Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
28:1 Kiû Chō͘ ê Kî-tó
（ Ta-bi̍t ê si. ）Siōng-chú ah, góa beh kiû-kiò Lí; góa ê chio̍h-pôaⁿ ah, m̄ thang bô beh thiaⁿ góa ê ōe. Lí nā tùi góa tiām-tiām, góa chiū chhin-chhiūⁿ ji̍p tī bōng lāi ê lâng.
28:2 Góa kiû-kiò Lí, ǹg Lí ê chì-sèng-só͘ gia̍h chhiú kî-tó ê sî, kiû Lí thiaⁿ góa khún-kiû ê siaⁿ.
28:3 M̄-thang kā góa kah pháiⁿ lâng, í-ki̍p chok-gia̍t ê lâng chò chi̍t-ē tû-.khì; in kah chhù-piⁿ kóng hó thiaⁿ ê ōe, chóng-.sī, in ê sim kan-chà im-hiám.
28:4 Goān Lí chiàu in só͘ chò ê, mā chiàu in só͘ kiâⁿ ê pháiⁿ tāi lâi kā in pò-èng; goān Lí chiàu in ê chhiú só͘ chò ê kah in só͘ eng-kai tú-.tio̍h ê kā in pò-èng.
28:5 In kì-jiân bô tiōng-sī Siōng-chú ê chok-ûi, í-ki̍p I ê chhiú ê só͘ chò, I chiū ē kā in húi-hoāi, bô beh kā in kiàn-li̍p.
28:6 Siōng-chú sī eng-kai siū oló ê, in-ūi I ū thiaⁿ góa khún-kiû ê siaⁿ.
28:7 Siōng-chú sī góa ê khùi-la̍t, mā sī góa ê tîn-pâi; góa ê sim óa-khò I, góa chiū tit tio̍h pang-chān. Só͘-í, góa ê sim tōa hoaⁿ-hí, góa beh ēng si-koa lâi oló I.
28:8 Siōng-chú sī I ê chú-bîn ê khùi-la̍t, mā sī I siū boah iû ê ông tit-kiù ê siâⁿ-pó.
28:9 Kiû Lí chín-kiù Lí ê chú-bîn, sù-hok hō͘ chò Lí sán-gia̍p ê chú-bîn, kā in iúⁿ-chhī, hû-chhî, ti̍t-kàu éng-oán.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。