Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
48:1 Si-óng — Siōng-tè ê Siâⁿ
（ Khó-la̍h kiáⁿ-sun ê si-koa. ）Siōng-chú chì-tōa, eng-kai tōa-tōa tit tio̍h oló, to̍h-sī tī lán Siōng-tè ê siâⁿ, tī I ê sèng-soaⁿ.
48:2 Si-óng soaⁿ — tōa kun-ông ê siâⁿ, tī pak bīn, koân-tōa koh hó khòaⁿ, hō͘ choân tē lóng hoaⁿ-hí.
48:3 Siōng-tè tī I ê kiong-tiān lāi, kakī hián-bêng chò koân-tōa.
48:4 Lí khòaⁿ, lia̍t ông chū-chi̍p, in chò-hóe tùi hia keng-kòe.
48:5 In chi̍t-ē khòaⁿ tio̍h siâⁿ, chiū tio̍h-kiaⁿ kah gāng-.khì; kiaⁿ-hiâⁿ kóaⁿ-kín chàu.
48:6 In tī hia phi̍h-phi̍h chhoah, thàng-thiàⁿ chhin-chhiūⁿ seⁿ kiáⁿ ê chabó͘ lâng.
48:7 Chhin-chhiūⁿ hō͘ tang-hong phah-phòa ê Tal-si-sih ê chûn.
48:8 Goán tī bān-kun ê Siōng-chú ê siâⁿ tiong, to̍h-sī lán ê Siōng-tè ê siâⁿ tiong, só͘ khòaⁿ tio̍h-.ê tútú chiàu goán só͘ thiaⁿ-.tio̍h ê; Siōng-tè beh hō͘ chit-ê siâⁿ kian-kò͘ kàu éng-oán. [Sè-la̍h]
48:9 Siōng-tè ah, goán tī Lí ê tiān lāi, siàu-liām Lí ê chû-ài.
48:10 Siōng-tè ah, Lí só͘ siū ê oló, tútú kah Lí ê miâ sio-ha̍p, kàu tī tē-ke̍k! Lí ê chiàⁿ chhiú chhiong-móa kong-gī.
48:11 In-ūi Lí ê sím-phòaⁿ chèng-khak, Si-óng soaⁿ tio̍h hoaⁿ-hí, Iô-tah ê siâⁿ-chhī tio̍h khoài-lo̍k.
48:12 Lín tio̍h se̍h Si-óng ê sì-kho͘-ûi kiâⁿ, tiám-sǹg i ê siâⁿ-lâu.
48:13 Siông-sè khòaⁿ i ê siâⁿ chhiûⁿ, chim-chiok khòaⁿ i ê ông-kiong, hō͘ lín thang tùi āu-tāi soan-iông.
48:14 Chit ūi Siōng-tè éng-éng oán-oán chò lán ê Siōng-tè, I ē ín-chhōa lán it-ti̍t kàu éng-oán.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。