Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
54:1 Kî-kiû Pó-hō͘
（ Ji-hu lâng lâi tùi Sàu-lô kóng, " Ta-bi̍t kám m̄-sī bih tī goán hia? " Hit sî, Ta-bi̍t chò chit-ê kà-sī ê si, kau hō͘ ga̍k-koaⁿ; ēng si-hiân ê ga̍k-khì. ）Siōng-tè ah, kiû Lí ēng Lí ê miâ kiù góa, ēng Lí ê tōa koân-lêng thè góa sin-oan.
54:2 Siōng-tè ah, kiû Lí thiaⁿ góa ê kî-tó, àⁿ hīⁿ-khang thiaⁿ góa ê chhùi só͘ kóng ê ōe.
54:3 In-ūi gōa-lâng khí-lâi kong-kek góa, kiông-ok ê lâng siàu-siūⁿ góa ê sèⁿ-miā; in tī in ê bīn-chêng bô kèng-ùi Siōng-tè. [Sè-la̍h]
54:4 Siōng-tè sī góa ê pang-chān, Chú sī góa ê pó-hō͘-chiá.
54:5 I ē chiàu góa ê tùi-te̍k tùi góa só͘ chò ê pháiⁿ kā in pò-èng; kiû Lí chiàu Lí ê sìn-si̍t kā in húi-bia̍t.
54:6 Góa beh kam-sim lo̍k-ì hiàn chè-sū hō͘ Lí; Siōng-chú ah, góa beh kám-siā oló Lí ê miâ, in-ūi Lí ê miâ sī hó.
54:7 I ū kiù góa thoat-lī só͘-ū ê hoān-lān; góa ū chhin-ba̍k khòaⁿ tio̍h góa ê tùi-te̍k tú tio̍h pò-èng.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。