Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
20:1 Ūi Sèng-lī Kî-tó
（ Ta-bi̍t ê si; kau hō͘ ga̍k-koaⁿ. ）Goān Siōng-chú tī lí hoān-lān ê ji̍t-chí thiaⁿ lí ê ōe; goān Iâ-kop ê Siōng-tè ê miâ kā lí an-tì tī koân ê só͘-chāi.
20:2 Goān I tùi sèng-só͘ pang-chān lí, tùi Si-óng hû-chhî lí.
20:3 Goān I kì-liām lí it-chhè só͘ hiàn ê, chiap-la̍p lí ê sio-chè. [Sè-la̍h]
20:4 Goān I chiàu lí ê sim só͘ ì-ài ê hō͘ lí, sêng-choân lí it-chhè ê kè-ōe.
20:5 Goán beh in-ūi Lí ê kiù-un lâi chhiùⁿ koa; goán beh hōng Siōng-tè ê miâ lâi khiā-kî khèng-chiok. Goān Siōng-chú sêng-choân lí it-chhè ê kî-kiû!
20:6 Taⁿ góa chai Siōng-chú kiù I só͘ boah iû ê, ē tùi I sèng ê thiⁿ-téng thiaⁿ i ê ōe, ēng I chiàⁿ chhiú ê khùi-la̍t chín-kiù i.
20:7 Ū lâng óa-khò chhia, ū lâng óa-khò bé; to̍k-to̍k goán beh kóng-khí Siōng-chú — goán Siōng-tè ê miâ.
20:8 In ē thâi-su poa̍h-tó; goán ē khí-lâi khiā chāi-chāi.
20:9 Siōng-chú ah, kiû Lí hō͘ goán ê ông tek-sèng; goán kiû-kiò ê sî, kiû Lí kā goán ìn-tap.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。