Í-se-kiat su/以西結書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
19 Ai-ko
Lí tio̍h ūi I-su-la-el ê ông-chhin chò ai-ko:
2 Lín lāu-bú sī siáⁿ-mi̍h? Sī bó ê sai, phak tī chiahê sai ê tiong-kan, tī sè-chiah sai ê tiong-kan, iúⁿ-chhī i ê kiáⁿ.
3 Tī i ê kiáⁿ tiong-kan chhī chit chiah sai kàu tōa, ha̍k-si̍p kā mi̍h lâi chia̍h lâng.
4 Lia̍t kok thiaⁿ-.tio̍h chiū tī in ê hām-kheⁿ lia̍h tio̍h, ēng liân-á kā i thoa kàu Ai-gi̍p tē.
5 Bó ê sai khòaⁿ pún-sin thèng-hāu kàu sit-bōng, chiū tùi i sè-chiah sai ê tiong-kan koh chhú chi̍t chiah, kā i iúⁿ-chhī kàu tōa.
6 I tī chiahê sai ê tiong-kan cháu-lâi cháu-khì, chiâⁿ-chò ióng ê sai, ha̍k-si̍p kā mi̍h lâi chia̍h lâng.
7 I chai in ê kiong-tiān, koh hō͘ in ê siâⁿ piàn-chò pha-hng, in-ūi i hm̄-hm̄ háu ê siaⁿ, choân tē kah kî-tiong só͘-ū ê chiū lóng hong-hùi.
8 Chiū ánne, sì-kho͘-ûi ê pang-kok tùi ta̍k séng lâi kā i kong-kek, ēng bāng pha tī i ê téng-bīn, i tī in ê hām-kheⁿ siū lia̍h.
9 In kā i liān tī tû-nih, tòa lâi-kàu Ba-bú-lông ông hia, kā i koaiⁿ tī kian-kò͘ ê só͘-chāi, hō͘ i ê siaⁿ tī I-su-la-el soaⁿ bô koh thiaⁿ-.tio̍h.
10 Lín lāu-bú chá-chêng chhin-chhiūⁿ phû-tô chhiū, hui-siông bō͘-sēng, chai tī chúi piⁿ, in-ūi chúi chē chiū kiat chin chē kóe-chí, hoat chin chē ki.
11 Seⁿ-chhut giám-ngē ê ki-oe, thang chò chiáng-koân-chiá ê koái-á. I tī bō͘-sēng ê ki-oe tiong chiâⁿ-chò ke̍k koân ê; in-ūi koân, i ê oe ê tiong-ki chiū théng-khí, hō͘ lâng khòaⁿ ē tio̍h.
12 Chóng-.sī, chit châng phû-tô chhiū in-ūi tōa siū-khì, tú tio̍h siū poe̍h khí-lâi hiat tī tē-.ni̍h; tang-hong kā i ê kóe-chí chhoe ta, giám-ngē ê ki-oe at-tn̄g ta-.khì, hō͘ hóe sio-sio-.khì.
13 Taⁿ chai tī khòng-iá, ta-sò bô chúi ê tē.
14 Koh tùi i koân ê ki-oe ū hóe hoat-chhut, sio i ê kóe-chí, tì-sú i bô giám-ngē ê ki-oe thang chò chiáng-koân-chiá ê koái. Che sī thang ai-siong ê, thang chò ai-ko.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。