿ ū lō͘-chúi ê hûn-bū ê sî, góa beh tī góa tòa ê só͘-chāi tiām-tiām chē teh khòaⁿ. "
5 Siu-koah ê chìn-chêng, tng hoe í-keng khui liáu siā-.khì, hoe mā kiat-chiâⁿ beh se̍k ê phû-tô ê sî, I ē ēng liâm-á koah-khì nńg ê ki, koh ē chián-tû ām-ām ê tîn.
6 In lóng ē hông hiat hō͘ soaⁿ kan ê eng-chiáu kah tē-chiūⁿ ê iá-siù; joa̍h-thiⁿ sî, eng-chiáu ē hioh tī hia, kôaⁿ-thiⁿ sî, iá-siù lóng ē tó tī hia.
7 Kàu hit sî, chit-ê koân-tōa, phôe-hu kng-ku̍t ê jîn-bîn, to̍h-sī tùi khai-kok í-lâi hui-siông thang kiaⁿ, hun tē-kài kā lâng thún-ta̍h ê, in ê tē ū kang-hô hun-khui, in ē kā lé-mi̍h hiàn hō͘ bān-kun ê Siōng-chú, to̍h-sī hiàn-kàu Si-óng soaⁿ, Siōng-chú an-tì I ê miâ ê só͘-chāi.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。