Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
1:1 Si-phian Tē-it Koàn(1~41 phiⁿ）
Chin-chiàⁿ Ū Hok-khì ê Lâng
Bô kiâⁿ pháiⁿ lâng ê kè-bô͘, bô khiā chōe-jîn ê lō͘, bô kah bú-bān ê lâng chē chò-hóe, chit khoán lâng ū hok-khì.
1:2 I só͘ hoaⁿ-hí ê, sī Siōng-chú ê lu̍t-hoat; mê-ji̍t sàm-su ê, mā sī I ê lu̍t-hoat.
1:3 I ē chhin-chhiūⁿ chhiū chai tī khe-chúi piⁿ, chiàu-sî kiat kóe-chí, hio̍h mā bē ta-.khì; i it-chhè só͘ chò ê lóng heng-thong.
1:4 Pháiⁿ lâng m̄-sī ánne, i chhin-chhiūⁿ chho͘-khng hō͘ hong chhoe-sòaⁿ-.khì.
1:5 Só͘-í, tī sím-phòaⁿ ê sî, pháiⁿ lâng tī Siōng-chú ê bīn-chêng khiā bē tiâu; chōe-jîn tī gī lâng ê hōe tiong mā sī ánne.
1:6 In-ūi Siōng-chú chai gī lâng ê lō͘, m̄ koh, pháiⁿ lâng chí ū bia̍t-bông chi̍t tiâu lō͘.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。