Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
98:1 Chiáng-koán Sè-kài ê Siōng-tè
（ Chi̍t phiⁿ SPh. ）Lín tio̍h ǹg Siōng-chú chhiùⁿ sin ê koa! In-ūi I bat chò kî-biāu ê tāichì; I ê chiàⁿ chhiú — sèng ê chhiú-kut í-keng ūi kakī kiâⁿ chín-kiù.
98:2 Siōng-chú hō͘ lâng chai I ê chín-kiù, tī lia̍t pang hián-bêng I ê kong-gī;
98:3 I kì-liām I tùi I-su-la-el ê chú-bîn só͘ hoat-chhut ê chû-ài kah sìn-si̍t. Thiⁿ-piⁿ hái-kak lóng khòaⁿ tio̍h lán Siōng-tè ê chín-kiù.
98:4 Choân tē lóng tio̍h ǹg Siōng-chú chhut hoaⁿ-hí ê siaⁿ; tio̍h chhut tōa-siaⁿ hoaⁿ-hí chhiùⁿ koa oló I!
98:5 Tio̍h tôaⁿ khîm chhiùⁿ koa oló Siōng-chú; tio̍h tôaⁿ khîm hô si-koa ê siaⁿ lâi oló I!
98:6 Ēng kó͘-chhoe kah sàu-kak ê siaⁿ, tī Siōng-chú — lán ê kun-ông bīn-chêng chhut hoaⁿ-hí ê siaⁿ!
98:7 Goān hái kah kî-tiong só͘-ū ê oa̍h-mi̍h lóng tio̍h chhut tōa-siaⁿ; sè-kài kah hit tiong-kan ê oa̍h-mi̍h mā tio̍h chhut siaⁿ.
98:8 Goān kang-hô phah pho̍k-á; goān chiahê soaⁿ tī Siōng-chú ê bīn-chêng chhut hoaⁿ-hí ê siaⁿ.
98:9 In-ūi I lâi beh sím-phòaⁿ choân tē. I ē chiàu kong-gī sím-phòaⁿ sè-kài; chiàu I ê chèng-ti̍t sím-phòaⁿ lia̍t pang.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。