Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
46:1 Siōng-chú kah Lán Tông-chāi
（ Khó-la̍h kiáⁿ-sun ê si, kau hō͘ ga̍k-koaⁿ; tiāu sī ēng lú-im. ）Siōng-tè sī goán tô-siám ê só͘-chāi kah khùi-la̍t, mā sī hoān-lān tiong ki̍p-sî ê pang-chān.
46:2 Só͘-í, tē sûi-jiân piàn-chhian, soaⁿ sûi-jiân iô-tāng kàu tī hái tiong,
46:3 Hái chúi sûi-jiân hōa-hōa háu teh giâ éng, soaⁿ sûi-jiân in-ūi hái-tiòng iô-tāng, goán mā bô kiaⁿ. [Sè-la̍h]
46:4 Ū chi̍t tiâu hô, i ê chúi-lâu khui-chhe, hō͘ Siōng-chú ê siâⁿ hoaⁿ-hí; to̍h-sī Chì-koân-.ê tòa ê sèng-só͘.
46:5 Siōng-tè tī hit tiong-kan, siâⁿ it-tēng bē iô-tāng; thiⁿ-phú-kng, Siōng-tè chiū kā i pang-chān.
46:6 Ī-pang hōa-hōa háu, lia̍t kok iô-tāng; Siōng-tè chhut I ê siaⁿ, tē chiū siau-iûⁿ.
46:7 Bān-kun ê Siōng-chú kah goán tông-chāi, Iâ-kop ê Siōng-tè chò goán ê siâⁿ-pó. [Sè-la̍h]
46:8 Lâi, lâi khòaⁿ Siōng-chú ê só͘ chò, khòaⁿ I hō͘ tē hong-hùi kàu án-chóaⁿ.
46:9 I hō͘ kau-chiàn soah, kàu tī choân tē; I at-tn̄g kiong, chám-tn̄g chhiuⁿ, kā chiàn-chhia pàng hóe sio.
46:10 Lín tio̍h chēng-chēng, tio̍h chai góa sī Siōng-tè! Góa beh tī lia̍t pang tiong chò tōa siū chun-chông, tī choân tē-chiūⁿ mā siū chun chò tōa.
46:11 Bān-kun ê Siōng-chú kah goán tông-chāi, Iâ-kop ê Siōng-tè chò goán ê siâⁿ-pó.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。